Umra safari narxi 2024 yilda qancha turadi?

Turoperatorlar orqali Umra ziyoratiga borish narxi

Turoperatorlar orqali sayohat qilish moslashuvchan bo‘lib, barcha yuqoridagi xizmatlarni turoperatorlar ham taqdim etadi. 

Turli turoperatorlar narxlarni tarif bo‘yicha unga kiritilgan xizmatlarga qarab belgilaydi. Misol tariqasida, bir turoperatorning narxlari quyidagicha:

• Standart paket: 1090 AQSh dollari —  Al-Haram masjididan 7-8 km uzoqlikda joylashgan mehmonxona, transfer — avtobus, aviakompaniya tanlash imkoniyatisiz.
• Comfort paket: 1190 AQSh dollari — mehmonxona yaqinroq, transfer — avtobus yoki poezd, aviakompaniya tanlash mumkin.
• Luxe paket: 1390 AQSh dollari — premium mehmonxonalar, transfer — poezd, aviakompaniya tanlash mumkin.
• Premium paket: 1590 AQSh dollari — eng yaqin joylashgan mehmonxonalar, transfer — poezd, yuqori darajadagi xizmatlar.
• VIP paket: 1890 AQSh dollari — 5 kun Makka shahrida Swiss Hotel, 5 kun Madina shahrida Miyas Hotel, Makka shahrida kuniga 3 mahal taom, Madina shahrida 2 mahal taom, transfer — Makka va Madina orasida poezd orqali qatnov, sayohatlar avtomobil orqali.

Xizmatlar orasidagi farqlar

Mehmonxonalar

• Musulmonlar idorasi orqali ziyorat: Mehmonxonalar oldindan tanalngan va odatda Al-Haram masjididan uzoqroqda joylashgan. Misol uchun, Marmara Hotel Makkadan 7,7 km masofada joylashgan.

Musulmonlar idorasi paketiga kiritilgan Makka shahridagi Marmara Group Hotel mehmonxonasi Ka'badagi Al-Haram masjididan 7.7 km uzoqlikda joylashgan. Foto: Google Maps

• Turoperatorlar orqali ziyorat: Mehmonxonani masjid Al-Haramga yanada yaqin va yuqori darajadagi xizmatlar bilan tanlash imkoniyati mavjud.

Turoperatorlardan biri taqdim etadigan comfort va standart tur paketidagi mehmonxonalar Ka'badagi Al-Haram masjididan 5.7 km km uzoqlikda joylashgan. Foto: Google Maps

Transport (Malikadan Makkaga)

• Musulmonlar idorasi orqali ziyorat: Transfer xizmatlari faqat avtobus orqali.
• Turoperatorlar orqali ziyorat: Transfer xizmatlarini tanlashda poezd yoki avtobus (ba’zi joylar va tariflar uchun avtomobil) kabi variantlarni taklif qilishadi.

Aviakompaniya

• Musulmonlar idorasi orqali ziyorat: Safarlar faqat Uzbekistan Airways aviakompaniyasi orqali amalga oshiriladi. Bu narxni barqaror qiladi, lekin boshqa aviakompaniyalarni tanlash imkoniyatini cheklaydi.
• Turoperatorlar orqali ziyorat: Turli aviakompaniyalarni tanlash imkoniyati mavjud. Masalan, arzonroq reyslar yordamida safar xarajatlarini kamaytirish mumkin.

Viza olish

Ziyoratni tashkil qiluvchi kompaniyalar vizani rasmiylashtirish jarayonini o‘z zimmalariga oladi. Ko‘pincha ular ziyoratchidan faqat quyidagi hujjatlarni talab qilishadi:

• Amal qilish muddati Saudiya Arabistoniga kirish sanasidan kamida 6 oy oldin tugamagan xorijga chiqish pasporti.
• Yaqinda olingan, oq fonda tushirilgan 3x4 o‘lchamdagi 2 dona rangli fotosurat (ayollarning suratda boshida ro‘mol yoki abaya bo‘lishi shart).

Umra vizasi faqat bir martalik kirish uchun amal qiladi. Viza rasmiylashtirilgach, tashkilotchilar elektron vizaning nusxasini qog‘oz shaklida taqdim etadi, bu hujjat bilan ziyoratchi sayohatga chiqadi.

Kimlar Umraga bora oladi?

Umra ziyorati uchun qat’iy talablar va kvotalar yo‘q. Bu ziyoratni moliyaviy barqaror, qarzi yo‘q, jismonan va ruhan sog‘lom musulmonlar ado etishi mumkin. Faqat voyaga yetgan va aqli raso shaxslar Umrani bajarishi lozim. Homilador ayollar, immuniteti zaif yoki surunkali kasalliklarga chalingan odamlarga esa ziyoratni keyinroqqa qoldirish tavsiya etiladi.

Haj va Umra o‘rtasidagi farqlar

Haj har bir musulmon tomonidan hayotida bir marta bajarilishi farz bo‘lgan rasmiy marosim bo‘lsa, Umra ixtiyoriy, gunohlardan poklanish niyatidagi ziyoratdir. 

Umra paytida Ka’ba atrofida tavaf qilish, Safo va Marva tepaliklari o‘rtasida yetti bor yugurish kabi rasmiy marosimlar bajariladi. Hojilar esa qo‘shimcha ravishda Arofot vodiysida bir kun o‘tkazish va Mino hamda Muzdalifada qurbonlik qilishlari kerak.

Umra amallari

Umra ziyorati bir nechta asosiy marosimlarni o‘z ichiga oladi:

Ehrom (niyat qilish):

• Erkaklar tahorat olib, maxsus ehrom libosini kiyadi.
• Ayollarga kiyim almashtirish shart emas. Niyatdan so‘ng Umra ibodati boshlanadi va namoz o‘qiladi.

Tavof:

• Ziyoratchilar Kaaba atrofida yetti marta aylanadi. 
• Tavof tugagach, Maqomi Ibrohimda namoz o‘qiladi.

Say amali:

• As-Safa va al-Marva tepaliklari o‘rtasida yetti marta piyoda yurish yoki yugurish. Har bir safar 450 metrni tashkil etadi.
• As-Safa tepaligida Kaabaga qarab uch marta duo qilinadi, bu amallar al-Marvada ham takrorlanadi.

Hajar al-Asvadga tegish va Zam Zam suvidan ichish:

• Ziyoratchilar Kaabaning burchagidagi qora toshga tegib, Zamzam suvidan ichadi.

Soch qisqartirish yoki to‘liq oldirish:

• Umraning yakuni sifatida soch qisqartiriladi yoki butunlay oldiriladi.

Taqiqlangan amallar:

• Soch va tirnoqlarni olish, atirlar ishlatish, uylanish yoki nikoh marosimlarida qatnashish.
• Erkaklarga bosh kiyim kiyish va tikilgan kiyim kiyish.
• Ov qilish, daraxtlar kesish va o‘simliklarni uzish.

Agar ushbu qoidalar bilmasdan yoki unutib buzilgan bo‘lsa, bu holatlar kechirilishi mumkin, ammo qasddan qilingan xato Umrani bekor qiladi.

Umraga kim orqali borgan ma’qulroq?

Agar byudjet imkon bersa, masjid Al-Haramga yaqin joylashish va shaharlar orasida poezdda qulay sayohat qilish uchun turoperatorlarning maxsus paketlari yaxshi tanlov bo‘ladi. Agar masofa siz uchun katta ahamiyatga ega bo‘lmasa, O‘zbekiston musulmonlari idorasi paketlari ham mos kelishi mumkin. Tanlovingiz sizning imkoniyatlaringizga bog‘liq.