55 dyuymli eng zo’r televizorlar ro’yxati

Artel LU8500

Ushbu televizor Android TV operatsion tizimining 11.0 versiyasida ishlaydi. Internetga ulanish uchun Wi-Fi va LAN funksiyalari mavjud. 4K UHD matritsali ekran jonli ranglar va ajoyib tasvir ravshanligini taqdim etadi. Dolby Digital+ texnologiyasi televizorning ovoziga realizm qo‘shadi. Ramkasiz dizayn to'liq ekranli tasvirdandan bahramand bo'lish imkonini beradi.

Artel LU8500 televizori DVB-T/T2/C va DVB-S/S2 o'rnatilgan tyunerlari yordamida qo'shimcha qurilmalarsiz efir, kabel va sun’iy yo'ldosh signallarini qabul qilish imkoniyatiga ega. Raqamli efirni yozib olish funksiyasi (PVR) va shovqinni kamaytirish tizimi televizorni yanada qulayroq qiladi. Ekranga LED yoritgichi o'rnatilgan.

Boshqa foydali funksiyalar qatoriga ko'p tilli menyular, jonli pauza uchun Time Shift, bolalar nazorati va pultdan ovozli qidiruvni qo'llab-quvvatlash funksiyalari kiradi. Televizorning o'rnatilgan operativ xotirasi 2 GB, qo'shimcha xotirasi esa 16 GB ga teng.

Televizorda antenna hamda kabel televideniyesi uchun portlar va slotlar mavjud. HDMI va USB portlari turli xil qurilmalarni ulash imkonini beradi. Qurilmada quloqchinlarni ulash uchun audio port va Optical nomli raqamli audio portlari ham mavjud.

Maksimal quvvat sarfi 110 Vt, kutish rejimida esa 0,5 Vt dan kam. Televizor ekranining tasvir yangilanishi 110-240 V quvvat manbaidan 50-60 Gts.ga teng.

TCL 55P635

TCL 55P635 4K HDR Google TV modeli SMART TV va Google Assistant ovozli yordamchisini qo‘llab-quvvatlaydigan Google TV operatsion tizimida ishlaydi.Televizor tizimining qo‘shimcha funksiyalariga quyidagilar kiradi: DVB-T, DVB-C va DVB-S raqamli tyunerlari. Bu tyunerlar yordamida televizor efir, kabel va sun’iy yo‘ldosh raqamli televideniye signallarini qabul qiladi.

Televizorning dinamik tizimi umumiy ovoz balandligi uchun 2 x 9,5 Vt quvvatni, shuningdek, yanada real va immersiv ovoz uchun 2,0 akustik sxema va Dolby Audio texnologiyasini o‘z ichiga oladi.

TCL 55P635 televizor ekranining yoritgichi turi — LED. Ekran kontrast nisbati 5000:1 ga teng. Ekranning yangilash tezligi 60 Gts.ga teng. Televizor ramkasiz dizaynga va qora rangli korpusga ega.

Time Shift va Program Guide (EPG) funksiyalari teledasturlarni tomosha qilishda qulaylik yaratadi. Time Shift programmasi translyatsiyani to‘xtatish va uni keyinroq davom ettirish imkonini beradi. Program Guide esa turli kanallardagi dastur jadvalini ko‘rsatib, kontentni tanlashda yordam beradi. Shuningdek, televizorni smartfon yoki planshet orqali maxsus dastur yordamida boshqarish mumkin, bu esa undan foydalanishni yanada qulayroq qiladi. Media pleyer turli xil video, audio va tasvir fayl formatlarini qo‘llab-quvvatlaydi. Televizorda o‘rnatilgan Wi-Fi va Bluetooth mavjud. Televizor HDR 10 standarti va HDR10/HLG texnologiyasiga ega. Televizor 2022-yilda ishlab chiqarilgan.

Immer Q55F11

55 dyuymli Immer Q55F11 televizori oʻzining Ultra HD (3840x2160) formatidagi ekran yordamida ajoyib tasvir sifatini taqdim etadi. SMART TV-ni qo'llab-quvvatlash va Android operatsion tizimi esa foydalanuvchiga turli xil ilovalar, o'yinlar va video kontentidan foydalanish imkoniyatini beradi. Ekranning QLED turi yuqori kontrastli yorqin va boy ranglarni va qora ranglarning chuqurligini kafolatlaydi.

Wi-Fi-ni qo'llab-quvvatlash funksiyasi yordamida simsiz internetga ulanish mumkin. HDMI va USBportlari turli xil qurilmalarni, jumladan, o'yin pristavkalarini, flesh-disklarni va boshqalarni ulash imkonini beradi. Televizorning audio tizimi stereo tovushli ikkita dinamikni o'z ichiga oladi, bu yuqori sifatli ovozni ta'minlaydi. CI va CI+ slotlari televizoringiz funksiyalarini kengaytirish, jumladan, pullik televidenie xizmatlariga ulanish imkonini beradi. Immer Q55F11 qoʻllab-quvvatlanadigan fayl formatlarining keng assortimentini taklif etadi, jumladan MP3, WMA, MPEG4, HEVC (H.265), Xvid, JPEG va MKV, bu funksiyalar foydalanuvchiga multimedia kontentidan cheklovlarsiz bahramand boʻlish imkonini beradi.

Ushbu televizor DVB-T, DVB-T2, DVB-C, DVB-S va DVB-S2 standartli tyunerlarini qo'llab-quvvatlaydi. Bu tyunerlar barcha turdagi raqamli televideniyedan ​​foydalanish imkonini beradi.

LG UR81006LJ

Xitoyda ishlab chiqarilgan LG 55UR81006LJ LED televizori qora rangli ramka va stendga ega. LG televizor ekrani 3840x2160 pikselli (4K Ultra HD) 55 dyuymli (140 sm) diagonali IPS LED matritsasi bilan jihozlangan bo‘lib, 178° ko‘rish burchagini va tiniq tasvirlarni taqdim etadi. 

Videolar uchun yorqinlik, kontrast va raqamli shovqinni kamaytirishning turli rejimlari mavjud. HDR 10 qo‘llab-quvvatlashi tasvirning kengroq dinamik diapazonini ta’minlaydi. 20 Vt quvvatga ega 2.2 dinamik tizimi yuqori sifatli ovoz yaratadi. Ovoz tizimi 20 Vt audio quvvati va AI Sound Pro, Clear Voice Pro, LG Sound Sync funksiyalarini o‘z ichiga oladi. Televizor DVB-T2/T, DVB-C va DVB-S2/S analog va raqamli signallarni qabul qilish uchun raqamli tyunerlar bilan jihozlangan hamda CI/CI+ (Common Interface) ni ham qo‘llab-quvvatlaydi. WebOS operatsion tizimida ishlaydigan Smart TV funksiyasi turli xizmatlardan, jumladan, veb-brauzer va smartfon boshqaruvidan foydalanish imkonini beradi.

HDMI va USB portlari tashqi qurilmalarga oson ulanishni ta’minlaydi. Ethernet (LAN) va o‘rnatilgan Wi-Fi esa internetga ulanishni ta’minlaydi. Bundan tashqari, televizorda o‘rnatilgan Bluetooth moduli ham mavjud. Qo‘shimcha funksiyalarga ruscha menyu, ota-ona rejimi, taymerlar va USB yozish funksiyasi kiradi.

Qurilmada turli xil audio va video portlar, jumladan S/PDIF audio (optik), antenna kiritish va sun’iy yo‘ldosh portlari mavjud. Televizor LG ThinQ ilovasi orqali smartfondan boshqarish funksiyasini qo‘llab-quvvatlaydi.

Maksimal quvvat sarfi 150 Vt. Qo‘shimcha xususiyatlariga 4 yadroli protsessor, App Store funksiyalarini qo‘llab-quvvatlash va quvvatni tejash rejimi kabi funksiyalar kiradi.

Samsung Q60C

Samsung QLED Q60C AUX 4K — bu yuqori sifatli tasvir va ovozni taqdim etuvchi funksiyalarga boy aqlli televizor. 

Displey Quantum Dot va Quantum HDR texnologiyalari bilan jihozlangan bo‘lib, ular yorqinroq tasvirlar, chuqurroq qora ranglar va yuqori kontrastni ta’minlaydi. Ekranning yangilanish tezligi 60 Gts.ga teng. HDR10, HDR10+ va HLG formatlarini qo‘llab-quvvatlash funksiyalari kontrastli va jonli tasvirlarni taqdim etadi.

Quantum Processor Lite 4K kontrastni yaxshilash, ranglarni to‘g‘rilash va ravshanlikni oshirish texnologiyalari yordamida tasvirlarni optimallashtiradi. Picture Clarity texnologiyasi harakatning xiralashishini kamaytiradi va Brigtness Detection yorug‘lik sharoitiga qarab yorqinlikni sozlaydi. Ikkita ovoz kanali, 20 Vt quvvatga ega audiotizim, moslashtirilgan ovoz texnologiyalarini qo‘llab-quvvatlash funksiyalari va OTS Lite programmalari ajoyib ovoz sifatini beradi.

DVB-C, DVB-S, DVB-S2, DVB-T va DVB-T2 tyunerlari efir va sun’iy yo‘ldosh televideniyesini, analog televizion tyuner esa analog kanallarni qabul qilish imkonini beradi. 

Televizor Tizen operatsion tizimiga ega Smart TV funksiyasi bilan jihozlangan, bu veb-brauzerdan foydalanish, mobil qurilmalar va turli ilovalardan foydalanish imkonini beradi. HDMI, USB, Ethernet (LAN) interfeyslari va simsiz texnologiyalar Wi-Fi va Bluetooth tashqi qurilmalarning qulay ulanishini ta’minlaydi. Auto Game Mode va Game Motion Plus kabi o‘yin rejimi funksiyalari o‘yin uchun foydalanish imkoniyatini beradi.

Ushbu televizor shuningdek, simsiz ulanish qurilmalari uchun Bluetooth, Internetga kirish uchun Wi-Fi va tashqi qurilmalarni ulash uchun bir nechta HDMI va USB portlarini o‘z ichiga oladi. Bundan tashqari uning korpusida, 3,5 mm eshitish vositasi porti, Wi-Fi Direct va Ethernet (LAN) mavjud.

Boshqa funksiyalar orasida yorug‘lik sensori, teledasturlarni yozib olish va subtitr funksiyalarini qo‘llab-quvvatlashini keltirib o‘tsa bo‘ladi.

Samsung QE55LS03A

Samsung QE55LS03A AUXRU LED televizori The Frame seriyasidan bo'lib, u yuqori texnik xususiyatlarga ega zamonaviy va funksional qurilma. "The Frame" ramkali televizorlar seriyasi nafaqat televizor vazifasini o'taydi, balki san'at asariga xos ravishda interyerni bezaydi.

Ushbu televizor Tizen operatsion tizimida ishlaydi. Tizen tizimi turli ilovalar va xizmatlarga kirish imkonini beradi. Model 2021-yilda chiqarilgan.

Ekran 4K UltraHD (3840x2160) o'lchamlariga va HDTV standartlariga Ultra HD (4K) 2160p ega. Televizor chuqurroq va boy ranglar uchun HDR10+ ni qo'llab-quvvatlaydi. Ekranning yangilanish tezligi 120 Gts. O'rnatilgan Wi-Fi standarti 5 (802.11ac) simsiz Internetga ulanishni ta'minlaydi.

Televizor signalni qabul qilish uchun raqamli tyunerlar (DVB-C, DVB-S, DVB-S2, DVB-T, DVB-T2) bilan jihozlangan, shuningdek, subtitr funksiyasiga ega. 40 Vt ovoz tizimi yuqori sifatli ovozni yetkazib berish uchun Dolby Digital Plus texnologiyasidan foydalanadi.

Televizor ulanishlariga 4 ta HDMI porti (HDMI 2.1 versiyasi), audio va video kirishlar, USB portlari, CI/PCMCIA uyasi va Ethernet portlari kiradi. Bundan tashqari, DVB CAM va HDMI CEC va HDMI ARC uchun ham portlar mavjud. Maksimal quvvat sarfi 170 Vt.

Qo'shimcha funksiyalarga kengaytirilgan kontrastni kuchaytirgich (ACE), o'yin rejimi, san'at asarlari do'koni, quyosh batareyasidan quvvatlanadigan boshqarish pulti, turli aqlli ekran rejimlari, plyonka rejimi, avtomatik sozlash, subtitrlar, uyqu taymeri kabi funksiyalar kiradi. “Rasm” (Kartina) rejimi buyuk ustalarning durdona asarlaridan bahramand bo'lish imkonini beradi. “Ambient+” rejimi kayfiyatga mos ravishda ekran ko'rinishini o'zgartirish imkonini beradi.

Televizor tanlash mezonlari

Ekran turlari. Bugungi kunda televizor ekrani uchta asosiy texnologiya mavjud: LED, QLED va OLED. Ishlab chiqaruvchilar 55 dyuymli televizorlarni barcha turdagi matritsalardan foydalanadilar, bu modelning narxiga sezilarli ta'sir qiladi.

• LED ekranlar juda mashhur va nisbatan arzon. Ular ranglarni yaxshi aks ettiradi, yorug'ligi yorqin, tasviri esa aniq. Ammo burchaklarda tasvirda xatoliklar paydo bo'ladi va qorong'ida qora rang tiniq ko'rinmaydi.
• QLED yuqoridagi variant texnologiyasining takomillashtirilgan versiyasidir. Displeyga kvant nuqtalarining qo'shimcha qatlami qo'shilgan. Ularning yordami bilan tasvir ranglari yanada yorqin aks etadi. Qorong'ida qora rang ba'zan ko'kimtir bo'lib ko'rinishi mumkin.
• OLED ekranlari qorong'i xonalar uchun juda mos keladi. Bunday displeylarda ranglar qorong'ida ham, kunduzi ham aniq ko'rinadi. Boshqa texnologiyalardan farqli o'laroq, bunday matritsalar suyuq kristalli nuqtalar o'rniga ular mustaqil ravishda porlaydigan organik yorug'lik chiqaradigan diodlardan foydalanadilar. Ushbu ekran qo'shimcha yoritishni talab qilmaydi.

Mutaxassislar OLED ekranlarini boshqa barcha ekranlardan, QLED ekranlarini esa LEDdan yuqori deb baholaydilar.

HDR. Bu tasvirning eng yorug' va eng qorong'i joylarida tafsilotlarni saqlash usuli. Inson ko‘ziga ko‘rinadigan butun rang spektrining taxminan 40% ni SDR aks ettiradi, HDR esa 76% gacha ko‘rsatadi. HDRda yorqinlik darajasi standartdan ancha yuqori.

HDR texnologiyasining o‘zi uchta asosiy standartga ega:

• HDR 10. Bu butun film uchun bir qator sozlamalarga ega bo‘lgan asosiy standart bo‘lib, u kadrlarni almashtirganda o‘zgarmaydi. Rang chuqurligi - 10 bit yoki 1,07 milliard rang.
• HDR 10+. Rang chuqurligi 12 bit yoki 68 milliard rang bo‘lgan takomillashtirilgan formatda tasvir eng qorong‘i va eng yorug‘ sahnalarga urg‘u berilgan holda kadrma-kadr tahlil qilinadi va yaxshilanadi. Turli yorqinlik darajasidagi sahnalarga yaxshiroq moslashadi.
• Dolby Vision. Bu Dolby Laboratories standarti bo‘lib, ishlab chiqaruvchiga faqat qo‘shimcha haq evaziga taqdim etiladi, shuning uchun u televizor narxiga ta’sir qiladi. Ranglarning keng assortimenti va katta rang chuqurligi bilan ajralib turadi. Yorqinligini sozlash uchun kontentning har bir ramkasini tahlil qiladi. Rang chuqurligi - 12 bit.

Mutaxassislar HDR 10+ ni HDR 10 dan yuqori, Dolby Visionni esa boshqa standartlardan yuqori deb baholaydilar.

Ekranni yoritish. Tasvirni yorqinroq qilish, qora ranglarni chuqurroq qilish va soyalarni bir tekisda ko‘rsatish uchun ishlab chiqaruvchilar displeyga alohida orqa yorug‘likni qo‘shadilar. Rasmning sifati to‘g‘ridan-to‘g‘ri yoritilgan zonalar soniga va ularning joylashishiga bog‘liq.

• Edge LED: eng arzon turdagi yorug‘lik. LEDlar perimetr atrofida ekranni yoritadi.
• Dual LED:  bu ikki turdagi LEDlardan tashkil topgan ikki tomonlama LED yoritgichi. Ba’zilar issiq yorug‘lik chiqaradi, boshqalari sovuq. Bu ranglar va soyalarning keng doirasini yaratadi va tasvirning qorong‘i va yorug‘lik joylarining yorqinligini aniqroq boshqarish imkonini beradi. Bunday yorug‘lik perimetri bo‘ylab ham, ekranning butun maydoni bo‘ylab ham joylashishi mumkin.
• Direct LED: eng keng tarqalgan variant. LEDlar ekranning orqa tomonida joylashgan bo‘lib, uning butun maydonini bir xilda yoritadi. Ba’zi tavsiflarda bu turdagi yoritgich to‘liq to‘g‘ridan-to‘g‘ri yoritish deb ham ataladi.
• Mini LED: to‘g‘ridan-to‘g‘ri LEDning ilg‘or variantidir, kvant nuqta panellari uchun eng yaxshi yorug‘lik turi. Ko‘pgina kichik LEDlar ekranning 1350 zonasigacha yorqinligini sozlaydi va yorqin elementlarning yaqinida - piksellarning tarqalishini oldini oladi.

Taqqoslash uchun biz ekranning yorug‘ligining barcha variantlarini oldik. Yorug‘likning barcha turlarining o‘ziga xos afzalliklari va kamchiliklari bor. Ammo Direct LED va Dual LEDli qurilmalar Edge LED dan, Mini LED esa hammadan yuqori baholandi.

Kadr tezligi. Optimal kadrlar almashinuvi tezligi, ya’ni bir soniyadagi kadrlar soni televizorning maqsadiga bog‘liq. HDMI 2.0 ulagichlari bo‘lgan standart arzon modellar 50-60 Gerts (Gts) chastotaga ega. Agar sizga asosan filmlar va telekanallarni tomosha qilish uchun televizor kerak bo‘lsa, bu chastota yetarli bo‘ladi.

O‘yinchilar va sport o‘yinlari muxlislari HDMI 2.1 ulagichlari bilan jihozlangan 100-120 Gts chastotali modellarga e’tibor berish kerak.

Bundan ham yuqori Gertz chastotasiga ega modellar mavjud, masalan, 240 yoki 400 Gts. Lekin bunday tezlik kamdan-kam uchraydi, ular qimmat va tasvirdagi farq deyarli bilinmaydi.

Portlar va ulagichlar. Portlarning asosiylarini sanab o‘tamiz:

HDMI portlari. HDMI zamonaviy televizorlar uchun zarur port hisoblanadi. Ushbu port yordamida televizor pristavkalari, o‘yin pristavkalari, noutbuklar, kompyuterlar va boshqa jihozlar ulanadi. Ulagichlarni o‘rganayotganda, televizor qo‘llab-quvvatlaydigan HDMI versiyasini hisobga olish kerak: HDMI 2.0 asosiy vazifalar uchun mos keladi, HDMI 2.1 o‘yin konsollari bilan bog‘lanish va 4K va 8K piksellar sonini ko‘rish uchun ko‘proq mos keladi.

USB. Hatto eski televizorlarda ham USB portlari mavjud. Bu port videolarni, fotosuratlarni ko‘rish yoki flesh-kartalar va boshqa xotira qurilmalaridan audio tinglash uchun kerak. USB versiyalari tezlikda farqlanadi: agar 2.0 480 Mbit/s gacha uzatsa, USB 3.2 10 Gbit/s gacha uzatadi.

Bluetooth simsiz dinamiklar, klaviatura va sichqoncha kabi qurilmalarni ulash imkonini beradi.

Wi-Fi. Smart TV uchun Wi-Fi kerak. Simsiz modul internetga kirish va onlayn kinoteatrlarda filmlarni tomosha qilish imkonini beradi.

Biz maqolada Bluetooth, Wi-Fi va turli xil portlar to‘plamiga ega televizorlarni tanladik.

Foto: triptonkosti.ru

Piksellar soni. Televizor qanchalik katta bo‘lsa, tasvir batafsilroq ko‘rinishi uchun piksellar soni shuncha ko‘p bo‘lishi kerak. 55 dyuymli televizorlar uchun ideal variant Ultra HD, 3840 × 2160 piksel yoki 4K. Bu eng ommabop format bo‘lib, unda bitta kadr Full HD dan to‘rt baravar ko‘p pikselni o‘z ichiga oladi. Rasm boshqa formatlarga qaraganda aniqroq ko‘rinadi. 

Yorqinlik. Yaxshi televizor yuqori tasvir sifati, uning yorqinligi va haqiqatga tengligi bilan belgilanadi. Bunday holda, yorqinlik va kontrast ko‘rsatkichlari maksimal chegaraga o‘rnatilmasligi kerak.

Yorqinlik kandelda yoki nitsda o‘lchanadi. Bir nits bir kandelga teng, ya’ni 1 nit = 1 cd / m². Bugungi kunda kompaniyalar yorqinligi 160 cd / m² yoki undan yuqori bo‘lgan qurilmalarni ishlab chiqaradilar. 400 cd/m² o‘lchamli yorqinlik bugungi kunda muqobil hisoblanadi.

Kontrast. Ushbu parametr rasmning tabiiyligi va boyligini aniqlaydi. Tasvirning ranglar o‘rtasidagi aniq farqni ta’minlash uchun kontrast kerak. Kontrast to‘liq qora piksel yorqinligining to‘liq oq piksel yorqinligiga nisbati sifatida aniqlanadi - 1000:1, 2000:1, 5000:1.

Tabiiy, statik va dinamik kontrast mavjud. Statik kontrast faqat televizor modelining imkoniyatlari bilan belgilanadi. Dinamik kontrast qo‘shimcha texnologiyalarga tegishli aqlli ishlanmadir.

Statik kontrast - harakatsiz rasmda o‘lchanadi. Kadr to‘xtagan vaqtda ekranning eng yorqin va eng qorong‘i qismlari o‘rtasidagi nisbat o‘lchanadi. Yuqori tabiiy kontrastli ekranlar bozorda qadrlanadi. Yuqori tabiiy kontrastli televizor yorqin oq va chuqur qora ranglarni ko‘rsatishi mumkin.

Dinamik kontrast - bu zamonaviy yo‘nalish, bu texnologiya matritsaning orqa yorug‘ligi yorqinligini o‘zgartirib, rasmga qarab kontrastni sozlash imkonini beradi. O‘zgaruvchan tasvirda kontrast avtomatik ravishda o‘rnatiladi. Agar rasm ekranda yorqin ranglarda paydo bo‘lsa, yorug‘lik oqimi kuchayadi. Katta miqdordagi qora rangga ega qorong‘i tasvirlarni ko‘rsatishda yorug‘lik kamayadi.

Dinamik kontrastning kamchiliklari bor: qora ranglar chuqurroq ko‘rinadi, ammo oq ranglar yorqinligini yo‘qotadi. 

Ovoz sifati. Yuqori sifatli televizor nafaqat yaxshi tasvirni, balki ovozni ham ta’minlaydi. 55 dyuymli modellar odatda kichik xonalar uchun olinmaydi. 55 dyuym uchun 16 yoki 24 Vt minimal quvvat va ikkita standart dinamik yetarli bo‘lmasligi mumkin.

Televizorlarni tanlashda arzon modellarini hisobga olmaganda, ko‘p sonli dinamiklar va umumiy ovoz quvvati 40 Vt yoki undan ko‘p bo‘lgan modellarga ustunlik berdik. Shuningdek, men sabvufer bilan jihozlangan televizorlarga qo‘shimcha ball berdik va atrof-muhit ovozi uchun Dolby Digital-ni qo‘llab-quvvatlaydigan qurilmalarni ham ko‘rsatib o‘tdik.

Ishlab chiqarilgan yili. Yangi modellar, odatda, narx va sifat nisbati bo‘yicha yuqoriroq bo‘ladi. 

Xulosa

Televizor majburiy emas, balki ixtiyoriy xariddir. Agar televizor sotib olishga qaror qilsangiz, uning sifatiga e’tibor qaratish lozim. Yuqori sifatli televizor umumiy tasvir va ovoz xususiyatlarini sezilarli darajada yaxshilaydi. Televizorni tanlashda, shuningdek, qulaylik uchun qurilmalarni ulash va turli dastur va xizmatlarga kirish uchun turli xil portlarning mavjudligini hisobga olish kerak.

Ro‘yxatga yana qaysi modelni qo‘shgan bo‘lardingiz? Marhamat quyida fikr qoldiring