Yosh ko'rinish sirlari
Foto: flectone.ru
1. Ko'proq harakat qilish
Muntazam ravishda o'rtacha jismoniy faollik bilan shug'ullaning. Bunday maslahat oddiy tuyulishi mumkin, lekin harakatda yashash - yaxshi qomatni saqlab qolish va sog'lom qarish uchun ustuvor vazifadir.
2. Sog'lom uyqu
Har bir inson uchun zarur bo'lgan uyqu miqdori individual bo'lib, u sutkada 7 dan 8 soatgacha farq qiladi. Yaxshi uxlash uchun kechqurun haddan tashqari ko'p ovqatlanmang. Spirtli ichimliklar va stimulyatorlardan voz keching. Jismoniy faollik bilan shug'ullaning. Xonadagi harorat 18-22°C oralig'ida bo'lishini nazorat qiling. Xonani yaxshi shamollating. Sifatli yotoq to'shaklarini tanlang, tabiiy materiallardan bo'lishiga e'tibor bering. Yotoqda mobil telefonlardan foydalanishga odatlanmang.
3. “Uzoq umr ko'ruvchilar" parxeziga rioya qiling.
Quyida uning asosiy tamoyillari:
- Ratsionda oqsil miqdorining kam bo'lishi.
- Sabzavotlarni ko'proq iste'mol qiling.
- Zaytun yog'ini kunlik ratsioningizga qo'shing.
- Non va makaronni oz miqdorda iste'mol qiling.
- Shakarni minimal miqdorga kamaytiring.
- Haftada bir necha marta baliq yeng, lekin tunsa, qilich-balig' va boshqa organizmida simob bo'lgan baliqlarga ehtiyot bo'ling (ularni oyiga 2 martadan ko'p iste'mol qilmang).
- Ikki martalik ovqatlanish. Masalan: nonushta maksimum 300 kaloriya. Nonushtaga choy yoki qahva qo'shimcha. Tushlik yoki kechki ovqat. Tushlik vaqti oz miqdorda shakar bilan tamaddi. Birinchi va oxirgi ovqat orasidagi vaqtni 12 soat yoki undan kamroq vaqtga qisqartirishga harakat qiling. Agar siz erta tongda nonushta qilsangiz, kechki ovqatni 20:00 ga qadar tugatishga harakat qiling. Agar bu 10 soatlik tanaffus bo'lsa, yanada yaxshiroq.
- Yong'oqlar. Har kuni turlicha yong'oqlarni iste'mol qilish ma'qul.
- Polivitaminlar. Barcha zarur oziq moddalarni olish uchun har hafta to'liq vitamin kompleksini qabul qilishingiz mumkin. Masalan, har 3 kunda A, E, K va D vitaminlari, kaliy, kalsiy va magniy o'z ichiga olgan vitamin-mineral qo'shimchalar qabul qiling. Omega-3 olish uchun haftasiga ikki marta baliq yog'i qo'shimchasini qabul qiling.
Foto: razrisyika.ru
4. To'g'ri ovqatlanish me'yori
Hozirgi hayot tarzining katta muammolaridan biri va doimo qo'limizda bo'lgan oziq-ovqat ko'pligi - bu ortiqcha ovqatlanish. Biz rivojlangan jamiyatlarda juda ko'p ovqatlanamiz. Bu semizlik, diabet, yurak-qon tomir kasalliklari va boshqa kasalliklarning asosiy sabablaridan biridir.
5. "Yaxshi" dam olish
Kundalik stress sog'lig'imizga zararli bo'lganligi sababli, u charchoq, psixosomatik buzilishlarning asosiy sababidir, shuningdek, ko'plab kasalliklarning kelib chiqishi va kuchayishining sababidir. Shunday ekan, o'zingiz uchun vaqt ajratishni e'tiborsiz qoldirmang, hatto bu qiyin bo'lsa ham.
6. Maqsadga ega bo'ling
Kuzatishlar shuni ko'rsatadiki, uzoq umr ko'ruvchilarning odatda ertalab turishi uchun asosli sababi bor. Bu nabiralarni ko'rish, bog'ni parvarish qilish yoki ko'proq maqsadli loyihalar bo'lishi mumkin. Buni ahamiyati yo'q, chunki barchasi birdek muhimdir. Ertalab turish istagi bo'lmasa, hayot yo'q. Yoshingizdan qat'i nazar, har doim ertalab yotog'ingizdan turishga undaydigan reja bo'lishi kerak. Maqsadga ega bo'lish o'rtacha 7 yil umr qo'shishi mumkin deb hisoblanadi.
7. Pozitiv kayfiyatni saqlang
Super uzoq umr ko'ruvchilarning yana bir umumiy xususiyati bor: ular hayotni yorqin tomondan ko'rishadi, ular ijobiy va bor narsalaridan mamnun bo'lishni bilishadi. Optimistlar pessimistlarga qaraganda uzoqroq yashaydi. Siz xushchaqchaq bo'lganingizda, sizda to'liqroq ijtimoiy hayot va umuman olganda, baxtliroq hayot bo'ladi.
Foto: sunhome.ru
8. To'g'ri o'tirish
To'g'ri o'tirish bizni yoshroq va chiroyliroq ko'rsatishi mumkin, shuningdek, uzoq vaqt davomida sog'lom bo'lishimizga imkon beradi.
Qiyshayish odati bo'yin va orqa muammolar, bosh og'rig'i, jag' muammolari, shuningdek, artrit, qon aylanishining buzilishi, mushak og'rig'i, nafas olish kasalliklari, ovqat hazm qilishning yomonlashuvi, ich qotishi, charchoq, nevrologik muammolar va butun tanadagi umumiy disfunksiyalarga olib keladi.
9. Jag'ingizni bo'sh qo'ying
Osteopatlar sizga tishlarni qisirlatish organizm uchun ko'plab oqibatlarga olib kelishini aytadi, masalan, yuzning o'z yoshiga nisbatan katta ko'rinishi ya'ni qarishi. Bu uning pastki qismining osilishiga sabab bo'ladi. Aksincha, tabassum yuz chizgilarini yaxshilashi mumkin. Natijada o'z yoshingizga nisbatan yoshroq ko'rinishga ega bo'lasiz.
Maslahat: Kompyuterda o'tirganingizda, ko'pchilik odatda jag'ni noxosdan qattiq tutadi. Bu paytda og'zingizni ochiq tutishga e'tibor bering, tishlar umuman bir-biriga tegmasligi kerak. Sababsiz ham jilmaying – bu qo'llab-quvvatlovchi mushaklarni faollashtiradi.
10. Yogani mashq qiling
Yoganing chiroyli qarishiga yordam berishi isbotlangan, xususan, u stress bilan yaxshi kurashishga yordam beradi hamda yallig'lanish va immunitetga ta'sir qiladi.
Buning uchun ayniqsa orqaga qaraydigan holatlar foydalidir, chunki ular ichki sekretsiya bezlariga va miyaning oksigenatsiyasiga ta'sir qiladi. Yosh uchun yana bir foydasi: qon va limfa aylanishi kuchayadi va yuz terisi yaxshiroq kislorod bilan to'yingan bo'ladi.
11. Soch parvarishi
Yoshi o'tishi bilan sochlar ham o'zgarishlarga uchraydi. Oqargan sochlarning paydo bo'lishi yosh o'tishi bilan eng ko'p uchraydigan o'zgarishdir. Bu sochlar melaninni yo'qotganda sodir bo'ladi. Soch pigmentatsiyasi asosida yotadigan komponent shuningdek, ularni tashqi ta'sirlardan (ifloslanish, issiq vositalar va boshqalar) himoya qilishda muhim rol o'ynaydi. Shunday qilib, oqargan sochlar nozikroq va siyrak bo'lib qoladi.
Sochlar turli omillar tufayli qarib qoladi: ichki (genetika va gormon ishlab chiqarish) va tashqi (tamaki, ultrabinafsha nurlar, atrof-muhitning ta'siridan). Shuning uchun yosh ko'rinishga ega bo'laman desangiz sog'lom turmush tarziga rioya qiling.
