Uy sharoitida tayyorlanadigan limonli niqoblar

Sochlarni parvarishida limonning foydasi

Limon qurituvchi xususiyatga ega, demak, tezda yog’lanadigan sochlar uchun mos keladi. Limon sharbatini butun soch uzunligiga surting, bosh terisiga alohida e'tibor bering (buning uchun bir necha tomchi sharbatni paxta diskiga tomizib, terini yaxshilab namlang). Jarayondan keyin sochlarni yaxshilab yuvib tashlang, shunda noxush xususiyati oldi olinadi. Bunday niqobni zaruratga qarab kurs bo’yicha qiling ya'ni bir hafta davomida har kuni.

Sochlarni jilosini tiklash va ularga silliqlik berish uchun quyidagi vosita yaxshi mos keladi: 2 choy qoshiq limon sharbatini 8 osh qoshiq asal va 12 osh qoshiq zaytun moyi bilan aralashtiring. Aralashmani sochlaringizga surting va 10 daqiqa qoldiring.

Tirnoqlar uchun limon

Limon nafaqat tirnoqlarning sinuvchanligini kamaytiradi, balki ularning o'sishini ham ta’minlaydi. Tirnoqlarni 10 daqiqa limon sharbati va 10 daqiqa zaytun moyi ichida ushlab turing. Moyni yuvishdan oldin har bir barmog'ingizni yengil massaj qiling. Agar tirnoqlar va ular atrofidagi teri to'liq sog'lom bo'lsa, ushbu protsedurani haftasiga ikki marta bajarish tavsiya etiladi.

Sitruslar bilan tishlarni oqartirish

Sitrus mevalarida mavjud bo'lgan limon kislotasi tish toshini eritadi. Yorqin tabassumga ega bo'lish uchun tishlaringizni yangi limon po'stlog'i bilan artib turing. Bundan tashqari, bir necha tomchi sharbatni tish cho'tkasiga tomizib, ehtiyotkorlik bilan tishlaringizni tozalashingiz mumkin. Ehtiyot bo'ling – protsedurani haftada bir martadan ko'p takrorlamang, aks holda emalga zarar yetkazishingiz mumkin.

Foto: syl.ru

Ko'z ostidagi qora doiralarni ketkazish

C vitaminiga boy tabiiy antioksidant bo'lib, ko'z ostidagi qora doiralarni yo'q qilishga va teriga sog'lom ko'rinish berishga yordam beradi.

Agar "tez yordam" kerak bo'lsa – yarimta sharbatini siqib, uni biroz iliq suv bilan aralashtiring. So’ngra yuz va bo'yingizni artib turing.

Doimiy parvarish uchun yumshoq kremni sinab ko'ring: chorak limon sharbatini to'rt osh qoshiq asal bilan aralashtiring, biroz isitib, tozalangan yuz terisiga surting. 5-7 daqiqadan keyin yuvib tashlang.

Ko'z ostidagi qora doiralarni kamaytirish uchun har kecha limon sharbatiga botirilgan paxta disklarini ko'z ostiga 10 daqiqaga qo'ying. Ehtiyot bo'ling: ko'zga tushmasligi kerak.

Limon bilan yuz niqobi

Qora nuqtalarga qarshi niqob

Bitta limon sharbatini siqib oling. Kosmetik loy va bir qoshiq asal qo'shing. Bir xil massaga kelguncha aralashtiring va yuz terisiga, ko'z atrofiga tekkizmasdan surting. 30 daqiqadan keyin iliq suv bilan yuvib tashlang.

Yuzdagi kengaygan nuqtalarni tozalash

Yog'li yaltiroqdan xalos bo'lish va kengaygan nuqtalarni tozalash uchun bir qoshiq sharbatini jo'xori uni va tuxum oqi bilan aralashtiring. Teriga qalin qatlam qilib surting va 20 daqiqa qoldiring. Keyin iliq suv bilan yuvib tashlang.

Yallig'lanishga qarshi niqob

Romashka damlamasini limon sharbati va chayilgan tuxum oqi bilan aralashtiring. Paxtali disk yoki cho'tka yordamida yuzingizga surting. 20 daqiqadan keyin iliq suv bilan yuvib tashlang.

Yuz terisini limon bilan oqartirish

Buning uchun pishgan kivi va yarimta limon kerak bo'ladi. Kivini ezib, yarimta limon sharbatini aralashtiring. Yuzingizni oldindan ko'pik bilan tozalab, aralashmani surting. 15 daqiqadan keyin yuvib tashlang va tinchlantiruvchi krem surting. Har ikki komponent meva kislotalariga boy, shuning uchun ehtiyot choralarini ko'ring va vositani 15 daqiqadan ko'p ushlamang.

Ajinlarga qarshi

Ajinlarga qarshi kurashish uchun limon va yog'li qaymoqdan niqob ishlatish mumkin. Qaymoq o'rniga yog'li smetana (20%) ishlatilsa ham bo’ladi. Ingrediyentlarni aralashtiring va yuz terisiga yupqa qatlam qilib surting. 15 daqiqadan keyin paxta diski yordamida olib tashlang. Niqob terining o'lik qatlamini olib tashlash va to'qimalarni tiklash jarayonini tezlashtiradi, hujayralarni yangilash jarayonini boshlaydi. U oziqlantiradi va burmalardan xalos bo'lishga yordam beradi, terini oqartiradi.

Foto: 63valentina.ru

Uy sharoitida yuz uchun limon ishlatishga qarshi ko'rsatmalar:

• sezgir va quruq teri;
• ochiq jarohatlar;
• yallig'lanish;
• allergiya.

Sitrusga bo'lgan reaksiyaga ishonchingiz komil bo'lmasa, teringizning kichik qismiga bir tomchi limon sharbatini surting. Qizarish, kuydiruv, toshmalar – allergiyaning belgilaridir.