Hamster Kombat savdosi boshlandimi?

8-iyul kuni yirik Telegram-kanallar Bybit birjasida endi HMSTR tokenini sotish yoki sotib olish mumkinligi haqida xabar berdi. Ushbu xabarlarda aytilishicha, bu tokenni mashhur Hamster Kombat o'yinida o'ynovchilar yetishtirib oladilar.

Aslida, Hamster Kombat tokenlari hali mavjud emas, shuning uchun hozircha hech narsani sotib olish yoki sotish mumkin emas. Bybit faqat premarket-savdoni boshladi. Bu shuni anglatadiki, bozor ishtirokchilari kelajakda token yaratilganda va birjada ro'yxatga olinganda amalga oshirilishi mumkin bo'lgan bitim haqida hozirdan kelishib olishlari mumkin.

Premarket-savdosi nima degani?

Premarket-savdosi hali chiqarilmagan tokenlar bilan savdo qilish imkonini beradi. Xaridorlar tokenning narxini oldindan taxmin qilib, o'z stavkalarini qo'yishadi. Listingdan keyin ular tokenni oldindan kelishilgan narxda sotib olishga majbur boʻlishadi, real qiymatidan qat'i nazar.

Bu jarayonni quyidagicha tasvirlash mumkin:

• Birinchi kriptotreyder: "Agar HMSTR tokenining listingi bo'lsa, men uni 100 dollarga sotib olaman" deydi.
• Boshqasi: "Mayli, men uni senga shu narxda sotaman" deb javob beradi.
• Shunda birja "Yaxshi, keling, har biringiz garov qo'ying. Listing amalga oshirilganda, sotuvchi tokenlarni xaridorga yuboradi, men esa xaridorning garovini sotuvchiga yuboraman. Agar sotuvchi tokenlarni yubormasa, u garovini yo'qotadi, xaridor esa kompensatsiya oladi" deb bitimni mahkamlaydi.

Fyucherslar savdosidan farqli o'laroq, premarketda tuzilgan bitimni bekor qilish mumkin emas. Token narxi bir marta kelishilgan bo'lsa, shu narxda belgilanadi va sotuvchi va xaridorning pullari listing amalga oshirilguncha muzlatiladi.

Bu jarayon lotereyaga o'xshaydi. Agar listingdan keyin token 100 dollardan qimmatroq bo'lsa, xaridor yutadi. Agar arzonroq bo'lsa, xaridor yutqazadi. Chunki u hatto token narxi 0,01 dollar boʻlsa ham baribir uni 100 dollarga sotib olishi kerak. Har qanday kazinoda bo'lgani kabi, g'oliblar faqat tashkilotchilar bo'ladi, chunki ular xizmatlari uchun pul olishadi.

Agar hech qanday aldov boʻlmasa, bu jarayon haqiqatan ham shunday o'tadi. Ammo kriptovalyutalar haqida gap ketganda, aldash holatlari kam emas. Hamster Kombat loyihasining ishlab chiquvchilari 2024-yil iyunida o'z tokenlarini yirik birjalarda sotishni va'da qilgan edilar. Lekin hozircha tokenlar savdosi yo‘q va o‘yin tangalarini kriptovalyutaga aylantirish rejasi ham mavjud emas.

O'yin ishlab chiquvchilari Telegram chatlarida premarketda ishtirok etmasliklarini va uni qo'llab-quvvatlamasliklarini aytishadi. Ular rasmiy kanalda e'lon qilinadigan listingni kutishni tavsiya qilishadi.

HMSTR tokeni qancha turadi?

Hamster Kombat kriptovalyutasi uchun rasmiy tiker (kotirovka qilingan vositalarning almashinuvi ma'lumotlaridagi qisqa nomi) e'lon qilinmagan. Valyuta nomi HMSTR boʻlmasligi mumkin. HMSTR — bu faqat Bybit birjasidagi token nomi. Maqola yozilgan paytda uning qancha turishi ham nomaʼlum.

HMSTR tokenining xalqaro birjadagi narxi. Foto: binance.com

Bybit birjasida premarketda ishtirok etish uchun mijozlar va yagona savdo akkauntiga ega bo'lganlar ishtirok etishi mumkin. Ular o'zlari to'g'ri deb hisoblagan narxlarni taklif qilishlari mumkin. Lekin birja ham, Hamster Kombat ishlab chiquvchilari ham bu narxlarga rioya qilishlari shart emas. Premarketdagi narxlar tokenlar listingdagi qiymatiga katta ta'sir qilmaydi.

Hamster Kombat tokeni bilan boyib ketish mumkinmi?

Kriptovalyuta bozorida memcoinlar deb ataladigan segment mavjud. Bu loyihalar internet hazillari asosida yaratiladi. Masalan, Dogecoin tokeni siba-inu itiga bag'ishlangan. MMM2049 tokeni esa Sergey Mavrodiyning mashhur piramidasiga parodiya hisoblanadi.

Foto: magmer.ru

Hamster Kombat kabi o'yinlarda ishlab chiqarilgan tangalar ham memcoinlar hisoblanadi. Ularni amalda qo‘llab bo‘lmaydi: do‘konda to'lash yoki boshqa kriptovalyuta loyihalariga sarflash imkonsiz. Bu shunchaki o‘yin ichida ishlatiladigan tangalar hisoblanadi.

Hamster Kombat yo'l xaritasida tokenlarni o'yin ichidagi xaridlar uchun ishlatish imkoniyati paydo bo'lishini va'da qilgan. Ammo bu kabi o‘yinlar tokenlarining qiymati odatda barqaror bo‘lmaydi. O'yinga qiziqish yo'qolgach, tokenlarga talab kamayadi va ularning qiymati pasayadi. Hamster Kombatdagi tangalar ko'p miqdorda cheklanmagan holda yaratiladi, bu esa ularning narxining uzoq muddatda oshishi ehtimolini kamaytiradi.

Hamster Kombatdan foyda olishning eng yaxshi usuli tokenlarni listingdan keyin imkon qadar tezroq sotishdir. Eng muhimi, yo‘qotish qo‘rquviga tushmaslikdir. Agar tokenlarni 100 dollarga sotgan bo‘lsangiz va ularning narxi oshgan bo‘lsa, qayta sotib olish va yana qimmatroq sotishga urinmaslik kerak.

O‘zbekistonda Hamster Kombat tokenlarini sotsa bo'ladimi?

O‘zbekistonda kriptoaktivlarni sotib olish va sotish faqat milliy xizmat ko‘rsatuvchi provayderlar orqali amalga oshirilishi mumkin. Litsenziyasiz kriptovalyuta mayningi qat’iy taqiqlangan. O‘yindagi oddiy tangalar kriptovalyutaga kirmasa, ularni yig‘ish va o‘ynash qonunga zid emas. Ammo ularning oldi-sotdisi bilan jahon platformalarida shug‘ullanish javobgarlikka olib kelishi mumkin.

Shu sababli, agar Hamster tokeni listingdan so‘ng litsenziyaga ega Uznex kriptobirjasi va ruxsatnomaga ega kriptodo‘konlarda ro‘yxatdan o‘tsa, uni birjada sotib olish va sotish mumkin bo‘ladi.