Maktabga arzon tayyorlanish sirlari: tajribali oyijonlardan maslahatlar

Sentyabr yaqinlashgani sari, o‘quvchilarning ota-onalari xarajatlarga shay turishibdi. 2000-yillarda maktabda o‘qigan paytlarimda biz o‘quv qurollarini yozgi maktab yarmarkalaridan xarid qilardik. Kiyim-kechak izlab "Chorsu"ga borardik. "Ippodrom" yoki "O‘rikzor"ga ham borganmiz, lekin bir-ikki marta. Chunki bu bozorlar Yunusoboddan ancha uzoq edi. Vaqt o‘tib "Uch Qahramon" bozori paydo bo‘ldi — u yaqinroqda joylashgani uchun xaridlarimiz ham ancha osonlashdi.