Qimmat allergiya dorilarining arzon analoglari bormi?

*Quyida "analog" so‘zini umumiy ma’noda, ya’ni, xuddi shu faol moddaga ega, lekin arzonroq turadigan dorilarni tasniflash uchun ishlatamiz.

Allergiya alomatlarini keltirib chiqaruvchi asosiy modda — gistamin. U organizmda tabiiy ravishda mavjud bo‘lib, asosan immun tizimi hujayralarida saqlanadi va allergenlar yoki boshqa qo‘zg‘atuvchilarga javoban ajraladi. Gistamin ajralishi bilan yo‘tal, burun oqishi va qichishish kabi allergik reaksiyalar yuzaga keladi. Allergiya dorilari gistaminning ta’sirini bloklab, ushbu alomatlarni bartaraf etishga yordam beradi. 

Farmatsevtlar allergiya dorilarini ta’sir muddati, samaradorligi va markaziy asab tizimiga ta’siriga qarab ikki avlodga ajratadi ("uchinchi avlod" dorilari ham mavjud, ular nisbatan yangi va qimmat).

Bundan tashqari, glyukokortikosteroid deb ataluvchi gormonal dorilar ham mavjud bo‘lib, ular asosan gellar yoki malhamlar shaklida qo‘llaniladi.

Allergiya dorilarining birinchi avlodi

Birinchi avlod allergiya tabletkalari uyquchanlikka sabab bo‘ladi, lekin ular tez ta’sir qiladi, bu xususiyat allergik reaksiya tez rivojlanganda muhim.

Suprastin

Suprastin allergiya uchun eng arzon va samarali vositalardan biri. U 4-6 soat davomida ta'sir qiladi, ammo uzoq muddatli foydalanish preparatga tolerantlikni keltirib chiqaradi - ya'ni vaqt o'tishi bilan u bir xil dozada samarali bo‘lmasligi mumkin. Suprastin tabletkalarining faol moddasi — xloropiramin.

Faol moddasi xloropiramin bo’lgan dorilar ro’yxati:

Allergiya dorilarining ikkinchi avlodi

kkinchi avlod antigistaminlari qabul qilinganidan keyin ikki soat ichida ta'sir qila boshlaydi va uyquchanlikka olib kelmaydi. Ammo bu guruhdagi ba'zi moddalar antifungal (zamburug'ga qarshi) dorilar yoki greyfurt sharbati bilan birga qabul qilinganda yurak ritmini buzishi mumkin.

Setrin

Setrin tabletkalari allergik rinit, dermatit va Kvinke shishi uchun buyuriladi. Bitta tabletka 24 soat davomida amal qiladi. Setrin bir xil faol moddani o'z ichiga olgan arzon analoglarga ega. Setrin tabletkalarining faol moddasi — setirizin. 

Faol moddasi setirizin bo’lgan dorilar ro’yxati:

Levosetirizin

Levosetirizin o‘z ichiga olgan dorilar qabul qilinganidan keyin 12 daqiqa ichida ta'sir qila boshlaydi. Bu barcha ikkinchi avlod antigistaminlari orasida eng yaxshi natija.

Levosetirizin va uning analoglari boshqa dorilar bilan solishtirganda tez-tez yuzaga keladigan nojo‘ya ta'sirlarga ega emas. Levosetirizin tabletkalarining faol moddasi — levosetirizin.

Faol moddasi levosetirizin bo’lgan dorilar ro’yxati:

Loratadin

Allergiyaga qarshi eng mashhur vositalardan biri. U birinchi avlod dorilariga qaraganda samaraliroq, tinchlantiruvchi ta'sirga ega emas va boshqa dorilar bilan o'zaro ta'sir qilmaydi.

Loratadin tabletkalarining faol moddasi — loratadin. 

Faol moddasi loratadin bo’lgan dorilar ro’yxati:

Kestin

Ushbu faol modda ta'siri 48 soat davom etadi, shuning uchun u ko'pincha bahorda yoki ekzotik mamlakatda allergiklar uchun to’g’ri keladi. Kestin tabletkalarining faol moddasi — ebastin.

Faol moddasi ebastin bo’lgan dorilar ro’yxati:

Fenistil

Fenistil preparati malham, emulsiya va tomchilar shaklida ishlab chiqariladi. Bolalarga bu preparatning tomchilarni suyultirilgan holatda berish ruxsat beriladi. Fenistil terining qichishi, ekzema yoki hasharotlar chaqishi, shuningdek allergik reaksiyalarning oldini olish uchun buyuriladi. Fenistilning faol moddasi — dimetinden.

Faol moddasi dimetinden bo’lgan dorilar ro’yxati:

Erius

Erius odatda uyquchanlikka olib kelmaydi, shuning uchun bu allergiya tabletkalari kun bo'yi ishlaydigan yoki o'qiydiganlar uchun buyuriladi. Preparat 24 soat davomida ta'sir qiladi va 12 yoshdan oshgan bolalar uchun tasdiqlangan. Erius tabletkalarining faol moddasi — dezloratadin. 

Faol moddasi dezloratadin bo’lgan dorilar ro’yxati:

Feksadin

Feksadin moddasi allergik rinit va toshmalar bilan yaxshi kurashadi. U qabul qilinganidan keyin bir soat ichida ta'sir qila boshlaydi va kamida 12 soat davomida ishlaydi. Feksadin tabletkalarining faol moddasi — feksofenadin. 

Faol moddasi feksofenadin bo’lgan dorilar ro’yxati:

Glyukokortikosteroidlar

Ushbu dorilar darhol emas, balki 4-6 soatdan keyin ta'sir qiladi. Ichki foydalanish uchun glyukokortikosteroidlar organizmning o‘z adrenalini chiqarish orqali qon bosimini barqarorlashtirishga yordam beradi. Tashqi foydalanish uchun esa, tomchilar va malhamlar shaklida, bezovta qiluvchi allergiya belgilaridan xalos bo‘lish uchun qo‘llaniladi.

Fliksonaz

Fliksonaz spreyi 4 yoshdan boshlab, lekin 2 oydan ortiq bo'lmagan vaqt oralig’ida qo'llanilishi mumkin. Faol modda ta'siri 2-4 soat o'tgach paydo bo'ladi: og’iz-burun bo’shlig’ida og'riq, burun tiqilishi, aksirish, burunning qichishi va ko’z yosh ajralishi yo'qoladi. Fliksonaz spreyining faol moddasi — flutikazon.

Faol moddasi flutikazon bo’lgan dorilar ro’yxati:

Prednizolon

Jahon sog'liqni saqlash tashkiloti Prednizolonni asosiy dorilar ro'yxatiga kiritgan. Bu modda anafilaktik shok, allergiyada shoshilinch dori sifatida, shuningdek, Hodjkin va Berkitt limfomalari, o'tkir limfoblastik leykemiya uchun davolovchi dori sifatida ro'yxatga olingan.

Faol moddasi prednizolon bo’lgan dorilar ro’yxati: