Uy uchun havo namlagich tanlaymiz
Havodagi namlik yetishmasligi odam organizmiga yomon ta'sir qiladi. Xona havosi o‘ta quruq bo‘lsa, odamning uyqusi yomonlashadi va ishlash samaradorligi kamayadi. Havo namlagichi yordamida xonadagi namlik darajasini oshirishingiz mumkin. Sizga namlagichlar bir-biridan qanday farq qilishini va qurilmani to'g'ri tanlash bo‘yicha maslahat beramiz.
Namlik mutlaq va nisbiy bo'lishi mumkin. Mutlaq namlik - bu ma'lum bir vaqtda havoda mavjud bo'lgan barcha suv miqdoridir. Namlik amalda ko‘proq foizlarda hisoblanadi. Qishda turar-joy binolarida optimal namlik darajasi 30-45%, yozda esa 30-60%. Qo'shimcha namlash va yetarli darajada havo almashinuvi bo'lmasa, shahardagi uylarda namlik darajasi kamdan-kam hollarda 20-25% dan ko'tariladi. Havo yetarli darajada nam bo'lmasa, odamning burun shilliq qavati va terisi quriydi. Nafas olish yo'llari torayadi, havodagi namlik yetishmasligi ayniqsa astma va allergiya bilan og'rigan odamlarning sog‘lig‘iga ta'sir qiladi. Bu yana bir bor havo namlagichining muhimligini anglatadi.
Biz ushbu sharhga kichik, ko‘chma modellarni kiritmaslikka qaror qildik, chunki bizning maqsadimiz kattaroq joylarda samarali ishlashi mumkin bo‘lgan kuchliroq qurilmalar haqida ma’lumot berishdir. Shuningdek, biz noma’lum ishlab chiqaruvchilarning namlagichlaridan foydalanishni tavsiya etmaymiz, chunki ular vaqt sinovidan o‘tmagan va kerakli sifat va chidamlilik darajasini ta’minlamasligi mumkin.
Namlagich turlari
Foto: hvac365.ru
Namlagichlarning uchta asosiy turi mavjud
An'anaviy qurilmalar — tabiiy bug'lanish prinsipi asosida ishlaydi. Havo suv bilan namlangan kartrij orqali ventilyator tomonidan tortiladi. So‘ngra namlangan holda chiqadi. Ishlash samaradorligi xonadagi havo namligiga bog'liq. Namlagich optimal namlik darajasini saqlab turadi. Bunday qurilmalar jim ishlaydi va elektr quvvatini kam sarflaydi. Ichki kartrijni odatda har 3-6 oyda almashtirish kerak.
Bug'lanishga asoslangan qurilmalar — isitish elementi yordamida suv isitiladi. Natijada issiq yoki iliq suv bug'i doimiy ravishda xonaga ajratiladi. Ular xonadagi namlikni tezda oshirishi mumkin. Ammo ko'plab modellarda issiq haroratdagi bug' ajratiladi, bu esa noqulayliklar keltirib chiqarishi mumkin. Ushbu namlagichlar an'anaviylarga qaraganda shovqinliroq ishlaydi. Ular ish paytida ko'p quvvat iste'mol qiladi.
Ultratovushli qurilmalar — mashhur va arzon variantdir. Qurilmaning ichida yuqori chastotalarda tebranadigan va suvni mayda zarrachalarga bo'luvchi membrana mavjud. Namlagich ularni tuman sifatida havoga purkab, nisbiy namlikni oshiradi.
Ultratovushli modellar sezilarli kamchilikka ega. Bu suv sifatiga qo'yiladigan talablarda aks etadi: ular uchun faqat distillangan yoki tozalangan suv mos keladi. Oddiy oqar suvda mineral aralashmalar mavjud bo'lib, ular namlagichdan o'tib, havoga ham kiradi. Shu sababli, vaqt o'tishi bilan mebel va devorlarda oq qoplama paydo bo'lishi mumkin.
Tanlangan namlagichlar
1. Xiaomi Deerma DEM-F600 — Eng ixcham va arzon tanlov
2. Vitek VT-2332 — Aromaterapiya va tungi rejim bilan byudjetli tanlov
3. Polaris PUH 3504 — Aromaterapiya va tungi rejim bilan ikkinchi byudjetli tanlov
4. Xiaomi Smart Antibacterial Humidifier — Eng aqlli model
5. Artel ART AH807C — Katta xonalar uchun
6. Philips HU4816/10 — Gigiyenik ultratovushli havoni tozalash funksiyasi bilan
Xiaomi Deerma DEM-F600
Xiaomi Deerma DEM-F600 bu, mexanik boshqariladigan ultratovushli namlagich.
Deerma DEM-F600 modeli 25 kvadrat metrgacha bo‘lgan maydonni bir tekis namlashni ta’minlaydi. Uning suv idishi hajmi 5 litrni tashkil etadi, bu tez-tez to‘ldirishni talab qilmasdan uzoq vaqt ishlashni kafolatlaydi.
Qurilmaning quvvati 25 Vt. Shovqin darajasi 32 desibelni tashkil etadi, bu namlagichdan foydalanishni foydalanuvchi uchun qulay qiladi.
Xiaomi Deerma DEM-F600
Xiaomi brendidan ajoyib ultratovushli havo namlagichi
Narxi: 405 ming soʻmdan boshlanadi
Ijobiy tomonlari
- Suvni idishni chiqarmasdan yuqoridan quysa bo’ladi
- Namlash intensivligini sozlash
- Ixcham dizayn
- Past narx
Kamchiliklari
- Avtomatik funksiyalar yo'q
- Kichik suv idishi hajmi
Vitek VT-2332
Vitek VT-2332 sensorli boshqaruvga ega ultratovushli namlagich bo‘lib, qurilma 25 kvadrat metrgacha bo‘lgan maydonda havoni samarali namlash qobiliyatiga ega. Suv idishining hajmi 5 litrni tashkil etadi, bu suvni tez-tez to‘ldirmaslikka imkoniyat beradi. Namlagichning quvvati 25 Vtni tashkil etadi, bu esa qurilmaning minimal quvvat sarfi bilan samarali ishlashini ta’minlaydi. Shovqin darajasi 30 desibelga teng. Bu ko‘rsatkich kunlik normadan, ya’ni 40 desibeldan 10 pog‘onaga kam.
Vitek VT-2332
Sensorli boshqaruvga ega ultratovushli namlagich
Narxi: 719 ming soʻmdan boshlanadi
Ijobiy tomonlari:
- Namlik intensivligini sozlash
- Avtomatik rejim
- Kechki rejimi
- Aromaterapiya
- Ionizatsiya
- Bolalardan himoya funksiyasi mavjud
- Suv darajasi past bo'lganda avtomatik o'chirish funksiyasi mavjud
Kamchiliklari:
- Wi-Fi boshqaruvi yo'q
Polaris PUH 3504
Polaris PUH 3504 bu, mexanik boshqariladigan ultratovushli namlagich bo‘lib, 25 kvadrat metrgacha bo‘lgan xonalarni qulay havo namligi bilan ta’minlaydi. Suv idishining hajmi 4 litrni tashkil etadi. Qurilmaning quvvati 25 Vt bo‘lib, bu ko‘rsatkich samarali va tejamkor quvvat sarfini ta’minlaydi. Namlagichning ishlashi paytida shovqin darajasi 30 desibelni tashkil qiladi. Bu foydalanuvchi uchun qulay ko‘rsatkich.
Polaris PUH 3504
Mexanik boshqaruvga ega ultratovushli namlagich
Narxi: 749 ming soʻmdan boshlanadi
Ijobiy tomonlari:
- Namlik intensivligini sozlash
- Kechki rejim
- Aromaterapiya
- Bolalardan himoya funksiyasi mavjud
- Suv darajasi past bo'lganda avtomatik o'chirish funksiyasi mavjud
Kamchiliklari:
- Suv idishining kichik hajmi
- Wi-Fi boshqaruvi yo'q
Xiaomi Smart Antibacterial Humidifier
Xiaomi Smart Antibacterial Humidifier, bu Wi-Fi va sensorli boshqaruvga ega ultratovushli namlagich. Namlagich 35 kvadrat metrgacha bo'lgan maydonda havo namlanishini ta'minlashga qodir. Suv idishining hajmi 5 litrni tashkil etadi. Qurilmaning quvvati 30 Vt ni tashkil qiladi, bu havoni samarali va tez namlashni ta'minlaydi. Namlagichning shovqin darajasi 38 desibelni tashkil etadi. Xiaomi Smart Antibacterial Humidifier Wi-Fi va sensorli boshqaruv elementlari yordamida namlagich ishini boshqarish va sozlash imkonini beruvchi aqlli qurilmadir.
Xiaomi Smart Antibacterial Humidifier
Wi-Fi va sensorli boshqaruvga ega ultratovushli namlagich
Narxi: 849 ming soʻmdan boshlanadi
Ijobiy tomonlari:
- Ilova orqali boshqarish
- Avtomatik namlik nazorati
- Ovozli boshqaruv
- Havoni bakteriyalardan tozalash
- Kechki rejim
- Aromaterapiya
- Bolalardan himoya funksiyasi mavjud
- Suv darajasi past bo'lganda avtomatik o'chirish funksiyasi mavjud
Kamchiliklari:
- Shovqin darajasi past emas
Artel ART AH807C
Artel ART AH807C sensorli boshqaruvga ega ultratovushli namlagich. Namlagich 50 kvadrat metrgacha bo‘lgan maydonda havo namlanishini ta’minlashga qodir. Shu sababli bu model yashash xonalari yoki ofis kabi keng xonalarda ishlatish uchun ideal tanlov. Suv idishining hajmi 5,3 litrni tashkil etadi. Qurilmaning quvvati 45 Vtni tashkil etadi, bu hatto katta xonalarda ham tez va samarali havo namlanishini kafolatlaydi. Namlagichning shovqin darajasi boshqa ko‘rsatkichlarga qaramay past bo‘lib qolmoqda - atigi 28 desibel.
Artel ART AH807C
Sensorli boshqaruvga ega ultratovushli aqlli namlagich
Narxi: 990 ming soʻmdan boshlanadi
Ijobiy tomonlari:
- Katta namlash maydoni
- Namlik intensivligini sozlash
- Avtomatik rejim
- Kechki rejim
- Aromaterapiya
- Bolalardan himoya funksiyasi mavjud
- Suv darajasi past bo'lganda avtomatik o'chirish funksiyasi mavjud
Kamchiliklari:
- Wi-Fi boshqaruvi yo'q
Philips HU4816/10
Philips HU4816/10 sensorli boshqariladigan ultratovushli namlagich bo‘lib, qurilma qulay va sog‘lom havo iqlimini yaratishga mo‘ljallangan. Namlagich 40 kvadrat metrgacha bo‘lgan maydonda havo namlanishini ta’minlashga qodir. Suv idishining hajmi 5 litrni tashkil etadi. Qurilmaning quvvati 40 Vtni tashkil etadi, bu havoni samarali va tez namlantirishni kafolatlaydi. Namlagichning shovqin darajasi 35 desibel. Ushbu modelning o‘ziga xos xususiyati gigiyenik ultratovush yordamida havoni tozalash bo‘lib, u nafaqat optimal namlik darajasini, balki xonadagi toza havoni ham ta’minlashga yordam beradi.
Philips HU4816/10
Philips brendidan sensorli boshqaruvga ega ultratovushli namlagich
Narxi: 1 mln 683 ming soʻmdan boshlanadi
Ijobiy tomonlari
- Gigiyenik ultratovush bilan havoni tozalash
- Namlik intensivligini sozlash
- Avtomatik rejim
- Kechki rejim
- Aromaterapiya
- Bolalardan himoya funksiyasi mavjud
- Suv darajasi past bo'lganda avtomatik o'chirish funksiyasi mavjud
Kamchiliklari
- Yuqori narx
Havo namlagichini tanlash mezonlari
Namlagichni tanlashda nafaqat uning turiga, balki boshqa xususiyatlarga ham e’tibor berish kerak.
Ishlash samaradorligi. Bu mezon qurilma soatiga qayta ishlaydigan suv hajmida o‘lchanadi. Samaradorlik qanchalik yuqori bo‘lsa, namlagich tezroq bug‘lanadi yoki suvni namlash maydoni shunchalik katta bo‘ladi. Sotib olishdan oldin, qurilmadan foydalanishni rejalashtirgan xonaning maydonini tekshiring. Masalan, 15-20 m² xona uchun quvvati soatiga 0,3-0,4 litr bo‘lgan namlagich yetarli, 30 m² xona uchun - soatiga 0,6-0,7 litrli qurilma mos keladi. Ishlab chiqaruvchilar deyarli har doim ma’lum bir model qanday maydonga mo‘ljallanganligini ko‘rsatadilar.
Suyuqlik rezervuarining hajmi. Ushbu mezon avvalgisiga tegishli. Soatiga 0,4 litr samaradorlikka ega, ikki litrli namlagich atigi besh soat ishlaydi - bu butun tun uchun yetarli emas, qo‘shimcha suv quyish kerak bo‘ladi.
Foydalanish qulayligi. Barcha namlagichlarga texnik xizmat ko‘rsatish kerak va bu jarayon qulay bo‘lgani yaxshi. Avvalo, qurilmaga suvni qanday quyish kerakligiga e’tibor bering. Ba’zi modellarda suv idishini chiqarib, yangidan joylash kerak. Boshqalarida yuqoridan suv qo‘shish mumkin. Bundan tashqari, sotib olishdan oldin qanday filtrlar kerakligini aniqlab olish kerak.
Klassik, an’anaviy namlagichni tanlayotganda, jihozni tozalash oson ekanligiga ishonch hosil qiling. Namlagich muntazam tozalanmasa, suv turg‘unlashadi va qurilma bakteriyalar uchun ko‘payish joyiga aylanadi. Ultratovushli modellar ham tozalashni talab qiladi.
Qo‘shimcha funksiyalar. Ba’zi namlagichlar xushbo‘y efir moylarini tarqatish uchun o‘rnatilgan diffuzoriga ega. Avtomatik o‘chirish taymeriga va ish rejimiga ega qurilmalar mavjud, ular gigrometr ko‘rsatkichlari bilan boshqariladi. O‘rnatilgan gigrometr xonadagi namlik darajasini aniqlashga yordam beradi. Ammo shuni yodda tutingki, namlik faqat qurilmaga yaqin joyda o‘lchanadi, undan bir necha metr uzoqlikda ko‘rsatkichlar boshqacha bo‘ladi.
Ba’zi namlagichlar aqlli uy tizimiga kiritilishi mumkin. Ba’zi modellarda esa ionizatsiya mavjud. Ionizatsiya — bu havoning salbiy zaryadlangan ionlar bilan to‘yinganligidir. Ushbu qo‘shimcha funksiyalar kim uchundir muhim bo‘lishi mumkin.
