27 avgust

Yashash manzili to‘g‘risidagi ma’lumotnomani qanday olish mumkin?

Yashash manzili to‘g‘risidagi ma’lumotnoma — bu fuqaroning muayyan manzilda doimiy yoki vaqtinchalik ro‘yxatga olinganligini tasdiqlovchi rasmiy hujjatdir. Ushbu hujjat ko‘pincha davlat xizmatlarini olish yoki shartnomalar tuzishda talab qilinadi. Quyida ma'lumotnomani qayerdan va qanday olish haqida ma'lumotlar keltirilgan.

Foto: kun.uz

Ma'lumotnoma qayerdan olinadi?

Yashash manzili to‘g‘risidagi ma’lumotnomani olish uchun quyidagi usullardan foydalanishingiz mumkin:

Shaxsan Davlat xizmatlari markaziga borish.
Yagona interaktiv davlat xizmatlari portalidan foydalanish.

Elektron shaklda murojaat qilish uchun elektron raqamli imzo (ERI) talab etilmaydi.

Elektron raqamli imzoni onlayn olish bo‘yicha qo‘llanma

Quyida yashash joyi bo‘yicha ma'lumotnoma olish uchun Yagona portal orqali arizani bosqichma-bosqich qanday topshirish kerakligi ko‘rsatilgan:

1/4

my.gov.uz saytining "Xizmatlar" bo'limidan kerakli xizmatni izlab toping. Foto: my.gov.uz

2/4

O'ng tomondagi "Xizmatdan foydalanish" tugmasini bosing. Foto: my.gov.uz

3/4

Faylni yuklab oling. Foto: my.gov.uz

4/4

Yashash haqidagi ma'lumotnomaning namunasi. Foto: my.gov.uz

Talab qilinadigan hujjatlar

Ma'lumotnoma olish uchun hech qanday qo‘shimcha hujjat talab qilinmaydi. Lekin agar foydalanuvchi Davlat xizmatlari markazi orqali murojaat qilsa, ariza yozilishi lozim. Odatda, arizani markaz xodimi to‘ldiradi. Arizada quyidagi ma'lumotlar ko‘rsatilishi kerak:

F.I.O. — Fuqaroning ismi, familiyasi va otasining ismi.
Tug‘ilgan sana — Fuqaroning tug‘ilgan sanasi.
JSHSHIR — Shaxsiy identifikatsiya raqami (agar mavjud bo‘lsa).
Yashash joyi — Fuqaroning ro‘yxatdan o‘tgan manzili.
Elektron pochta manzili va telefon raqami — Aloqa uchun ma'lumotlar.

Shuningdek, arizada ma'lumotnoma so‘ralayotgan ro‘yxatdan o‘tish ma'lumotnomasi byurosi nomi (masalan, Ichki ishlar vazirligi, viloyatlar IIB yoki Toshkent shahar IIBB) ham ko‘rsatilishi kerak.

PINFL nima va uni qanday aniqlash mumkin?

10K

Ma'lumotnoma tayyorlash muddatlari va narxi

Ma'lumotnomani tayyorlash muddati 1 ish kuni. Odatda ma'lumotnoma bir necha daqiqa ichida taqdim etiladi. Ma'lumotnoma elektron raqamli imzo bilan tasdiqlanadi va hujjatning QR-kodi (matritsali shtrix-kod) yaratiladi. Ma'lumotnoma ariza beruvchining elektron pochtasiga yuboriladi.

Agar fuqaro shaxsan murojaat qilsa, Davlat xizmatlari markazi hujjatga o'zining muhrini va mas'ul shaxsning imzosini qo‘yadi.

Xizmat narxi — bepul.

O'zbekiston

Kanalga obuna bo'ling