Banan po'stining biz bilmagan foydalari

Bananni po'sti bilan iste'mol qilish

Hayratlanarli ma'lumot — bu tropik meva po'stining bir donasida insonga kerak bo'lgan sutkalik kletchatkaning 12%i mavjud. Bu kletchatka hazm qilishni yaxshilaydi va ba'zi olimlarning ta'kidlashicha, diabet xavfini kamaytiradi.

Unda C vitamini ko'p. Ma'lumki, u immunitetni mustahkamlaydi va tananing sog'lom shakllanishiga, o'sishi va umumiy sog'ligiga javob beradi. Iste'mol qilingan oziq-ovqatni samarali quvvatga aylantirish uchun insonga B6 vitamini zarur. Bananning po'stida esa ushbu vitaminga bo'lgan sutkalik normaning 20%i mavjud.

Bananni po'stlog'ini ajratishdan avval yaxshilab yuving. Ichki qismini o'z xohishingizga ko'ra ishlating, po'stini esa kichik qismlarga bo'lib, ertalabki vitaminli smuziga qo'shing. Smuzini bir xil massaga kelguncha blenderda aralashtiring. Shuningdek, butun bananni 10 daqiqa qaynatib, keyin uni elakdan o'tkazib, kompot, smuzi yoki yangi siqilgan sharbatlarga qo'shish mumkin.

Foto: nvkz-tub.ru

Banan po'stlog'ini taomlarga qo’shish

Shunday qilib, imkoniyatingiz bo'lsa, osiyoliklar kabi mahsulotlarni banan po'stida pishiring. Masalan, go'sht yoki guruchni. Yoki desertlarni. Zapekanka tayyorlash uchun eng oson yo'l: bananni uzunligi bo'ylab kesib, ichki qismini bo'laklarga bo'ling. Ichiga shokolad, quritilgan mevalar, yong'oq yoki marshmellov qo'shing. Bananni folgaga o'rab, cho'g'da yoki 200 °C da duxovkada pishiring. Desertni issiq holda torting.

Banan po'sti — go'shtning yumshoqligini ta'minlaydi. Agar siz, ko'zada dimlangan go'sht tayyorlayotgan bo'lsangiz, tayyorlashdan oldin ko'zaning tagiga 1-2 dona pishgan banan po'stini qo'ying. Agar tovuq to'sh go'shti yoki kurka tayyorlayotgan bo'lsangiz, ular duxovkada pishirilganda suvsizlanib ketishga moyil bo'ladi. File ustini po'st bilan yopib qo'ying. Bu bug' hammomi ta'sirini hosil qiladi va go'shtning suvini saqlashga yordam beradi.

Xona gullarini parvarishida banan po'stining foydasi

Bog'bonlar uchun u haqiqiy sehrli tayoqcha. U kompost qilishda, tuproqni fosfor va o'simliklar o'sishi uchun muhim bo'lgan boshqa mikroelementlar bilan boyitishda ishlatiladi, ayniqsa pomidor uchun.

O'simlik shirasiga qarshi yaxshi vosita. Tajribali bog'bonlar ko'p marotaba bu zararli hasharot bilan duch kelgan, u bog'ni xarob holatga olib kelishi mumkin. Undan himoya qilish juda oson. Po'stini kichik bo'laklarga bo'lib, o'simlik atrofidagi yerga qo'ying. Hasharotlar kaliy mavjudligi sababli qo'rqib ketadi va kerakli o'simliklarga tegmaydi.

Issiq mavsumda qora pashshalardan qutulish uchun banan po'stining foydasi sezilarli bo'ladi. Po'stini plastik konteynerga qo'yish va uning qopqog'iga bir necha teshikcha qilish kerak. Shirin hidi sababli hasharotlar tuzoqqa tushadi va yashashingizga xalal bermaydi.

Foto: dzen.ru

Yuz parvarishida banan po'stining foydasi

Banan po'sti kosmetologiyada muhim rol o'ynaydi. Uning sink va lektina boyligi sababli antibakterial xususiyatlari terining tiklanish jarayonini tezlashtiradi va uni yangi nuqsonlardan himoya qiladi.

Har hafta ikki marta bananning ichki qismini yuzga surtish kifoya, keyin uni 10 daqiqaga qoldirib, yuving va namlovchi krem surting.

Ko'z ostidagi shishlarga foydasi

Teri parvarishi uchun ishlatiladigan kosmetik vositalar banan yoki banan po'sti bilan tayyorlanishini o'ziga xos sababi bor. Chunki ular vitamin E ga boy bo'lib, teriga yumshoqlik beradi va oqartiradi. Shuningdek, u kuchli antioksidant bo'lib, terini erta qarishdan himoya qiladi.

Po'stini kichik bo'laklarga bo'lib, yumshoq massaga aylantiring. Ushbu niqobni yuzga qo'ying. 15-20 daqiqa ushlab turing, keyin oddiy tozalovchi vosita bilan yuving.

Quruq oyoq terisiga foydasi

Banan po'sti aminokislotalar va A, B, C va E vitaminlariga boy bo'lib, ular quruq va qichishuvchi teriga juda yaxshi foyda beradi.

Po'chog'ining ichki qismini ishlatib, yorilib ketgan tovon va barmoqlarni yumshating hamda namlang. 10-15 daqiqa qoldiring va qoldiqlarni suv bilan yuving. Muolajani hafta davomida har kuni takrorlang. Mayin kaftlar sizga rahmat aytadi!

Teridan yasalgan poyabzalga yordam

Teridan tayyorlangan poyabzalga yangi qiyofa berish uchun banan po'stining ichki tomonini surish mumkin. Meva kislotalari poyabzal uchun silliqlovchi vazifani bajaradi va u yaltiraydi. Zamsh va boshqa poyabzal materiallari uchun mos emas.

Tishlarni oqartirishda foydasi

Banan po'stidagi minerallar tufayli, uni tish emalini tozalashdan oldin ishlatish mumkin. Shunday qilib, tishlarni oqartirish va hatto kumush idishlar va kumush bezaklarini yaltiratish mumkin. Uni bir oz suv bilan blenderda pasta holatiga keltiring. Qoshiqlar va sanchqiga surting, so'ngra yuving.

Bu noyob mahsulotni uzoq saqlash uchun uni kichik bo'laklarga bo'lib, qadoqlang, muzlatkichga qo'ying va kerak bo'lganda olib foydalaning.

Foto: dzen.ru

Suvni tozalaydi

U suvdagi qo'rg'oshin va misni yaxshi so'rib oladi. Po'stini suv solingan idishda biroz ushlab turing.

Yaralarni davolaydi

Banan po'stida yaralarni davolaydigan tabiiy yog'lar va fermentlar mavjud. Uni zararlangan joyga ichki tomoni bilan qo'ying va biroz vaqtga boylab qo'ying.

Zirapchani olib tashlashda banan po'sti

Zirapchaga ko'p duch kelasizmi? Unda bu og'riqsiz usulni sinab ko'ring. Banan po'stining bir bo'lagini zirapcha kirgan joyga qo'ying, skotch bilan mahkamlang va 30 daqiqaga qoldiring. Banan po'stidagi fermentlari zirapchani teri sirtiga turtib chiqishiga yordam beradi, so'ngra uni osongina pinset bilan olib tashlash mumkin.

Banan po'stini tashlashga shoshilmang! Undan kundalik turnushingizda foydalaning.