Eng arzon rouming qaysi operatorda?
Foto: tourweek.ru
Narxlarni solishtirishdan oldin, sayohat paytida aynan qanday aloqa xizmatlari kerakligini aniqlash muhimdir. Misol uchun o'z mamlakatingizga kiruvchi yoki chiquvchi qo'ng'iroqlar talab qilinadimi yoki chet elga qo'ng'iroq qilish imkoniyati kerakmi, balki sizga faqat internet paketlari kerakdir.
Rouming xizmatida o'z telefoningizdan boshqa davlatda foydalanayotganingizda, mobil operatoringiz sizni o'sha mamlakat tarmog'iga ulaydi. Bu sizga qo'ng'iroq qilish, xabar yuborish va internetdan foydalanish imkonini beradi. Ammo ko'pincha rouming xizmati odatdagidan ko'proq xarajat talab qiladi.
Operatorlarning rouming narxlari tanlangan davlatga qarab farqlanadi, bundan tashqari, rouming xizmatlarini paketlarda yoki daqiqalar va megabaytlarni alohida sotib olish mumkin. Barcha operatorlarning tariflari shunday tuzilganki, bitta operatorning tarifini boshqasi bilan solishtirish juda qiyin. Masalan, ba'zi operatorlar kunlik, ba'zilari esa haftalik paketlarni taklif qilmoqda. Biroq, biz eng hamyonbop variantlarni tanlab, taqqoslashni iloji boricha haqqoniy va mantiqiy qilishga harakat qildik.
Narxlarni solishtirish uchun, faraz qilamizki, bir haftaga sayohatga borishingiz kerak va sizda quyidagi ehtiyojlar bo'lishi mumkin:
- Minimal miqdordagi aloqa xizmati — Agar faqat elektron pochtangizni vaqti-vaqti bilan tekshirishingiz kerak bo'lsa, minimal hajmli tarif reja siz uchun yetarli bo'ladi. Shuningdek, faqat mehmonxonagacha taksi chaqirish kerak bo‘lsa ham, minimal aloqa xizmatlari yetarli bo'ladi.
- Kattaroq miqdordagi internet va bir necha daqiqa — Agar ish va uydagilar bilan aloqa uchun ko'proq internet kerak bo'lsa, shuningdek, qo'ng'iroqlar uchun bir necha daqiqalar kerak bo'lsa, 1GB internet va bir necha daqiqalik qo'ng'iroqlar paketini tanlash mumkin.
Biz taqqoslash uchun hafta davomida foydalanish mumkin bo'lgan 1 GB internet miqdorini tanladik. Bu miqdor hafta davomida telegramga kirish, xabarlarga javob berish, 5-6 ta surat yuborish, bir-ikkita qo'ng'iroq va instagramga post qo'yish imkonini beradi.
Ba'zi operatorlar hamyonbop kunlik tariflarni ham taklif qiladi. Nisbatan arzon narx evaziga kun davomida foydalanish kerak bo'lgan 100 MB dan 1 GB gacha internet paketini olish mumkin. Biroq, agar hafta davomida har kuni bunday tariflardan foydalansangiz, ushbu xizmatlar qimmatga tushishi mumkin. Faqat ma'lum kunlarda muloqot qiladiganlar uchun sutkalik tariflar yaxshi yechim bo'lishi mumkin.
Taqqoslash qulay bo'lishi uchun misol tariqasida 2024-yilda O'zbekistonliklar uchun mashhur yo'nalishlar bo'lgan Turkiya, Rossiya va Birlashgan Arab Amirliklarini (BAA) ko'rib chiqamiz.
Turkiya
- Agar hafta davomida faqat 1 GB hajmdagi internet kerak bo'lsa, Uztelecom operatorining paketli taklifi arzonroq;
- Agar hafta davomida faqat 1 GB internet va 20 daqiqagacha qo‘ng‘iroq vaqti kerak bo‘lsa, Beeline operatorining taklifi arzonroq;
- Agar minimal miqdordagi internet va qo'ng'iroqlar kerak bo'lsa, Humans va Beeline operatorlarining taklifi arzonroq.
Paketlar (narxlar so'mda)
| Xizmatlar | Beeline | Ucell | Uztelecom |
| Internet 1 GB | — | 150 000* | 100 000 |
| Internet+qo'ng'iroqlar |
150 000 1 GB+20 daqiqa |
— |
300 000 750MB+75 daqiqa |
*Aksiya doirasida 500 MB internetni ikki marotaba 75 mingdan sotib olish mumkin. Aksiya 2024-yilning sentyabrigacha.
Alohida xizmatlar (narxlar so'mda)
| Xizmatlar | Mobiuz | Beeline | Ucell | Uztelecom | Oq | Humans |
| 100 MB | 145 000 | 20 000 (Kunlik) | 189 000 | 100 000 | 20 000 (Kunlik) | 30 000 |
| Kiruvchi qo'ng'iroq | 9 950 | 7 500 | 10 104 | 7 500 | 10 000 | 3 000 |
| Mahalliy chiquvchi qo'ng'iroq | 5 950 | 7 500 | 6 315 | 7 500 | 10 000 | 5 400 |
| O'zb-ga chiquvchi qo'ng'iroq | 7 450 | 7 500 | 7 788 | 7 500 | 25 000 | 5 400 |
Rossiya
- Agar hafta davomida faqat 1 GB hajmdagi internet kerak bo'lsa, Uztelecom operatorining paketli taklifi arzonroq;
- gar hafta davomida faqat 1 GB internet va 20 daqiqagacha qo‘ng‘iroq vaqti kerak bo‘lsa, Beeline operatorining taklifi arzonroq;
- Agar hafta davomida har kuni katta miqdorida xizmat kerak bo'lsa Ucell operatori taqdim etadigan kunlik tarif foydaliroq;
- Agar minimal miqdordagi internet va qo'ng'iroqlar kerak bo'lsa, Humans operatorining taklifi arzonroq.
Paketlar (narxlar so'mda)
| Xizmatlar | Beeline | Ucell | Uztelecom |
| Internet 1 GB | — | 150 000* | 100 000 |
| Internet+qo'ng'iroqlar |
150 000 1GB+20 daqiqa |
175 000 Kunlik tarif: 25 000х7 Har kuni: 1GB+5 daqiqa |
300 000 750MB+75 daqiqa |
*Aksiya doirasida 500 MB internetni ikki marotaba 75 mingdan sotib olish mumkin. Aksiya 2024-yilning sentyabrigacha.
Alohida xizmatlar (narxlar so'mda)
| Xizmatlar | Mobiuz | Beeline | Ucell | Uztelecom | Oq | Humans |
| 100 MB | 145 000 |
15 000 (Kunlik) |
189 400 | 100 000 |
15 000 (Kunlik) |
30 000 |
| Kiruvchi qo'ng'iroq | 4 950 | 7 500 | 5 052 | 7 500 | 7 500 | 5 900 |
| Mahalliy chiquvchi qo'ng'iroq | 4 950 | 7 500 | 4 210 | 7 500 | 7 500 | 5 400 |
| O‘zb-ga chiquvchi qo'ng'iroq | 5 950 | 12 000 | 6 315 | 7 500 | 12 000 | 5 400 |
BAA
- Agar hafta davomida faqat 1 GB hajmdagi internet kerak bo'lsa, Uztelecom operatorining paketli taklifi arzonroq;
- Agar hafta davomida faqat 1 GB internet va 20 daqiqagacha qo‘ng‘iroq vaqti kerak bo‘lsa, Beeline operatorining taklifi arzonroq;
- Agar minimal miqdordagi internet va qo'ng'iroqlar kerak bo'lsa, Humans operatoring taklifi arzonroq.
Paketlar (narxlar so'mda)
| Xizmatlar | Beeline | Ucell | Uztelecom |
| Internet 1 GB | — | 150 000 | 100 000 |
| Internet+qo'ng'iroqlar |
150 000 1GB+20 daqiqa |
— | — |
*Aksiya doirasida 500 MB internetni ikki marotaba 75 mingdan sotib olish mumkin. Aksiya 2024-yilning sentyabrigacha.
Alohida xizmatlar (narxlar so'mda)
| Xizmatlar | Mobiuz | Beeline | Ucell | Uztelecom | Oq | Humans |
| 100 MB | 7 157 500 | 750 000 | 842 000 | 100 000 | 750 000 | 40 000 |
| Kiruvchi qo'ng'iroq | 10 525 | 10 000 | 10 104 | 7 500 | 10 000 | 4 400 |
| Mahalliy chiquvchi qo'ng'iroq | 10 525 | 10 000 | 10 104 | 7 500 | 10 000 | 5 400 |
| O‘zb-ga chiquvchi qo'ng'iroq | 50 524 | 25 000 | 54 730 | 7 500 | 25 000 | 5 400 |
Xalqaro E-sim xizmatlari
Xalqaro SIM-kartalar chet elga tez-tez sayohat qiladiganlar uchun qulay yechimdir. Yurtimiz sayohatchilari uchun eng mashhur xalqaro SIM-kartalar xizmati Airalo operatori tomonidan taqdim etiladi.
Oddiy SIM-kartalardan farqli o‘laroq, bunday SIM-kartalar bir mamlakatdan boshqa mamlakatga o‘tishda SIM-kartalarni almashtirmasdan butun dunyo bo‘ylab internet tarmoqlariga ulanish imkoniyatini taqdim etadi.
Airalo SIM-kartasini eSIM ko‘rinishida ilova yordamida ulash mumkin. Turkiya va BAA uchun aloqa operatorining eng arzon tarifi 7 kun uchun taqdim etiladi va 4,50 AQSh dollari evaziga 1 GB taqdim etadi. Airalo Rossiya uchun tarif rejalarini taqdim etmaydi.
Shuni ta’kidlash kerakki, barcha operatorlar takliflarida narxlar va shartlar o‘zgarishi mumkin. Shuning uchun sotib olishdan oldin rasmiy veb-saytda ma’lumotlarni, shuningdek, tashrif buyurish rejalashtirilgan mamlakatlardagi qamrov zonasini tekshirish kerak. Xalqaro sim-karta tanlashda esa balansni qulay bo‘lgan valyutada to‘ldirish imkoniyati mavjudligi haqida ma’lumot topishni unutmang.
