Tayyorlov kurslari qancha turadi?

Davlat OTMlariga tayyorgarlik

Davlat oliy ta’lim muassasalariga kirish uchun abituriyentlar 5 ta fan bo‘yicha jami 90 ta test topshirig‘ini bajaradi:

• 3 ta majburiy fan (tarix, matematika va til),
• 2 ta profil fani — tanlangan yo‘nalishga qarab belgilanadi.

Asosiy yo‘nalishlar quyidagilardan iborat: iqtisodiyot, gumanitar fanlar, aniq fanlar, pedagogika, tibbiyot, huquqshunoslik va agrar yo‘nalishlar. Har bir yo‘nalish uchun qo‘shimcha fanlar va ball hisoblash tartibi Davlat komissiyasining tasdiqlangan fanlar majmuasi ro‘yxatida ko‘rsatilgan.

Abituriyentlar tanlagan yo‘nalishlarga mos ravishda bilimlarini mustahkamlash uchun maxsus kurslarga yozilishadi. Bu kurslar ma’lum bir yo‘nalishga moslashtirilgan yoki har bir fan bo‘yicha alohida bo‘lishi mumkin.

Toshkentdagi ommabop o‘quv markazlarida fan kurslarining narxlari:

Barcha narxlar bir oylik kurs uchun ko‘rsatilgan va kurslarni istalgan muddatga olish mumkin. Belgilangan qat’iy muddatlar yo‘q, bu abituriyentning tanloviga bog‘liq. Qat’iy muddatlar asosan ekspress kurslarda bo‘ladi.

Xususiy OTMlarga tayyorgarlik

Aksariyat xususiy oliy ta’lim muassasalariga kirish uchun xalqaro darajadagi ingliz tili bilimini talab qiladigan yo‘nalishlar mavjud. Shuningdek, ba’zi OTMlarga yo‘nalishdan qat’i nazar, kirish uchun sertifikat majburiy hisoblanadi. Masalan, Varshava Menejment Universiteti, Raqamli iqtisodiyot va agrotexnologiyalar, Westminster International University in Tashkent va Webster University kabi universitetlar o‘rtadan yuqori darajadagi, ya’ni 6 ballik IELTS sertifikatini talab qilishadi.

Toshkentdagi ommabop o‘quv markazlarida IELTS kurslarining narxlarini ko‘rib chiqamiz:

Narxlarga ta’sir qiluvchi omillar

Tayyorlov kurslarining narxi bir qancha omillarga bog‘liq:

• Davomiylik va intensivlik — Qisqa muddatli intensiv kurslar ko‘pincha uzoq muddatli kurslarga qaraganda qimmatroq bo‘ladi, chunki ular qisqa vaqt ichida ko‘proq bilim olishga yo‘naltirilgan.
• Kurs turi — Narx kursning qaysi fanga yoki yo‘nalishga mo‘ljallanganligiga bog‘liq. Masalan, faqat bir fan uchun yoki barcha majburiy fanlar uchun tayyorlov kurslari bo‘lishi mumkin.
• O‘qituvchilarning malakasi — Tajribali va xalqaro sertifikatga ega o‘qituvchilar bilan kurslar odatda qimmatroq bo‘ladi.
• Kurs formati — Onlayn darslar ko‘pincha arzonroq bo‘ladi, chunki ular joylashuv va tashkiliy xarajatlarni kamaytiradi. Oflayn kurslar esa, aksincha, ko‘proq mablag‘ talab qilishi mumkin.
• Hudud — Toshkentdagi kurslar odatda qimmatroq, viloyatlarda esa narxlar 10%ga arzonroq bo‘ladi.
• Qo‘shimcha xarajatlar — Kurslarga qo‘shimcha ravishda o‘quv materiallari, testlarga ro‘yxatdan o‘tish yoki individual darslar uchun qo‘shimcha to‘lovlar talab qilinishi mumkin.

Qanday qilib o‘quv markazlarini topish mumkin?

Tayyorlov kurslarini izlayotgan abituriyentlar va talabalar uchun bir necha usullar mavjud:

• Maxsus saytlar va portallar
  Kurslar haqida ma’lumot topish uchun maxsus platformalar, masalan, kursi24.uz kabi saytlardan foydalanishingiz mumkin. 
• Ijtimoiy tarmoqlar va telegram kanallar
  O‘quv markazlari o‘z Ijtimoiy tarmoqlar sahifalarida va Telegram kanallarida yangi kurslar, chegirmalar va aksiyalar haqida ma’lumotlarni joylashtiradi.

• Tanishlar tavsiyalari
  Do‘stlar va tanishlar orqali o‘quv kurslari haqida tavsiyalar olish — eng ishonchli usullardan biri. Ular o‘z tajribalaridan kelib chiqib, qaysi kurslar sifatli ta'lim berishini tavsiya qilishlari mumkin.
• Universitetlar tomonidan tashkil etilgan kurslar
  Ko‘plab universitetlar o‘z tayyorlov kurslarini taklif etadi, ular universitet talablari asosida tashkil etiladi. Kurslarni topish uchun hujjat topshirmoqchi bo‘lgan universitetning rasmiy saytini ko‘rib chiqishni tavsiya etamiz.

Jahon iqtisodiyoti va diplomatiya universiteti qoshidagi tayyorlov kurslari.

Kurs tanlash bo‘yicha maslahatlar

Kurs tanlashda quyidagilarni inobatga olish kerak:

1. Markazning obro‘si va tajribasi
   O‘quv markazining reytinglari va sharhlari kurs sifatining yaqqol ko‘rsatkichi hisoblanadi. Facebook va Telegram kanallaridagi sharhlar orqali ham markaz haqida ma’lumot olish muhim.
2. O‘qituvchilarning malakasi
   Tajribali va xalqaro sertifikatlarga ega o‘qituvchilar ta’lim sifatini oshiradi. 
3. Davomiylik va dars jadvali
   Kurs davomiyligi va jadvali sizning imkoniyatlaringizga mos bo‘lishi kerak.