Osh sodasining go‘zallik va salomatlik uchun foydasi

Kosmetologiyada qo'llanilishi:

1. Sodali vannalar – terini silliq, ipakdek va elastik qilish uchun 250-300 gram ovqat sodasi va dengiz tuzini oling, vannaga bir necha tomchi rozmarin efir moyini qo'shing. Bu muolajani haftasiga bir marta kamida yigirma daqiqa davomida o'tkazing.

2. Tozalovchi shampun – har qanday shampunni soda bilan 4:1 nisbatda aralashtirib, sochingizni yuving. Darhol farqni sezasiz. Soda kosmetik piling sifatida ishlaydi, sochning yog‘ qatlamini normallashtiradi.

3. “Qora nuqtalar” bilan kurashda – bir choy qoshiq sodani suvda qalin smetana konsistensiyasiga keltiring. Tayyor aralashmani muammoli joylarga o‘n daqiqaga qo‘ying, keyin to‘liq yuvib tashlang.

4. Tabiiy dezodorant – 5 osh qoshiq kokos moyi, 4 osh qoshiq makkajo'xori yoki kartoshka kraxmalini, 1 osh qoshiq soda va ixtiyoringizga ko‘ra efir moyini aralashtiring. Foydalanish uchun aralashmani teriga surtib oling.

5. Yuzni parvarish qilishda – uni niqob va skrab tayyorlashda ishlatish mumkin, uni jo‘xori uni, asal, qaymoq, smetana bilan aralashtirib, yuz terisiga qo‘llanadi.