Soliq organlari onlayn to‘lov va o‘tkazmalaringiz haqida ko‘proq ma’lumotga ega bo‘ladimi?

So‘nggi kunlarda O‘zbekistonda onlayn pul o‘tkazmalari qoidalariga kiritilgan o‘zgartirishlar haqidagi xabarlar keng tarqaldi. “O‘tkazmalar murakkablashadi”, “nazoratga olinadi” qabilidagi sarlavhalar ko‘paydi. Keling, shov-shuvlarsiz, yangi qoidalar aslida nimani anglatishini va bu oddiy foydalanuvchilarga qanday ta’sir ko‘rsatishini (yoki ko‘rsatmasligini) tahlil qilamiz.

Rasman nima o‘zgardi?

Markaziy bank va Bosh prokuratura huzuridagi Iqtisodiy jinoyatlarga qarshi kurashish departamenti to‘lov tashkilotlari uchun “Jinoiy faoliyatdan olingan daromadlarni legallashtirishga... qarshi kurashish bo‘yicha ichki nazorat qoidalari”ga o‘zgartirishlar kiritdi. [Asosiy yangilik – ichki elektron pul o‘tkazmalariga taalluqli 31²-bandning kiritilishi. 

Endilikda bazaviy hisoblash miqdori (BHM)ning 30 baravariga teng yoki undan oshgan summadagi pul o‘tkazmalarida to‘lov tizimi operatsiyani jo‘natuvchi (F.I.Sh., shaxsni tasdiqlovchi hujjat seriyasi va raqami, hisobvaraq/operatsiya IDsi agar ishlatilgan bo‘lsa, manzili yoki STIR yoki mijozning identifikatsiya raqami, tug‘ilgan sanasi va joyi) hamda oluvchi (nomi, hisobvaraq/operatsiya IDsi agar ishlatilgan bo‘lsa) haqidagi batafsilroq ma’lumotlar bilan birga yuborishi kerak bo‘ladi.