Yer solig‘i stavkasi va to’lov usullari
Yer solig’ini hisoblash
Har yili soliq xizmati jismoniy shaxslar uchun yer solig‘ini hisoblab chiqadi va 1-martdan kechiktirmasdan to‘lov bildirishnomasini yuboradi. Uni shaxsan imzo qo‘yib yoki boshqa, olingan sanani tasdiqlovchi usul bilan olish mumkin. Soliq miqdori yer maydoni va uning toifasiga bog‘liq. Agar siz imtiyozga ega bo‘lsangiz, masalan, nafaqa yoshidagi fuqaro yoki ko‘p bolali oila bo‘lsangiz, soliq idorasiga ixtiyoringizdagi yer uchastkangiz bo‘yicha barcha tasdiqlovchi hujjatlarni o‘zingiz taqdim qilishingiz kerak bo‘ladi.
Soliqni to’lash muddati
Soliq to‘lovi ikki bosqichga bo‘lingan. Summaning yarmini 15-aprelgacha, qolgan qismini esa 15-oktyabrgacha to‘lash kerak. Demak, yil davomida ikki marotaba belgilangan muddatlarga rioya qilishingiz kerak. Agar yer uchastkasi yilning o‘rtalarida, masalan, iyul oyida sizga ajratilgan bo‘lsa, soliq kelgusi oydan boshlab hisoblanadi. Shunga mos ravishda, agar yer maydonini qisqartirgan bo‘lsangiz, soliq bazasi qayta hisoblanadi va siz kamroq soliq to‘laysiz.
Zamonaviy to‘lov usullari
Soliq to‘lash jarayonini qulayroq qilish uchun UPay, PayMe kabi elektron to‘lov tizimlaridan foydalanishingiz mumkin. Ushbu xizmatlar soliqni bankka bormasdan, to‘g‘ridan-to‘g‘ri telefon yoki kompyuter orqali to‘lash imkonini beradi. Bu oson, tez va ortiqcha qog‘ozbozliksiz amalga oshiriladi.
Maslahatlar
Agar soliq hisoblash yoki to‘lov bo‘yicha savollar tug‘ilsa, Davlat soliq qo‘mitasining Konsultatsiya xizmatiga (0 371) 202-32-82 raqamiga yoki ishonch telefoniga 1198 qo‘ng‘iroq qilishingiz mumkin. U yerda sizga kerakli barcha ma'lumotlarni berishadi va har qanday masalada tushuntirish berishadi.
