Uy sharoitida yo'taldan qutulish

Quruq yo'talni davolash

Quruq yo'tal nima? U xurujsiz yo'tal deb ham ataladi. Balg'am chiqishi juda qiyin, uning miqdori oz yoki umuman chiqmasligi bilan tavsiflanadi. Bu bosqichda davolash yo'talni qo'zg'ash va balg'amni suyultirib, chiqarishga qaratilgan bo'ladi. Muhim jihati shundaki, refleksni bostirish kerak emas, aks holda o'pka va bronxlardan chiqa olmagan quyuq va shilimshiq balg'am jiddiy asoratlarga sabab bo'ladi.

Yo'talga qarshi tabiiy vositalar

Xalq tabobatida reflektor ta'sir ko'rsatuvchi balg'am ko'chiruvchi shifobaxsh o'simliklar faol qo'llaniladi. Ularni choy qilib damlab ichish yoki suv bug'ida qaynatma tayyorlash mumkin. Nastoy tayyorlash uchun bir-ikki osh qoshiq quritilgan giyohni 90–100°C darajadagi bir stakan suvga solish kerak. Damlama 15–20 daqiqa damlanib turishi kerak, shundan keyin u suziladi. Balg'am ko'chiruvchi xususiyatga ega bo'lgan shifobaxsh o'simliklar qatorida ko'ka, shirinmiya, gulxayri, romashka gullari, tog'rayhon, qayin novdalari bor.

Yo'talga uy sharoitida tayyorlanadigan ichimliklar

Yo'talni xalq tabobati bilan davolashda dolchin, bir necha dona qalampirmunchoq yoki kardamon qo'shib tayyorlangan dorivor ichimliklar juda mos keladi. Bunday ichimliklar balg'am hosil bo'lishini tezlashtiradi va bezovtalangan shilliq qavatlarga taskin beradi.

Ichimliklar suv, choy, arpa va suli yormalari bilan tayyorlanib, qo'shimcha sifatida quyidagilarni qo'shish mumkin:

• asal
• turp suvi
• anis urug'i
• limon suvi
• imbir
• zarchava.

Yo'talni tezda davolash uchun qalampir yalpiz choyi, qayrag'och po'sti, tog' jambili choyi yordam beradi.

Foto: dinazima.ru

Umumiy tavsiyalar

Yo'taldan tezroq qutulish uchun qo'shimcha tavsiyalar ham mavjud:

Iliq suyuqlik iching. O'tkir bo'lmagan choy, suv, shifobaxsh giyohlar damlamasi, quritilgan mevalar kompoti, rezavorli morslar. Iliq suyuqlik shilliq qavatni yumshatadi, balg'amni suyultiradi va uning oson chiqishiga yordam beradi.

Ko'proq dam oling. Imkoniyat bo'lsa uyda qolib dam oling. Yotgan paytingizda tana holatingizga ahamiyat bering. Bosh ko'krak qafasidan balandroq tursa yaxshi bo'ladi, bu ham balg'amning oson chiqishiga yordam beradi.

Havoni namlantiring, chunki nam havo shilliq qavatlaringizni nam holatda turishiga yordam beradi. Nafas olish biroz yengillashadi. Havoni namlantirish uchun namlagichdan foydalaning yoki uyda har yerga suv idishlarini qo'yib qo'ying. Batareyaga nam sochiqni ilib qo'yishingiz ham mumkin.