O'zbekiston xususiy universitetlari bir-biridan qanday farq qiladi?

Universitet tanlashda e'tibor berilishi kerak bo'lgan jihatlar

• Akademik daraja: Oliygohning akademik obro'si, o'qituvchilar darajasi va tadqiqot dasturlarining mavjudligi muhim ahamiyatga ega.
• Diplom olish: Agar maqsad diplom olish bo'lsa, minimal talablar va tezlashtirilgan yoki sirtqi ta’lim dasturlari mavjudligini o'rganish kerak.
• Moliyaviy imkoniyatlar: Ta’lim narxi, to'lov usullari, mavjud chegirmalar yoki moslashuvchan to'lov shartlarini bilish zarur.
• Til talablari: Ingliz tilini bilish talablarini, masalan, IELTS talablarini tekshirish lozim.
• Harbiy xizmatdan ozod bo'lish: Agar harbiy xizmatdan ozod bo'lish kerak bo'lsa, byudjet ta'limi va xizmatdan ozod bo'lish imkoniyatiga ega oligohni tanlash muhim.
• Chet elda o'qish imkoniyati: Agar chet elda o'qish rejalashtirilgan bo'lsa, oliy ta'lim muassasasi chet el dasturlari, almashinuv dasturlari va vizalar berishini taklif qilishini bilish kerak.
• Qabul qilish muddatlari: Hujjatlarni topshirishning amaldagi muddatlarini bilish, shunda hamma narsani o'z vaqtida topshirish mumkin.
• Kontrakt to'lovi: Universitet tanlashda kontrakt to'lovi muhim omil hisoblanadi. Har bir oliygohda ta'lim narxlari turlicha bo'lib, o'zingizning moliyaviy imkoniyatlaringizga mos keladigan to'lovni tanlash lozim. Ayrim universitetlarda to'lovni qisman yoki bo'lib to'lash imkoniyatlari, shuningdek, stipendiyalar va chegirmalar ham mavjud. Shuning uchun, to'lov siyosatini va qo'shimcha imtiyozlarni oldindan batafsil o'rganib chiqing, bu sizning moliyaviy rejalaringizni to'g'ri tuzishga yordam beradi.

Xususiy universitetlar turlari va ularning farqlari

O'zbekistonda oliy ta'lim olish uchun turli xil imkoniyatlar taqdim etuvchi bir nechta turdagi oliy o'quv yurtlari mavjud. Ular orasida mahalliy universitetlar, xorijiy universitetlarning filiallari va xorijiy hamkorlarga ega universitetlar ajralib turadi.

Xorijiy universitetlar filiallari

Xorijiy oliygohlarning filiallari O'zbekistonda joylashgan bo'lib, ular xorijiy universitetlar diplomlarini beradi. Bu talabalarga chet elda ishlash va o'qish imkoniyatini taqdim etadi. Bunday oliygohlar xalqaro standartlarga mos keladigan ta'lim dasturlarini taklif etadi va global miqyosda tan olingan diplomlar beradi. Shu sababli, xorijiy filiallar ko'proq imkoniyatlar taqdim etishi bilan birga, kontrakt narxi ham mahalliy universitetlarga qaraganda qimmatroq bo'lishi mumkin.

• Ajou University in Tashkent
• Varshava Menejment Universiteti Andijon filiali
• Inha
• Latviya Axborot tizimlari menejmenti Oliy maktabining Farg'ona shahridagi filiali
• Sambhram University
• Sharda University Uzbekistan
• TMC Institute
• Amity University in Tashkent
• Puchon University in Tashkent
• Toshkentdagi Singapur menejmentni rivojlanish instituti
• Turin Politexnika Universiteti
• Turkiya iqtisodiyot va texnologiyalar universitetining Toshkent filiali
• Webster University
• Westminster International University in Tashkent

Xorijiy hamkorlarga ega universitetlar

Xorijiy hamkorlarga ega mahalliy oliy ta'lim muassasalari xorijiy ta'lim muassasalari bilan hamkorlik shartnomalari tuzadi. Bu talabalarga xorijiy oliygohlarda o'qish, almashinuv dasturlarida qatnashish va qo'shma dasturlar orqali ikki tomonlama diplom olish imkoniyatini beradi. Bu oliygohlar xalqaro tajribaga ega bo'lishni istagan talabalarga mo'ljallangan. Shuni ham unutmaslik kerakki, bunday universitetlarda kontrakt narxlari ham sezilarli darajada yuqori bo'lishi mumkin.

• Alfraganus
• British Management University in Tashkent
• Diplomatiya
• Farg'ona shahridagi Koreya xalqaro universiteti
• International Digital University
• Japan Digital University
• Oxus University
• PDP
• Raqamli iqtisodiyot va agrotexnologiyalar
• Renessans ta'lim
• STARS International University
• TEAM University
• Toshkent shahridagi Yeoju texnika instituti (Kimyo International University in Tashkent)
• University of Management and Future Technologies

Mahalliy xususiy universitetlar

Mahalliy oliy ta'lim muassasalari O'zbekistonda akkreditatsiyadan o'tgan va faqat O'zbekistonda tan olingan diplomlarni berish huquqiga ega. Bu oliygohlarda ta'lim olayotgan talabalar odatda mahalliy mehnat bozori uchun tayyorlanadi. Toshkentdagi xususiy universitetlar soni 36 tani, viloyatlarda esa 26 tani tashkil qiladi. Kontrakt narxlari bu universitetlarda har xil bo'lib, ko'pincha xorijiy universitetlarga qaraganda arzonroq bo'ladi. Quyida batafsil ro'yhati:

Mahalliy xususiy OTMlar ro'yxati →

Xususiy universitetlarda kontrakt narxlari

Umumiy byudjetni rejalashtirish qulay bo'lishi kerak. Bu talabalarning qo'shimcha moliyalashtirish manbalarini qidirish uchun murakkab o'qishdan chalg'imasligini ta'minlaydi. Quyidagi jadvalda OTMlardagi ta'lim narxlarini to'plab saraladik:

Xususiy universitetlarga hujjat topshirish muddatlari

Bitiruvchilar diplom yoki attestat olgan zahoti oliy o'quv yurtiga hujjat topshirish huquqiga ega. O'quvchilar uchun attestatlarni topshirishning aniq bir sanasi yo'q, odatda bu iyun oyida amalga oshiriladi.

Oliy o'quv yurtiga hujjat topshirishning bir necha usullari mavjud:

• Shaxsan qabul komissiyasiga olib borish.
• Onlayn ro'yxatdan o'tish.

Hujjatlarni qabul qilish muddati kontrakt va byudjet o'rinlari uchun barcha ta'lim shakllari — kunduzgi, sirtqi va kechki ta'lim uchun bir xil. Pullik bo'limlarda esa oliy o'quv yurtlari muddatlarni o'zlari belgilaydi.

Quyida faqat qabul sanalari keltirilgan, lekin ba'zi sanalar noto'g'ri bo'lishi mumkin, chunki ko'pchilik oliy o'quv yurtlari kvota to'lgunga qadar abituriyentlarni qabul qiladi. Shuning uchun, qiziqqan oliy o'quv yurtlariga avvalo qo'ng'iroq qilishni tavsiya etamiz.

Bir qator oliygohlarda hujjat topshirish muddati allaqachon yakunlandi. Quyida hujjat topshirishga ulgurishingiz mumkin bo'lgan OTMlar ro'yxati keltirilgan.

Ba'zi abituriyentlar kelajakda qaysi sohada ishlashlarini oldindan aniq bilishadi, ammo boshqalar esa hali o'z yo'nalishlarini tanlamagan yoki qiziqishlari bo'yicha yo'nalishlar mavjudligini bilishmaydi. Shu sababli, tanlagan o'quv yurtida sizga kerakli fakultet va dasturlar mavjudligini oldindan tekshirib ko'rishingiz muhim.

IELTS talabi

O‘quv yurtini tanlashda, ta'lim olinadigan til va OTMlarning IELTS bo‘yicha talablarini inobatga olish juda muhim. Ayrim universitetlarda til bilish darajasi asosiy tanlov mezonlaridan biri bo‘lib, til sertifikati orqali yuqori malakani tasdiqlash talab etiladi. Shuni yodda tutish kerakki, IELTS imtihoniga tayyorgarlik ham ma'lum bir xarajatlarni talab qiladi. Tayyorlanish jarayonida repetitorlarga to‘lov qilish zarurati ham bo‘lishi mumkin, bu esa kontrakt to‘loviga qo‘shimcha xarajat sifatida kiritilishi mumkin.

Quyidagi xususiy o'quv yurtlariga IELTS sertifikati talab qilinmaydi va faqat ichki imtihonlar orqali qabul amalga oshiriladi:

• Aniq va ijtimoiy fanlar universiteti
• Buxoro innovatsiyalar universiteti
• Fan va texnologiyalar universiteti
• Ipak yo'li inovatsiyalar universiteti
• IT Park University
• Oriental University
• Osiyo xalqaro universiteti
• Renessans ta'lim
• STARS International University
• Toshkent ijtimoiy innovatsiyalar universiteti
• Toshkent menejment va iqtisodiyot instituti
• Toshkent xalqaro universiteti
• Turkiya iqtisodiyot va texnologiyalar universitetining Toshkent shahridagi filiali
• University of Management and Future Technologies