Cobalt shartnomalari nima uchun arzonlashdi?
Foto: avtoelon.uz
Cobalt avtomobillariga talab kattaligicha qolmoqda. Lekin Avtostradaning ta’kidlashicha, O'zbekiston avtomobil bozori me'yorlashmoqda. Yangi avtomobillarning olib-sotarlar marjasi kamaymoqda, bu esa olib-sotarlar tomonidan qiziqishni pasaytirmoqda.
An'anaga ko'ra, UzAuto Motors'ning byudjet modellariga shartnomalar ochilgach, bu shartnomani sotmoqchi bo'lgan tadbirkorlar paydo bo'ladi. Amalda, Cobalt uchun spekulyativ talab tushib ketdi va agar olti oy oldin olx savdo maydonchasida shartnomalar 500 - 600 dollar atrofida sotilgan bo'lsa, hozir Cobalt uchun shartnoma uchun 100 dollardan 300 dollar gacha so'ralmoqda.
Takidlash joyizki, shartnomalarni qayta sotish xavfli va O'zbekiston Musulmonlari Boshqarmasi tomonidan maxsus fatvo bilan taqiqlangan.
Bozorni me'yorlashda avtomobilni rasmiylashtirish narxining keskin oshishi ham, yangi hamda ikkilamchi bozorda muhim rol o'ynadi.
| Ishlatilgan avtomobilni yo'l patrul xizmati bo'limlari yoki notariusda ro'yxatdan o'tkazish | BRV=340000 so'm |
| Yo'l patrul xizmatidagi xarajatlar | |
| Avtomobilni ro'yxatdan o'tkazish | 2325600 so'm |
| Texnik pasport berish | 238000 so'm |
| Yangi raqamni olish | 1190000 so'm |
| Yo'l patrul xizmatiga umumiy to'lov | 3753600 so'm |
| Avtomobilni notariusdan ro'yxatdan o'tkazish narxi | |
| Notarius to'lovi - 3 BRV | 1020000 so'm |
| Davlat boji - eng kam ish haqqining 10 foizi | 34000 so'm |
| Taqiqni tekshirish - eng kam ish haqqining 15 foizi | 51000 so'm |
| Maslahat - eng kam ish haqqining 5 foizi | 17000 so'm |
| Shartnoma loyihasini tayyorlash - eng kam ish haqqining 10 foizi | 34000 so'm |
| Notariusdagi umumiy xarajatlar | 1156000 so'm |
| Avtomobilni yo'l patrul xizmati va notariusda ro'yxatdan o'tkazish uchun jami | 4909600 so'm |
Shu bilan birga, ikkilamchi bozorda narxlar pasayishda davom etmoqda – yangi Cobalt hozir 12 ming 500 dollar turadi (bir yil ichida 3 ming dollarga pasaygan), qayta sotuvchining marjasi esa taxminan 600 dollar.
Bugungi kunda Cobalt kabi avtomobillar uchun shartnoma tuzish jarayoni katta muammoga aylangan. Onlayn shartnomalar ochilishi bilan sayt xaridorlarning katta oqimiga bardosh bera olmaydi. Biroq, ular orasida mashina sotib olishni rejalashtirmaydigan, faqat shartnomani qayta sotishni maqsad qilgan olib-sotarlar ham ko'p.
Uzauto Motors xohlasa, bunday likvid avtomobillarning sotuvini bir kunda tartibga solishi mumkin. Bloger Bakirovning fikriga ko'ra, buning uchun oldindan bron qilish tizimini joriy etish kerak.
Misol uchun, shartnomalar ochilishidan 3 kun oldin xaridorlar Uzautoning rasmiy sayti orqali o'zlarini tasdiqlab, avtomobil narxining 15%ini maxsus hisob raqamiga kiritishlari lozim. Shartnomalar ochilgan kuni bu summa shartnoma hisobiga o'tkaziladi va qolgan 57 mln. so'mni 7 kun ichida to'lash talab etiladi. Agar to'lov qilinmasa, kiritilgan 22 mln. so'mning 10%i yonadi. Agar shartnoma ololmasa, 22 mln. so'm 3 kun ichida qaytariladi.
Ushbu chora-tadbirlar haqiqiy xaridorlarga shartnoma olish imkoniyatini oshirib, bozordagi olib-sotarlarning ta'sirini kamaytiradi.
