Avto
24 iyun
ico586

Haydovchilik guvohnomasi yo‘qolsa nima qilish kerak?

Yo'qolgan yoki o'g'irlangan haydovchilik guvohnomasini tiklash to'g'risida ma'lumotlar.
article-image

Foto: boxmitino.ru

Haydovchilik guvohnomasi yo‘qolgan bo‘lsa, birinchi navbatda ijtimoiy tarmoqlardagi haydovchilar guruhlarida e’lon berib ko‘ring. Ba’zida bunday guruhlar yordamida yo‘qotilgan hujjatlarni topish mumkin. Agar hujjat topilmasa, yashash joyingiz bo'yicha biriktirilgan Davlat yo'l harakati xavfsizligi xizmati bo'limiga murojaat qilib, guvohnomangizni tiklashingiz kerak bo'ladi.

Haydovchilik guvohnomasini tiklash uchun hujjatlar

Haydovchilik guvohnomasini tiklash uchun yo'l harakati xavfsizligi xizmatiga quyidagi hujjatlarni taqdim etish lozim:

  • Haydovchi arizasi;
  • Haydovchilik maktabidan imtihon varag'i yoki guvohnoma;
  • Salomatlik holati to'g'risida tibbiy xulosa (083/x ma'lumotnomasi);
  • Davlat boji to'langanligi to'g'risidagi kvitansiya.

Imtihon varag'i haydovchilik maktabida o'qishni tugatgandan so'ng beriladi va haydovchilik guvohnomasi egasining tasarrufida qoladi. Agar imtihon varag'i yo'qolgan bo'lsa, haydovchilik maktabidan dublikat yoki viloyat yo'l harakati xavfsizligi xizmatining bo'limidan tasdiqnoma olishingiz kerak.

Haydovchilik guvohnomasini olish tartibi va narxlari - 2024

Hujjatlarni topshirgandan so'ng, haydovchi transport vositalarini boshqarish huquqidan mahrum bo'lgan haydovchilar ma'lumotlar bazasi orqali tekshiriladi. Keyin, 30 kundan so'ng guvohnomaga almashtiriladigan vaqtinchalik ruxsatnoma beriladi. Uni kerak bo'lsa yana 30 kunga uzaytirish mumkin. Vaqtinchalik ruxsatnoma yo'qotilsa, uning dublikatini berish uchun yig'im eng kam ish haqining 5 baravarini tashkil etadi.

Haydovchilik guvohnomasi yo'qolsa imtihon topshirish kerakmi?

Vazirlar Mahkamasining 2022-yil 20-iyuldagi qarori bo'yicha yo'qotilgan haydovchilik guvohnomasini tiklashda imtihonlarni qayta topshirish bekor qilindi.

Yo'qotilgan milliy haydovchilik guvohnomasining dublikati transport vositalarini boshqarish huquqidan mahrum bo'lgan shaxslarning haydovchilik guvohnomalari bazasida tekshirilgandan so'ng imtihondan o'tmasdan beriladi.

KASKO sug'urtasi qanday ishlaydi?

Yagona portal orqali guvohnomani tiklash mumkinmi?

Yo'qolgan guvohnomani tiklash uchun arizani Yagona portal orqali yuborish mumkin. Buning uchun:

  1. ONE ID tizimining transport bo'limiga kirib, anketa to'ldirib, tegishli hujjatlarni ilova qilib, vakolatli organga yuborish kerak.
  2. Xizmat to'lovining miqdori 30 600 so'm.

Vakolatli organ anketa va ilova qilingan hujjatlarni tekshirib, talabgorga imtihonlarga kirish haqida ma'lumotnoma yuboradi.

Yagona portalda, agar 12 oy davomida avtotransport vositasini boshqargan bo'lsangiz, quyidagi hujjatlarni taqdim etish sharti bilan imtihonlarsiz haydovchilik guvohnomasini tiklashingiz mumkin:

  • Avtotransport vositasining texnik pasporti;
  • Ishonchnoma yoki ijara shartnomasi (agar mavjud bo'lsa);
  • Avtotransport vositasining egasi javobgarligini majburiy sug'urta polisi.

Agar avtotransport vositasini boshqarmagan bo'lsangiz, sizdan nazariy va amaliy imtihonlarni topshirish hamda quyidagi hujjatlarni taqdim etish talab qilinadi:

  • 083 shaklidagi tibbiy ma'lumotnoma;
  • Avtomaktabni tamomlaganlik to'g'risidagi guvohnoma.

Haydovchilik guvohnomasini qayta tiklash qancha turadi?

Yo'qotilgan guvohnomaning dublikati bazaviy hisoblash miqdorining 1 baravarini tashkil etadi.

Bazaviy hisoblash miqdori konverteri

BHM

Jismoniy shaxslar tabiiy va texnogen xususiyatli favqulodda vaziyatlar, shu jumladan maishiy ofatlar natijasida yo'qolgan yoki yaroqsiz holga kelgan hujjatlarni tiklashda davlat boji va yig'imlarini to'lashdan ozod etildi.

Agar yo'qolgan haydovchilik guvohnomasi dublikat berilgandan keyin topilgan bo'lsa, topilgan guvohnoma haqiqiy emas deb hisoblanadi va yo'q qilish uchun Davlat Yo'l harakati xavfsizligi xizmatiga topshirilishi kerak.

Fikr qoldiring
Barcha sharhlar chop etilishidan oldin moderatsiyadan o'tadi