Ipoteka krediti to'lovidan daromad solig'ini qanday qaytarish mumkin?

Kimlar ipoteka to'lovi imtiyoziga ega bo‘ladi?

Ipoteka krediti bo‘yicha daromad solig‘i imtiyozidan quyidagi shartlarga javob beruvchi soliq to‘lovchi qarz oluvchilar foydalanishi mumkin:

1. Agar ipoteka krediti uy-joy sotib olish, qurish yoki rekonstruksiya qilishga ishlatilgan bo‘lsa va dastlabki badal yoki foizlar budjetdan ajratilgan subsidiya orqali qoplangan bo‘lsa, shuningdek, daromadlar jami eng kam ish haqining 80 baravaridan oshmasa.
2. Agar yosh oila kredit olgan bo‘lsa, ulardan biri 30 yoshga yetguniga qadar bu imtiyoz davom etadi. Bunda davlat subsidiyalari bo‘yicha qo‘shimcha shartlar e’tiborga olinmaydi.

Imtiyozdan foydalanish uchun nima qilish kerak?

Shaxsiy daromad solig'ini onlayn qaytarishning uchta usuli mavjud: my.gov.uz portali, soliq mobil ilovasi yoki soliq qo'mitasining rasmiy sayti orqali. Quyida xizmatni to'g'ridan-to'g'ri soliq qo'mitasining my3.soliq.uz yangi sayti orqali qanday olish mumkinligining ketma-ketligi keltirilgan:

1. Deklaratsiyani to‘ldirishdan oldin tayyorgarlik:

• ERI (Elektron raqamli imzo) yo‘q bo‘lsa, uni rasmiylashtiring yoki amal qilish muddatini tekshiring.
• Har bir ish joyidan daromadlar haqidagi ma'lumotnomalarni tayyorlang (elektron shaklda yoki qog‘ozni skaner qilib).
• Ipoteka va kredit shartnomalari, bank to‘lov hujjatlarini skaner qiling.
• Bankdan daromadlaringiz bo‘yicha ma'lumotnoma oling.

2. Deklaratsiya yuborish: 

• Yillik umumiy daromadingiz bo‘yicha elektron deklaratsiyani my3.soliq.uz sayti orqali topshiring. Deklaratsiyani hisobot yilidan keyingi yilning 1-apreliga qadar topshirishingiz zarur. Masalan, 2023-yilgi daromadlaringiz bo‘yicha deklaratsiyani 2024-yilning 1-apreligacha topshirishingiz kerak.  

3. Ariza topshirish:

• Deklaratsiyani topshirgandan keyin, my3.soliq.uz saytining o‘zidayoq ortiqcha to‘langan soliqlarni qaytarish uchun ariza topshirishing.

Deklaratsiya yuborish bo'yicha qo'llanma

Deklaratsiyani yuborish uchun:

• E-RI orqali my3.soliq.uz  saytiga kiring. 
• “Jismoniy shaxslarning jami yillik daromadlari to‘g‘risidagi deklaratsiya” xizmatini tanlang.

• Deklaratsiyaning bo‘limlarini bosqichma-bosqich to'ldiring.

Bu bo‘limda shaxsiy ma'lumotlaringiz avtomatik tarzda to‘ldiriladi. Quyidagi ma'lumotlarni qo‘lda kiriting:

• Telefon raqamingiz;
• Deklaratsiya turi — “Yillik daromadlar deklaratsiyasi”ni tanlang;
• Hisobot turi — “Hisobot”ni tanlang;
• Yil — 2024-yil boshidan 2023-yilni tanlash imkoni bo‘ladi;
• Davr — “yillik”ni tanlang;
• Agar xohlasangiz, yashash manzilingizni ko'rsatishingiz mumkin. Buning uchun tegishli katakchani belgilashingiz kerak.

Barcha maydonlarni to'ldirgandan so'ng, "Saqlash" tugmasini bosing. Shundan so'ng elektron deklaratsiyaning keyingi bo'limi to'ldirish uchun ochiladi.

Bu bo‘limda asosiy va qo‘shimcha ish joylaridan olingan daromadlaringiz haqida ma'lumot beriladi. Buning uchun:

• Tashkilotning asosiy yoki qo‘shimcha ish joyi ekanligini ko‘rsating;
• Ish joylaringizdan olingan ma'lumotnomalarni ilova qiling.

Shundan so'ng birinchi navbatda "Saqlash", keyin "Keyingi"  tugmalarini bosing va deklaratsiyaning keyingi qismiga o'ting.

Bu bo‘limda daromadlar haqida batafsil ma'lumot kiritasiz. Soliq to'lovchi faqat shaxsiy daromad solig'i bo'yicha imtiyozlardan foydalanish uchun deklaratsiya topshirayotgan holatni ko'rib chiqamiz. "Deklaratsiya shakli" ustunidan ochiladigan ro'yxatdan "soliq imtiyozlari" ni tanlang. Shundan so'ng, kerakli shakl ochiladi.

Shaklda birinchi bo‘lib quyidagi maydonlarni to‘ldiring:

• Imtiyoz turi: ochiladigan ro‘yxatdan "soliqqa tortilmaydigan daromadlar" ni tanlang;
• Imtiyozlar toifalari: ochiladigan ro‘yxatdan "16.4 – ipoteka kreditlari va ularga hisoblangan foizlarni qaytarish. Agar ipoteka kreditlari davlat tomonidan subsidiya bilan qoplangan bo‘lsa, bu summa minimal ish haqining 80 barobaridan oshmasligi kerak."ni tanlang.

Keyin kredit shartnomasi va to‘lov uchun kredit olganligingizni tasdiqlovchi shartnoma nusxasini ilova qiling.

Bu amallarni bajarganingizdan so‘ng “Deklaratsiyani saqlash” tugmasini bosing. tizim hisob-kitoblarni amalga oshirib, natijalarni jadval ko‘rinishida ko‘rsatadi. shundan so‘ng "Jo‘natish" tugmasini bosing.

Endi deklaratsiya topshirilgan deb hisoblanadi va siz shaxsiy daromad solig'ini qaytarish uchun ariza topshirishga o'tishingiz mumkin.

Ariza topshirish

• my3.soliq.uz sayti orqali: shaxsiy kabinetga kiring, "Jismoniy shaxslarning yillik daromad deklaratsiyasi" xizmatini tanlang, keyin "Jismoniy shaxslardan ortiqcha to‘langan soliq summalarini qaytarish" tugmasini bosing;

Quyidagi maydonlarni to‘ldirish talab etiladi:

• Yashash joyingiz bo‘yicha indeks;
• Yashash joyingiz bo‘yicha manzil;
• Mobil telefon raqami;
• Elektron pochta manzili;
• Soliq turi – ochiladigan ro‘yxatdan "172-Soliq to‘lovchilarning yillik daromadlari bo‘yicha topshirgan deklaratsiya asosida daromad solig‘i" ni tanlang;
• Ortiqcha to‘langan soliq summasini vujudga kelgan sanasi va qisqacha sababi – "Soliq kodeksining 378-moddasiga binoan imtiyoz" deb yozing;
• "Qaytarish yoki hisobga olish" – ochiladigan ro‘yxatdan "Ortiqcha to‘lovni hisob raqamiga qaytarish"ni tanlang;
• Plastik karta raqami – qaytariladigan summani olmoqchi bo‘lgan kartaning raqamini kiriting;
• Tranzit hisob raqami – bankingizdan aniqlab, kiriting;
• Bankning MFO kodi – bankingizdan aniqlab, kiriting;
• Qaytariladigan (boshqa soliq turiga o'tkaziladigan) summa – tizim hisob-kitobidan so‘ng, deklaratsiyada ko‘rsatilgan qaytariladigan summa raqamini kiriting.

Barcha maydonlarni to‘ldirgach, “Jo‘natish” tugmasini bosing.

Hujjatlarda xatoliklar va boshqa soliq turlari bo‘yicha qarzdorlik bo‘lmagan taqdirda, ko‘rsatilgan soliq summasi 15 kun ichida jismoniy shaxsning bank kartasiga qaytariladi.

Soliq imtiyozi bekor qilinishi mumkinmi?

Agar 2023-yil 1-yanvardan keyin ipoteka krediti orqali sotib olingan, qurilgan yoki rekonstruksiya qilingan uy 36 oy ichida boshqa shaxsga sotilsa, soliq imtiyozi bekor qilinadi va butun davr uchun soliq to‘lash majburiyati tiklanadi.