Uy sharoitida tishlarni oqartirishning 8 usuli

Osh sodasi

Uy sharoitida qo'llaniladigan eng mashhur tabiiy oqartirish vositalaridan biri bu – osh sodasi. U osonlik bilan tish emaliga singadi va ularning rangini samarali o'zgartiradi.

Osh sodasini tishlarni oqartirish maqsadida bir necha usulda qo'llash mumkin.

Birinchi holatda uni tish yuvish pastasi o'rnida qo'llanganda:

Bir osh qoshiq sodani ichimlik suvi bilan aralashtiring.
Hosil bo'lgan aralashma pastaga o'xshash bo'lishi kerak.
Ushbu aralashma bilan tishlarni tozalang.
Emal sirtida aralashmani 10 daqiqa davomida qoldiring.
Og'izni chayqab, aralashmani yuving.
Biroz kuting (5 daqiqa kifoya), shundan keyin oddiy pasta bilan tozalang.

Ikkinchi holatda:

1-3% konsentratsiyali vodorod peroksidini soda bilan 1:2 nisbatda aralashtiring, pastaga o'xshagan aralashma hosil bo'lishi kerak.
Tishlarni 1-2 daqiqa davomida tozalash kerak, so'ngra suv bilan og'izni yaxshilab chayqash lozim.
Bunday pasta bilan haftasiga bir marta tozalash mumkin.

Uchinchi usul: soda va tish pastasini aralashtirishdir. Bunday holatda sizga do'kon yoki dorixonalardan oqartiruvchi pasta izlashga hojat qolmaydi, chunki u doim qo'l ostingizda bo'ladi.

Olma sirkasi

Olma sirkasidan foydalanish – tishlarni uy sharoitida oqartirishning yana bir a'lo usuli hisoblanadi. ushbu mahsulot ko'pincha og'iz chayqash uchun qo'llaniladi. Faqat oz miqdordagi sirka bilan og'izni chayqash lozim, shundan keyin sirkani emal va milklardan iliq suv bilan yuving.

Olma sirkasini osh sodasi bilan birlashtirish ham mumkin. Buning uchun:

Sirka va sodani aralashtirib, pastaga o'xshash aralashma hosil qiling.
Ushbu aralashma bilan tishlarni tozalang.
Aralashmani bir necha daqiqa qoldiring.
Issiq suv bilan chaying, so'ngra oddiy pasta bilan tozalang.

Choy daraxti moyi

Choy daraxti moyi juda yaxshi oqartirish samarasiga ega. U kasallik chaqiruvchi bakteriyalarga qarshi yaxshi kurashadi, shuning uchun tishlar salomatligini saqlashda yordam beradi. Ko'pgina boshqa usullar bilan solishtirganda, choy daraxti moyi milklar salomatligiga zarar qilmaydi va emalni saqlaydi.

Standart tozalash pastasi bilan tishlaringizni tozalang.
So'ngra 100%li choy daraxti moyidan 2 tomchi tish cho'tkasiga tomizib, yana bir marta tozalang.
Qilingan ishlardan so'ng yengil uyushish hissi paydo bo'lishi mumkin.
Moy hididan qutulish maqsadida limon suvi qo'shilgan suv bilan og'izni chayqash kerak.

Bu usulning samarasi sekin bilinadi. Bir oy muntazam qo'llashdan keyin oqargan holatga erishish mumkin. Natijada yaltirashi bilan rom etuvchi chiroyli tabassum, tish toshlarisiz sog'lom tishlar va kasalliksiz milklarga erishiladi.

Foto: znatoki.org

Mevalar bilan oqartirish

2020-yilda o'tkazilgan tadqiqotga ko'ra, bromelayn yoki papain saqlovchi oqartiruvchi gellar oqartirishda sezilarli klinik xususiyatlarga ega. Ayrim mevalarda, xususan, papayya va ananaslardagi fermentlar emalni oqartirishi mumkin. Lekin qo'shimcha tadqiqotlar zarur.

Shuningdek, stomatologlar mevalar bilan ishqalashni tavsiya qilmaydilar, chunki meva kislotasi emalga salbiy ta'sir ko'rsatadi. Sariq dog'larga qarshi mashhur usullardan biri – qulupnaydan foydalanish. Banan po'stining ichki qismi bilan ishqalash ham mumkin.

Limon sharbati va suv

Teng miqdordagi limon sharbati va suv aralashmasi tishlarni oqartirib, og'iz bo'shlig'ini dezinfeksiya qiladi. Ushbu usul ham uy sharoitida oqartirishning eng oson va yengil usuli hisoblanadi.

Moy bilan chayqash

Og'izni moy bilan chayqash – Hindistonda juda mashhur. Bu usul emalga ziyon yetkazmasdan oqartirish usuli deb hisoblanadi. Moylar bakteriya va qoldiqlarni samarali olib tashlaydi, ammo pasta va ip bilan tozalash o'rnini bosmaydi. Muayyan bakteriyalar, mutant hisoblanadigan streptokokk, tish toshi va gingivitga sabab bo'ladi.

Tadqiqotlar shuni ko'rsatadiki, kokos moyi bilan har kuni chayqash bu bakteriyalar miqdorini kamaytiradi. Shunga qaramay, Amerika stomatologik assotsiatsiyasi (ADA) bunday oqartirish usulini samarali deb hisoblamaydi, chunki moy bilan chayqash kariyesni kamaytirish, oqartirish va og'iz bo'shlig'i salomatligini yaxshilashini ko'rsatuvchi ishonchli ilmiy ma'lumotlar yetarli emas.

Faollashtirilgan ko'mir

O'simlik ko'miri turli o'simliklarni karbonizatsiyasi natijasi bo'lib, zararli kimyoviy moddalarni o'z ichiga olmaydi. U bakteriyalar bilan kurashadi, noxush dog'larni ketkazadi va tishlarni oqartiradi. Kukun zarralari biroz qirrali bo'lib, tishlarni asta silliqlaydi va ularni sariqlashishiga sababchi bo'lgan tish toshini ketkazadi. Agar uni yutib yuborsangiz ham, salomatligingizga xavfli emas.

Foto: muzoktcrb.ru

Folga bilan oqartirish

Retseptlarda folga qo'lbola uskuna rolini bajaradi, unga har qanday emal oqartiruvchi moddani surtish mumkin. Buning uchun folgadan tish qolipiga o'xshash formada qoplama yasash kerak hamda uni yuqori va quyi jag'larga o'rnatish lozim. Hosil bo'lgan folga qolipiga har qanday yuqorida taklif qilingan moddani surtish, emalga qo'yish va 5 dan 15 daqiqagacha kutish kerak. Ta'sir vaqti oqartiruvchi moddaning ta'sir kuchiga bog'liq.

Alyuminiy folgadan yasalgan qo'lbola qoplamalar milklarni yopmasligi yoki ularga qattiq kirib ketmasligi kerak. Bu milklarga kuchli zarar qilishi, ularni shikastlashi va qon ketishiga olib kelishi mumkin. Soda emalni zararlamasligi uchun uni avval oddiy tish pastasi bilan 1:2 nisbatda aralashtirish kerak. Masalan, 1 choy qoshiq sodani 10 sm tubik pastasiga aralashtirish. Hosil bo'lgan aralashmani qoplamalarga surtish hamda quyi yoki yuqori jag’larga o'rnatish kerak. 20 daqiqa o'tgandan keyin aralashmani yuvish va og'izni romashka damlamasi bilan chayqash kerak.