Jismoniy va yuridik shaxslar uchun ariza namunasi

Arizani qanday to‘g‘ri tuzish kerak?

Ariza yozishda qabul qilinishi va ko‘rib chiqilishi uchun ma’lum qoidalarga rioya qilish kerak. Quyidagi asosiy tavsiyalarga amal qiling:

• Murojaatning mohiyatini aniq va qisqa tarzda bayon qiling. Ortiqcha ma’lumotlar keltirishning hojati yo‘q, muammo yoki so‘rovning asosiy mazmunini yetkazish muhim.
• Bog’lanish uchun ma’lumotlarini keltiring. Arizada albatta familiya, ism, otangizning ismi va bog‘lanish uchun telefon raqami yoki elektron pochta manzilini ko‘rsatishingiz kerak.
• Aniq manzilni ko‘rsating. Ariza qaysi tashkilotga yoki davlat organiga yuborilayotganini aniq yozing. Agar aniq kimga yuborish kerakligini bilmasangiz, arizani qabul qilishi mumkin bo‘lgan eng yaqin organni ko‘rsatishingiz mumkin.
• Hujjatlarni qo‘shing. Agar arizangiz hujjatlar yoki dalillar bilan bog‘liq bo‘lsa, masalan, shartnoma nusxalari, fotosuratlar yoki kvitansiyalar, ularni ilova qilishni unutmang.

Yurxizmat web saytida yuridik shaxslar uchun hamda jismoniy shaxslar uchun bir nechta arizalar namunalari joylashtirilgan. Havola orqali o'tib, ular bilan tanishishingiz va yuklab olishingiz mumkin.

Namunaviy arizalar ro'yxati

Arizalarni ko‘rib chiqish muddatlari

Arizalarni ko‘rib chiqish muddatlari murojaatning murakkabligiga va uning toifasiga bog‘liq. Ko‘pgina hollarda, ariza qabul qilingan vaqtdan boshlab 30 kun ichida javob berilishi kerak. Ayrim hollarda, faktlarni tekshirish uchun qo‘shimcha vaqt talab qilinsa, bu muddat 60 kungacha uzaytirilishi mumkin.

Yolg‘on arizalar uchun javobgarlik

O‘zbekistonda boshqa shaxs yoki tashkilotga zarar yetkazadigan yolg‘on ariza berish uchun javobgarlik mavjudligini unutmaslik kerak. Yolg‘on arizalar ma’muriy choralar, hatto javobgarlikka tortilishgacha olib kelishi mumkin.