Qorindagi yog'ni yo'qotishning eng samarali usullari
Foto: svadbaforyou.ru
Qorin va yonboshdagi ortiqcha yog' nafaqat estetik masala, balki kasalliklar va boshqa o’zgarishlar rivojlanishining asosiy omili hisoblanadi. Ortiqcha vaznga o'z vaqtida e'tibor berish, muammo bilan kurashni to’g’ri yondashuv bilan boshlash juda muhim. Aks holda u organizmdagi boshqa buzilishlarga olib kelishi mumkin. Qorinni tez yo'qotish usullarini va’da beruvchi keskin choralarni qo’llamaslikni maslahat beramiz. Kattalashgan qorinni yo'qotish uy sharoitida amalga oshirilgan taqdirda ham bu bo’yicha biror bilim va tushunchaga ega bo’lish zarur.
Abdominal tipdagi semizlikka ega bo'lgan odamlar quyidagi kasalliklarga moyil bo'ladi:
- Yurak-qon tomir kasalliklari (gipertoniya, taxikardiya, ishemik kasallik);
- Jinsiy bezlarning disfunksiyasi (bepushtlik, amenoreya);
- Yaxshi yoki yomon tabiatli yangi o'smalar;
- Ikkinchi turdagi qandli diabet rivojlanishi (insulin yetishmovchiligi).
Qorindagi yog’larni eritishning birinchi bosqichida siz sabr qilishni o'rganishingiz kerak. Qorinni yo'qotish usullari turlichadir. Hamma odamlar har xil ozadi, ularning qomati yoki boshqa xususiyatlariga qarab, ba'zilar avval qo'llari, ba'zilar yonoqlari, ba'zilar esa qorinni yo'qotadi. Shunday ekan, istak va sabr bilan hammasi amalga oshadi. Quyidagi maslahatlarni bajarsangiz, natijani tezlashtirishingiz mumkin.
Qorin va yonbosh yog'idan qanday qutulish mumkin?
Har qanday ozish jarayonida oziqlanishga e'tibor berish lozim. To'liq ochlik yoki boshqa qattiq diyetalarda o'tirish shart emas. Hattoki shirinliklardan ham to'liq voz kechish shart emas, faqat ularni cheklash kifoya. Foydali mahsulotlar va uyda tayyorlanadigan ovqatlarga ko'proq urg’u bering. Kaloriyani asta-sekin kamaytiring, haftasiga 0,5-1 kg yo'qotishni boshlaguningizcha. To'g'ri va balansli oziqlanish rejasini diyetolog yordamida tuzishingiz mumkin.
Qorin va yonboshdagi yog'larni yo'qotish uchun mushaklarni mustahkamlash kerak. Bunday yog'larni yo'qotish uchun kardio mashqlar (yugurish, suzish, velosipedda yurish) foydali bo'lib, metabolizmni tezlashtiradi va kaloriyalarni yo'qotishga yordam beradi. Shuningdek, qorin va yon mushaklari uchun mashqlarni bajarish tavsiya etiladi. Visseral (qorin) yog'ga qarshi kurashda intervalli yuklamalar yaxshi natijalar beradi. Har qanday holatda, mashq turini tanlash sizga bog'liq.
Oziqlanish kundaligini yuriting, unda barcha ovqatlarni yozib borishingiz kerak. Bu yozuvlar yordamida o’zingiz yoki diyetolog yordamida yog'lar, oqsillar va uglevodlar balansini kuzatishingiz mumkin. Kundalik ovqat miqdorini va kaloriya miqdorini taqqoslashingiz mumkin. Bundan tashqari, qaysi oziqlanish buzilishlariga yo’l qo’yganingizni kuzatishingiz mumkin.
Foto: flectone.ru
Qorin shishishidan qanday qutulish mumkin?
Qorindagi yog'larni yo'qotishda avvalo qorin sohasidagi shish, ya’ni ortiqcha suv to’planishi holatini bartaraf qilish kerak. Qorin va yonbosh yog'idan xalos bo'lish uchun ovqatlanishni asosiy tamoyillarga muvofiq tuzish tavsiya etiladi.
Ko'p miqdorda tuz iste'mol qilishdan saqlaning, chunki ortiqcha natriy organizmda suyuqlikni ushlab qolishi mumkin, shuningdek, alkogolli ichimliklardan saqlaning. Buning o'rniga, ko'plab vitamin va minerallarga ega bo'lgan yangi meva va sabzavotlarni iste’mol qiling.
Ko'p suv iching. Shishish holatida organizmga suyuqlik yetishmaydi deb o'ylaydi va uni ushlab turishni boshlaydi. Shuning uchun suyuqlikni chiqarishni rag'batlantirish uchun kuniga kamida 8 stakan suv ichish tavsiya etiladi. Bu orqali turli toksinlar ham organizmdan chiqib ketadi.
Ko’p o’tirishdan saqlaning. Uzoq vaqt davomida o'tirish yoki bir joyda turish qorin hududida qon aylanishining to'xtashiga olib keladi, bu esa shishishga olib keladi. Shuning uchun muntazam ravishda tanaffuslar qiling va harakatlaning. Bu normal qon aylanishini ta'minlaydi.
Stressni kamaytiring. Ko’p stress organizmda yog' hosil bo'lishiga olib keladigan kortizol gormoni miqdorini oshiradi va bundan tashqari qorin shishishiga sabab bo’lishi mumkin. Toza havoda sayr qilish ichki muvozanatni saqlashga va nerv tizimini mustahkamlashga yordam beradi.
Umuman olganda, qorin sohasidagi shishlardan qutulish muntazam jismoniy faoliyat, sog'lom ovqatlanish, yetarlicha suv iste'moli va stress darajasini kamaytirishga bog'liq. Agar shishlar yo'qolmasa yoki kuchaysa, muammoning aniq sababini aniqlash uchun shifokor bilan maslahatlashish lozim.
Qorindagi yog'ni yo'qotishga halal beradigan mahsulotlar
Qorin va bel sohasida ozish uchun quyidagi oziq-ovqatlarni ratsiondan chiqarish yoki sezilarli darajada cheklash tavsiya etiladi:
- Shakar va shirinliklar;
- Konservalar va dudlangan mahsulotlar;
- Xamirturushli mahsulotlar va pishiriqlar;
- Qovurilgan ovqatlar;
- Tuzlangan mahsulotlar;
- Alkogol;
- Qadoqlangan ichimliklar;
- Mayonez, ketchup, do'konda sotiladigan souslar.
Bu mahsulotlarni iste'mol qilishda organizm ularni parchalashga ko'proq kuch sarflaydi, osilib qolgan qorinni yo'qotishga emas.
Foto: manoiloksana.ru
O'zingiz uchun belgilangan vazn ko'rsatkichiga erishgach, ayrim mahsulotlarni kam miqdorda ba'zida iste'mol qilishingiz mumkin. Oyda bir yoki ikki kun oziq-ovqat rejimini buzishingiz mumkin. Ammo unutmangki, bu kunlarda faqat birozgina ovqatlanish qoidalarini buzish mumkin, "qorin bayrami"ni o'tkazish emas.
