Toncoin O‘zbekistonda rasman ishga tushirildi
Foto: bitcoinist.com
O‘zbekistonda kriptovalyuta savdosi faqat litsenziyaga ega platformalarda amalga oshirilishi mumkin. Endi ushbu ro‘yxatga Toncoin ham kiritildi. Toncoin kriptovalyutasi UzNex kriptobirjasida rasman listing qilindi. Mazkur birja 2019-yildan beri O‘zbekistonda rasmiy litsenziya asosida faoliyat yuritib kelmoqda.
Endilikda birjada jami 15 xil token bilan savdo qilish mumkin bo‘lib, bu foydalanuvchilarga kengroq imkoniyatlar taqdim etadi.
Shu bilan birga, Toncoinning avgust oyi oxirida qiyin davrni boshdan kechirganini ham aytish joiz. Telegram asoschisi Pavel Durovning Fransiyada hibsga olinishi bunga sabab bo‘ldi.
Masalan, 25-avgustda Toncoin narxi $5.63 bo‘lgan bo‘lsa, 5-sentyabr kuni UzNex birjasida uning narxi 57 959 so‘m ($4.6) ga tushdi. Oxirgi 24 soat ichida esa token narxi yana 0.9% ga pasaydi.
