Uy sharoitida ko‘z atrofidagi ajinlarni kamaytirish

Ko'z atrofidagi terini namlantirish

25 yoshdan keyin terining namligi kamayishi sababli ko'zning burchaklarida birinchi mimik ajinlar paydo bo'lishi mumkin. Terini suvsizlanishidan saqlash hamda chuqur namlash uchun gialuron kislotasi va termal suv asosidagi fluid yoki sivorotka yoki yengil gelni ishlating. Namlangan teri tezda tekislanadi, yumshaydi va uzoq vaqt davomida tonusini saqlaydi.

30 yoshdan keyin organizmda tabiiy kollagen va elastin ishlab chiqarilishi sezilarli darajada kamayadi, ko'z atrofidagi teri elastikligi va tonusini yo'qotadi, shuningdek, suvsizlanishga moyil bo'ladi. Bu yoshda ko'rinadigan mimik ajinlar, ko'z ostidagi shishlar va rang o’zgarishlar sodir bo'ladi, bularni faqat namlovchi vositalar bilan bartaraf etib bo'lmaydi. 30 yoshdan keyin ko'z atrofidagi ajinlarni ketkazish uchun eng yaxshi vosita - peptidlar va vitaminlar asosidagi anti-age formulali mahsulotlardir. Peptidlar terining gidrolipidli qatlamini tiklaydi va namlikning yo’qolishini oldini oladi. Vitaminlar esa terini intensiv oziqlantiradi. Parvarish tarkibidagi kofein drenaj ta’siriga ega bo'lib, shishlar va qora doiralardan xalos bo'lishga yordam beradi.

40 yoshdan keyin ayollarda estrogen gormoni darajasi pasayadi, bu terining zichligi, elastikligi va regeneratsiyasiga salbiy ta’sir qiladi. Bunday yoshda ko'z atrofidagi ajinlarga qarshi kollagen, retinol va gidrofiksatorlarni o'z ichiga olgan anti-age mahsulotlarini ishlatish tavsiya etiladi, ular teri relyefini tekislash va uni taranglashishiga yordam beradi.

Ko'z atrofidagi terini parvarish qilish uchun malhamlar

Ko'z ostidagi ajinlarga metiluratsil samarali dori vositasi hisoblanadi - bu vosita teri regeneratsiyasini stimullaydi. Shunga qaramay, uni qo'llashdan oldin shifokor bilan maslahatlashish kerak. Ushbu malham haqida ijobiy sharhlar mavjud bo'lsa-da, bu vosita sizga mos kelishi aniq emas.

Ko'z atrofidagi mushaklar uchun mashqlar

Feysbilding bo'yicha mutaxassislar ko'z atrofidagi ajinlarning oldini olish va ularni bartaraf etish uchun uchta samarali mashqni bajarishni tavsiya qiladilar. Ajinlarni uy sharoitida ketkazish uchun ushbu mashqlar ayni muddao.

«Galochkalar»

Har bir qo'lning o'rta va ko'rsatkich barmoqlarini harflar shaklida ichki va tashqi ko'z burchaklariga qo'yish kerak. Barmoqlarni yengil bosim bilan ushlab turish kerak. Shundan so'ng yuqoriga qarab qarash va pastki qovoqni yuqoriga tortish kerak, lekin qovoqlarni to'liq yummaslik kerak. Barmoqlar ostida yengil pulsatsiyani sezish mumkin. 3 - 7 martadan bajarish tavsiya etiladi. Mashq shishlarni va mayda ajinlarni yo'q qiladi.

Foto: mia-bags.ru

«Palochkalar»

Har bir qo'lning ko'rsatkich va o'rta barmoqlarini birlashtirib, mos ravishda o'ng va chap yonoq suyagiga qo'yish kerak. Keyin 5 soniya davomida qovoqlarni qisib, bo'shashtirish kerak. Bu vaqtda barmoqlar yumshoq qismi ostida mushak harakati sezilishi kerak. 2-3 martadan 7 martagacha bajarish tavsiya etiladi. Harakatlar orasida ko'zlarni dam oldirish uchun biroz yumib ochish mumkin. Mashq ko'z ostidagi shishlar, ularning paydo bo'lishi natijasida yuzaga kelgan chiziqlar va ajinlardan xalos bo'lish uchun samaralidir.

Foto: thevoicemag.ru

«Ochki»

Har bir qo'lning ko'rsatkich va bosh barmoqlarini doiralar shaklida qilib, ko'zlar atrofida joylashtiring: ko'rsatkich barmoqni qoshning ostiga, bosh barmoqni yonoqqa qo'ying. Barmoqlar bilan o'rtacha bosim qilgan holda tez-tez ochib yumish kerak, shu bilan birga mushak harakatini his qilish kerak. Mashqni 30 soniya davomida bajarish tavsiya etiladi. Bu mashq ko'z atrofidagi mushak tonusini rag'batlantiradi, pastki qovoqni tortadi.

Foto: thevoicemag.ru

Ko'z atrofida massaj

Ko'z atrofi parvarishida klassik massaj texnikasi juda oddiy va ko'p vaqt talab qilmaydi. Massaj boshlanishidan oldin teriga krem ​​surish kerak, iloji bo'lsa, u sovuqroq bo'lsin yoki biroz vaqt muzlatkichda tursin. Bu shishni kamaytirishga yordam beradi. Massaj chiziqlari burundan ko'zning tashqi burchagiga, yuqori va pastki orbitaning chekkasiga o'tadi. Massaj harakatlari urish uslubida bo'lishi kerak, terini cho'zish kerak emas.

Klassik texnikaga yapon anti-age massaj elementlarini qo'shish mumkin. Urish harakatlariga har bir qoshning boshlanishida, shuningdek, burun ko'prigidagi nuqtada, ko'z yosh kanallari boshlanishi yonida o'rta barmoqlar bilan 2-3 bosish qo'shiladi. Yakunida, ikki chakka terisini massaj qilish kerak.

Ajinlarga qarshi massaj kosmetik vositalar bilan birgalikda samarali bo'ladi. Hech qachon terini cho'zmang, krem yoki ajinlarga qarshi malhamni ko'z atrofidagi teriga yengil urish bilan surting.