Biometrik pasport yo’qolsa nima qilish kerak?
Foto: darakchi.uz
Pasportni chet elda yo‘qotganda nima qilish kerak?
Agar siz pasportingizni chet elda yo‘qotgan bo‘lsangiz, harakat tartibi biroz boshqacha. Tezda O‘zbekistonning eng yaqin konsullik muassasasi bilan bog‘lanishingiz kerak. Konsullik sizga O‘zbekistonga qaytish uchun vaqtinchalik hujjat — qaytish guvohnomasi beradi.
Bunday guvohnomani olish uchun konsullikka quyidagi hujjatlarni taqdim etishingiz lozim:
- Yo‘qotish holati haqida ariza.
- Agar saqlanib qolgan bo‘lsa, pasport nusxasi.
- Agar doimiy yashash uchun MDH mamlakatlariga chiqqan bo‘lsangiz, chiqish kartasi nusxasi.
- Mahalliy hokimiyat organlaridan yo‘qolganlik yoki o‘g‘irlik faktini tasdiqlovchi hujjat.
- 3,5x4,5 mm o‘lchamdagi ikki dona fotosurat.
- Konsullik to‘lovi.
Pasport topilganda nima qilish kerak?
Ba’zida pasport yo‘qotilgan deb ariza bergandan so‘ng topilishi ham mumkin. Bunday holatda, bu haqida tegishli organlarni darhol xabardor qilish muhimdir. Agar sizga allaqachon yangi pasport berilgan bo‘lsa, eski pasportni ichki ishlar organlariga topshirishingiz kerak, chunki u endi yaroqsiz hisoblanadi.
Agar pasport o‘g‘irlangan bo‘lsa
Agar pasportingiz o‘g‘irlangan bo‘lsa, darhol jinoyat sodir etilgan joydagi yoki yashash joyingizdagi huquqni muhofaza qilish organlariga murojaat qiling. Ular o‘g‘irlik bo‘yicha arizani qabul qiladi va sizga murojaat qilganingizni tasdiqlovchi hujjat beradi. Bu hujjat sizni hujjatni yo‘qotganlik uchun belgilanadigan jarima yoki boshqa jazolardan ozod qiladi.
Yangi pasport olish
Yo‘qotilgan pasportni tiklash uchun ariza berganingizdan keyin bir oy ichida sizga yangi pasport berilishi kerak. Biroq, agar hujjatni yo‘qotish sizning beparvoligingiz tufayli sodir bo‘lgan bo‘lsa, bu ma’muriy javobgarlikka olib kelishi mumkin. Shu sababli, ortiqcha muammolardan qochish uchun doimo hujjatlaringizga ehtiyotkorlik bilan munosabatda bo‘ling.
