Avto
29 fevral
ico261

Dunyodagi eng qimmat mashinalar qancha turadi?

Dunyodagi eng qimmat mashinalar nomlarini va xususiyatlarini aytib o’tamiz.
article-image

Dunyoda odatiy avtomobillar narxidan ancha ustun turadigan hashamatli buyumlar mavjud. Bu eng qimmat va noyob avtomobillar dunyosi. Odamlar ushbu mashinalar uchun aql bovar qilmaydigan pul miqdorlarini to‘lashga tayyorliklari tasavvurni hayratda qoldiradi. Nafis superkarlardan tortib maxsus kolleksiya modellarigacha bu avtomobillar nafaqat texnik durdona, balki hashamat ramzidir. 

Ba'zi avtomobillar tarix va madaniyatning bir qismiga aylanadi. Shu sababli qimmat avtomobillar haqida bilimga ega bo’lish avtomobillar dunyosi qanday o'zgarayotganini tushunishga va madaniyatni boyitishga yordam beradi. Biz siz uchun qimmat modellar va brendlarni emas, balki tarixga ega bo‘lgan va qimmat pulga sotilgan avtomobillarning aniq misollarini to‘pladik

1 - O’rin sohibi: 1955 Mercedes-Benz 300 SLR Uhlenhaut Coupe

Narhi: 135 000 000 Yevro (EUR) = 1 818 699 322 050 so’m.

O’ziga hos jihati: Dunyodagi eng qimmat avtomobil.

Foto: drive2.ruFoto: drive2.ru

Tarixi: Mercedes-Benz 300 SLR 300 SL Gullwing kupe mashinasining poyga versiyasidir. avtomobil 1955-yilda atigi ikki nusxada ishlab chiqarilgan va sinovlardan o‘tib, musobaqalarga tayyorlangan. Ammo 1955-yilda konsernning boshqa avtomobili bilan sodir bo‘lgan fojiali avtohalokatdan so‘ng, Mercedes 30 yil davomida poygada qatnashishni to‘xtatishga qaror qildi va aynan shu avtomobilni uning yaratuvchi muhandisi Rudolf Ulenxout sotib oldi. Rudolf Uhlenhaut bu mashinaga shu qadar uzoq vaqt egalik qilganki, avtomobil Uhlenhaut kupesi nomini oldi. So‘ngra mashina muzeyga topshirildi.

Xususiyatlari: 310 ot kuchiga ega 3,0 litrli sakkiz silindrli motor bilan jihozlangan. Maksimal tezligi 290 km/soat.

Qachon va qayerda sotilgan? Mashina 2022-yil may oyida Germaniyada Sotheby’s deb nomlangan kim oshdi savdosida sotildi, egasi noma’lum.

O‘zbekistonda bu avtomobilga o‘xshagani bormi? Mercedes-Maybach GLS 600 4MATIC O‘zbekistondagi eng qimmat Mercedes hisoblanadi, narxi 241 ming dollarni tashkil qiladi (taxminan 2 760 000 000 so‘m). Ushbu avtomobil 6 litrli V12 motor va 557 ot kuchiga ega. O‘zining nafis dizayni, hashamatli interyeri va ilg‘or texnologiyasi bilan bu avtomobil hashamatli avtomobillar qatoriga kiradi.

2 - O’rin sohibi: 1998 McLaren F1

Narhi: 25 000 000 Aqsh dollari = 311 849 750 000 so’m.

O’ziga hos jihati: Noyob faralarga ega seriyadagi 106 ta mashinadan biri. Yig'ilishi va ehtiyot qismlari mukammal holatda.

Foto: samoform.ruFoto: samoform.ru

Tarixi: McLaren kompaniyasi 1992-yilda F1 ni ishlab chiqarishni boshlagan va u o‘z avlodining eng tez poyga mashinasi bo‘lgan. 059 shassi raqamiga ega ushbu maxsus F1 modeli 1998-yilda ishlab chiqarilgan. Dastlabki 14 yil davomida mashina Buyuk Britaniyada bitta odamga tegishli bo‘lgan va atigi 16,400 milya - taxminan 26,400 km masofani bosib o‘tgan. 2012-yilda uni sotib olib, AQShga olib ketishgan. 

Xususiyatlari: Shassi uglerod tolasidan bo‘lib, o‘rtada faqat bitta o‘rindiq bor. McLaren mutaxassislari qisqartirilgan korpusga BMW Z1 rodsterining faralarini joylashtirgan. Nostandart faralar mashina korpusini tekisroq ko‘rinishga keltirdi. Ammo ularsiz ham avtomobil noyob hisoblanadi: butlovchi qismlar va yig‘im yaxshi holatda saqlanib qolgan. Kapot ostida 6,1 litrli V12 motor o‘rnatilgan. 627 ot kuchiga ega sport avtomobili. Tezligi 386 km/soat. 2005-yilgacha F1 ishlab chiqargan avtomobillar orasidan eng tez avtomobili bo‘lib kelgan.

Qachon va qayerda sotilgan? Mashina 2022-yil avgust oyida Sotheby’s xususiy kim oshdi savdosida sotildi. Xaridori noma’lum, aniq narxi ham.

O‘zbekistonda bu avtomobilga o‘xshagani bormi? O‘zbekistonda McLarenning rasmiy vakilligi yo‘q. Lekin, 2023-yilda Toshkentda McLaren 720S import orqali olib kirilgan. Qachon va kim tomonidan sotib olinganligi noma’lum.

3 - O’rin sohibi: 1955 Ferrari 410 Sport Spider

Narhi: 22 005 000 Aqsh dollari = 274 490 149 950 so’m.

O’ziga hos jihati: Mashinani Enzo Ferrari va mashhur haydovchi Kerroll Shelbi boshqargan. Mashina ishtirok etgan 40 ta poygadan 11 tasida g‘alaba qozongan.

Foto: longreef.ruFoto: longreef.ru

Tarixi: Ushbu mashinaning yoqilg‘i bakida haydovchi Kerroll Shelbi tomonidan yozilgan ibora bor: "Janob Ferrari menga bu Ferrari u yaratgan barcha Ferrarilaridan eng yaxshisi ekanligini aytdi". 

Xususiyatlari: Mashinada asl shassi, barcha raqamlarga ega kuzov va 4,9 litrli V12 motori saqlanib qolgan. motor o‘z davri uchun o‘ta quvvatli - taxminan 400 ot kuchiga ega. 

Qachon va qayerda sotilgan? Mashina 2022-yil avgust oyida Sotheby’s xususiy kim oshdi savdosida sotildi. Xaridori noma’lum, aniq narxi ham.

O‘zbekistonda bu avtomobilga o‘xshagani bormi? O‘zbekistonda Ferrarining rasmiy vakilligi yo‘q. Lekin, 2022-yilda Toshkentda Ferrari 458 Italia import orqali olib kirilgan. Qachon va kim tomonidan sotib olinganligi noma’lum.

4 - O’rin sohibi: 2003 Ferrari F2003 GA

Narhi: 14 630 000 Shveytsariya franki = 207 293 465 132 so’m.

O’ziga hos jihati: Aynan shu mashinada Mixael Shumaxer Formula 1 poygalarida olti karra jahon chempioniga aylangan.

Foto: dzen.ruFoto: dzen.ru

Tarixi: Model nomidagi GA harflari F2003 chiqarilishi arafasida vafot etgan Fiat egasi Janni Anelli sharafiga qo‘shilgan. 2003-yilda bu poyga mashinasini Mixael Shumaxer boshqargan. Shumaxer bu mashinada beshta g‘alabaga erishgan va mavsum yakunida oltinchi bor jahon chempioni unvonini olgan.

2007-yildan beri mashina Nyu-Yorkdagi galereyada saqlangan, 2022-yilda mashinani Ferrari jamoasi kapital ta’mirdan o‘tkazgan. Hozirda mashina yana poygaga tayyor.

Xususiyatlari: avtomobil oldingi modellardan uzunroq g‘ildirak bazasi, yengilroq og‘irligi va kuzovining tekisligi bilan ajralib turadi. Orqa prujina kamonlari buraladigan po‘lat tayoqlar bilan almashtirilgan.

3.0L V10 motori to‘liq tiklangan.

Qachon va qayerda sotilgan? avtomobil Sotheby’s nomli kim oshdi savdosida 2022-yil noyabr oyida Jenevada sotilgan. Yangi egasining ismi oshkor etilmagan.

O‘zbekistonda bu avtomobilga o‘xshagani bormi? Ayni paytda O‘zbekistonda Ferrari sotuvi bo‘yicha faol e’lonlar mavjud emas.

5 - O’rin sohibi: 1937 Talbot-Lago T150C-SS Teardrop Coupe

Narhi: 12 200 000 Aqsh dollari = 152 182 678 000 so’m.

O’ziga hos jihati: Talbot-Lago T150C-SS Teardrop coupe modelining bugungi kungacha saqlanib qolgan yagona namunasi.

Foto: klaxonnew.ruFoto: klaxonnew.ru

Tarixi: Fransuz kupesi zavodni 1937-yilda tark etdi va 1938-yilda uni Tomas Styuart Li sotib oldi. avtomobil qayta bo‘yalgan va 2002-yilgacha bir necha marta qayta sotilgan. 2005-yilda Talbot-Lago Pebble Beach Concours d’Elegance tanlovi uchun qayta tiklandi va u yerda "O‘z modelida birinchi" mukofotini oldi. Ushbu korpus uslubida ikkita T150C-SS avtomobili ishlab chiqarilgan, ammo faqat bittasi saqlanib qolgan.

Xususiyatlari: avtomobil korpusi alyuminiydan. motori olti silindrli, quvvati - 140 ot kuchiga ega. To‘rt pog‘onali mexanik uzatmalar qutisi o‘tmishdagi avtomobillar prinsipi bo‘yicha ishlaydi. T150C-SS ning to‘rtala g‘ildiraklari barabanli tormozlarga ega.

Qachon va qayerda sotilgan? Kupe kim oshdi savdosida sotilgan eng qimmat fransuz avtomobili va 2022-yilda Gooding&Co kimoshdi savdolarida sotilgan eng qimmat avtomobilga aylandi. Yangi egasi noma’lum.

O‘zbekistonda bu avtomobilga o‘xshagani bormi? Talbot-Lago fransuz avtomobil ishlab chiqaruvchisi bo‘lib, kompaniya 1966-yilda o‘z faoliyatini to‘xtatgan. Yangi Talbot-Lago avtomobillari dunyoning hech bir joyida, jumladan, O‘zbekistonda ham sotilmaydi. Kam sonli ishlatilgan Talbot-Lago avtomobillari ixtisoslashgan veb-saytlar va auksionlarda mavjud bo‘lishi mumkin.

6 - O’rin sohibi: 1937 Bugatti Type 57SC Atalante

Narhi: 10 345 000 Aqsh dollari = 129 043 426 550 so’m.

O’ziga hos jihati: Asl holida butunlay saqlanib qolgan.

Foto: dzen.ruFoto: dzen.ru

Tarixi: 57 SC modeli jami 17 turda ishlab chiqarilgan. Ushbu kupe 1937-yilda Fransiyadagi zavodni tark etib, darhol sotilgan. Mashina Amerika va bir qancha Yevropa mamlakatlariga sayohat qilgan. 2022-yildagi restavratsiyadan so‘ng Bugatti mutaxassislari kuzov va avtomobildagi barcha asosiy qismlar asl ekanligini tasdiqladi.

Xususiyatlari: Har bir Type 57SC mashinasi o‘ziga xos dizayn xususiyatlariga ega. Ushbu model katta Scintilla nomli faralar va g‘ildiraklarini to‘liq qoplaydigan katta orqa qanotlari bilan ajralib turadi.

Qachon va qayerda sotilgan? Kaliforniyadagi Gooding & Co’s Pebble Beach kim oshdi savdosida noma’lum shaxs Bugatti uchun minimal hisoblangan qiymatidan sal ko‘proq pul to‘lab sotib olgan.

O‘zbekistonda bu avtomobilga o‘xshagani bormi? O‘zbekistonda Bugattining rasmiy vakilligi yo‘q. Lekin, 2023-yilda Toshkentda Bugatti Chiron import orqali olib kirilgan. Qachon va kim tomonidan sotib olinganligi noma’lum. Bugatti - noyob va qimmatbaho mashinalar hisoblanadi. Yangi Bugattilarning narxi 3 million dollardan boshlanadi. Ishlatilgan Bugatti narxi 10 million dollarga yetishi mumkin.

7 - O’rin sohibi: 1937 Mercedes-Benz 540K Special Roadster

Narhi: 9 905 000 Aqsh dollari = 122 266 527 600 so’m.

O’ziga hos jihati: Avtoulov qayta tiklanmagan, butlovchi qismlarning aksariyati original va juda yaxshi holatda.

Foto: dzen.ruFoto: dzen.ru

Tarixi: Rodsterning birinchi egasi Afg‘oniston qiroli bo‘lgan. Ikkinchi jahon urushi boshida mashina Kobuldan Fransiyaga, Afg‘oniston elchixonasiga jo‘natilgan. U 1953-yilda Chipstead Motors kompaniyasiga sotilgunga qadar elchixonada saqlangan. 1986-yilgacha mashina muzeyda saqlangan. So‘ngra mashinani boshqa mashhur kolleksioner - Robert Bare sotib olgan.

Mashina 13 000 milyadan (taxminan 21 000 km) kamroq masofani bosib o‘tgan va hech qachon qayta tiklanmagan. Asl Dunlop shinalari va ba’zi ehtiyot qismlarida zavod stikerlari saqlanib qolgan.

Xususiyatlari: avtomobil sakkiz silindrli kompressorli motor bilan jihozlangan, uning hajmi - 5,4 litr, quvvati - 180 ot kuchiga ega. Soatiga 170 km tezlikda harakatlana oladi.

Qachon va qayerda sotilgan? Rodster 2022-yil avgust oyida Sotheby’s kim oshdi savdosida Kaliforniyada sotildi. Yangi egasining ismi e’lon qilinmadi.

O‘zbekistonda bu avtomobilga o‘xshagani bormi? O‘zbekistonda Mercedes-Benz kompaniyasining rasmiy vakili mavjud. Mercedes-Benz avtomobillarining model diapazoni va narxlari modelga, konfiguratsiyaga, ishlab chiqarilgan yiliga va valyuta kursiga qarab farqlanadi. Masalan, yengil avtomobillar narxi C-klassi uchun 40 ming dollardan boshlanadi va Maybach GLS 600 uchun 241 950 dollargacha yetishi mumkin.

8 - O’rin sohibi: 1924 Hispano Suiza H6C Torpedo Roadster

Narhi: 9 245 000 Aqsh dollari = 115 562 500 000 so’m.

O’ziga hos jihati: avtoulov kuzovi qimmatbaho qizil darahtdan yasalgan.

Foto: auto.ruFoto: auto.ru

Tarixi: Mashinaga 1924-yilda fransuz uchuvchisi va poyga haydovchisi Andre Dyubonn buyurtma bergan. Dyubonn kuzovni Nieuport-Astra samolyot ishlab chiqaruvchi kompaniyasi yordamida buyurtma asosida yasatgan. Kuzov daraxtidan, samolyotni loyihalash usullariga asoslanib yaratilgan. Rodster bu avtomobilda bir nechta poygalarda qatnashgan va ajoyib natijalar ko‘rsatgan.

1925-yilda mashina avtomobil ishqibozi Aleksandr Keyllerga sotilgan. Ikkinchi jahon urushi paytida kuzov shikastlanib, keyinchalik restavratsiya qilingan. 1980-yillarning oxirida Rodster shaxsiy kolleksiyaning qismi bo‘lib saqlangan va faqat vaqti-vaqti bilan ko‘rgazmalarda qatnashgan.

Xususiyatlari: Kuzovning og‘irligi 160 funtni tashkil etadi, bu 73 kg dan kam. motor - 8,0 litr, quvvati - 200 ot kuchiga ega.

Qachon va qayerda sotilgan? Mashina 2022-yil avgust oyida Sotheby’s ochiq kim oshdi savdosida eng qimmat avtomobillar uchligida uchinchi bo‘ldi. Uni kim sotib olgani noma’lum.

O‘zbekistonda bu avtomobilga o‘xshagani bormi? Ayni paytda O‘zbekistonda Hispano Suiza sotuvi bo‘yicha faol e’lonlar mavjud emas, mamlakatga olib kirilganligi haqida ham ma’lumotlar yo‘q.

9 - O’rin sohibi: 1960 Ferrari 250 GT SWB Coupe

Narhi: 7 762 500 Funt sterling - 122 490 794 531 so’m.

O’ziga hos jihati: 24 soatlik Le Man poygasi uchun maxsus chiqarilgan.

Foto: autonews.ruFoto: autonews.ru

Tarixi: Mashina 1960-yilda yig‘ilgan, shundan so‘ng u Le Manning 24 soatli musobaqasida qatnashgan. Mashina umumiy reytingda beshinchi va o‘z sinfida ikkinchi o‘rinni egallagan. O‘sha yiliyoq u yana bir nechta musobaqalarda qatnashgan. 1984-yilda mashina mashhur tarixiy avtomobillar kolleksioneri Lindsi Ouen-Jonsonga sotilgan.

Mashina poygalarda ishtirok etish uchun qayta tiklandi va 2000-yilda yana sotildi. 

Xususiyatlari: motor - V12 3,0 litr hajmli, uchta karbyuratorli, quvvati - 275 ot kuchiga ega.

Qachon va qayerda sotilgan? avtomobil Gooding & Co kim oshdi savdosida, Londonda 2022-yil sentyabr oyida sotilgan. Mashinaning xaridori noma’lum.

O‘zbekistonda bu avtomobilga o‘xshagani bormi? Ayni paytda O‘zbekistonda Ferrari sotuvi bo‘yicha faol e’lonlar mavjud emas.

10 - O’rin sohibi: 1958 Maserati 450S Fantuzzi

Narhi: 7 600 000 Funt sterling - 119 982 150 000 so’m.

O’ziga hos jihati: Ikki yil davomida avtoulov Amerikaning Sports Car Club, SCCA musobaqalarida yetakchilar qatorini egallab kelgan.

Foto: pictoday.ruFoto: pictoday.ru

Tarixi: avtomobil Gran Carrera Jan Lafitte mintaqaviy poygasida - Galveston aeroportida, Texasda birinchi o‘rinni egallagan va keyin yana bir nechta poyga musobaqalarida g‘olib bo‘lib chiqqan.

1959-yilda Chikago yaqinidagi bir nechta poygalarda kuchli uchlikka kirgan va Riversayddagi Los-Anjeles Tayms Gran-pri poygasida ikkinchi o‘rinni egallagan.

1960-yilda mashina so‘nggi poygada qatnashganidan so‘ng, kolleksioner Frenk Xarrisonga sotildi. To‘liq 2 marotaba restavratsiya qilindi va 2000-yillarning o‘rtalarida Oskar Devisning kolleksiyasida o‘z o‘rnini topdi.

Xususiyatlari: Mashinada 400 ot kuchiga ega asl 4,5 litrli V8 motori saqlab qolingan.

Qachon va qayerda sotilgan? 2022-yil avgust oyida Sotheby’s Monterey kim oshdi savdosida noma’lum xaridor avtomobilni 7,6 millionga sotib oldi.

O‘zbekistonda bu avtomobilga o‘xshagani bormi? O‘zbekistonda Maseratining rasmiy vakilligi yo‘q. Lekin, 2022-yilda Toshkentga Maserati Levante import orqali olib kirilgan. Qachon va kim tomonidan sotib olinganligi noma’lum.

Siz avtorizatsiyadan o'tmagansiz. Sharh qoldirish uchun saytga kiring

O'xshash maqolalar

Ommabop maqolalar

Biz cookie-fayllardan foydalanamiz. Saytdan foydalanishni davom ettirish orqali siz roziligingizni bildirasiz