Jigar uchun dorilarning arzon analoglari bormi?

Jigar 500 dan ortiq hayotiy funksiyalarni bajaradigan noyob organdir. Masalan, u qon oqimidan chiqindilar va zaharlarni olib tashlaydi va organizmdagi kimyoviy reaksiyalarni boshqaradigan yog‘ni hazm qiluvchi safro va muhim oqsillarni hosil qiladi. Jigar doimo aktiv holatda ishlaydi. Uning ichida asab tugunlari yo‘qligi uchun og‘riqni his qilmaydi. Shuning uchun ham odamlar ko‘pincha kech bo‘lmaguncha jigarlari bilan bog‘liq muammolar borligini anglamaydilar.

Jigar sog‘lig‘ini tiklash uchun odamlar ko‘pincha faqat reklama qilingan dori-darmonlarni tanlaydilar. Sizga foydali bo‘lishi uchun ushbu dorilarning faol moddalari va ularning ta’siri haqida ma’lumot taqdim etamiz. Shuningdek, dori analoglarining narxlarini taqqoslaymiz.

Dorilar analoglarining turlari

Ba’zida analogning inson tanasiga ta’siri biroz farq qiladi. Shuning uchun dorilarning analoglarini qo‘llashdan oldin shifokor bilan maslahatlashish muhimdir.

Tarkibi va asosiy faol moddasiga qarab, dorilarning ikki turdagi analoglari mavjud:

• Strukturaviy analoglar (djeneriklar): ular bir xil faol moddalarni o‘z ichiga oladi. Komponentlari original bilan bir xil dozalarda taqdim etiladi. Qisqacha qilib aytganda djeneriklar butunlay asl dorini takrorlaydi.
• Faol analoglar (bir guruhga oid dorilar): ularning tarkibida original dori bilan o‘xshash harakat mexanizmiga ega faol komponentlar mavjud. 

Biz djeneriklarning narxini taqqoslaymiz. 

"Ursosan", "Gepalyuks", "Ursoliv" preparatlari

Faol modda: ursodeoksixol kislotasi. Bu kislota organizm tomonidan ishlab chiqariladi. Ba’zi holatlarda organizm ishlab chiqargan ursodeoksixol kislotasi miqdori yetarli emas bo‘lishi mumkin. Ursodeoksixol kislotasi xolesterin va toksik safro kislotalarini kamaytiradi, jigarni fibrozdan himoya qiladi.

Ursodeoksixol kislotasi preparatlari odatda o‘t pufagida tosh bo‘lgan odamlarga buyuriladi. Boshqa jigar kasalliklari uchun ursodeoksixol kislotasi foydasi haqida dalillar kamroq. Biroq, AQSh oziq-ovqat va farmatsevtika idorasi uni birlamchi biliar  jigar sirrozida qo‘llashni ma’qullagan. Ushbu kasallikda noma’lum sabablarga ko‘ra surunkali progressiv autoimmun jigar shikastlanishi paydo bo‘ladi.

Faol moddasi ursodeoksixol kislotasi bo‘lgan jigar uchun dorilarning narxlari:

"Fosfogliv", "Essentiale" preparatlari

Faol modda: glitsirrizin kislotasi + fosfolipidlar. Nazariy jihatdan kislota birinchi va ikkinchi turdagi gerpes viruslarining ko'payishini bloklaydi. Fosfolipidlar jigar hujayralarini - gepatotsitlarni himoya qilish va chandiqlar paydo bo'lishining oldini oladi.

Fosfolipidlar gepatit va alkogolsiz yog'li jigar kasalliklari, diabet, zaharlanish va psoriaz kasalligida ishlatiladi. Biroq, hozirda fosfolipidli dorilar jigarga yordam berishi haqida ishonchli dalillar yo'q.

Glitsirrizin kislotasi eksperimental dori hisoblanadi. Bu hech kim uning samaradorligini odamlarda to’liq sinab ko'rmaganligini anglatadi. Lekin, ko'p miqdorda glitsirrizin kislotasi zararli bo'lishi mumkinligi aniqlangan: bu modda shish paydo bo'lishiga olib kelgan holatlar mavjud. 

Faol moddasi glitsirrizin kislotasi bo‘lgan jigar uchun dorilarning narxlari:

"Gepa-merts" preparati

Faol modda: L- ornitin va L- aspartat. Ishlab chiqaruvchilarning ta’kidlashlariga ko‘ra, ornitin jigarni barcha zararli moddalardan himoya qiladi, shuningdek, ammiak miqdorini kamaytirib, zaharli moddalarni yo‘q qiladi.

Ornitin jigar sirrozi, gepatit va oqsil yetishmovchiligida qo‘llaniladi. Ba’zi tadqiqotlar shuni ko‘rsatadiki, ornitinli dorilar o‘limni kamaytiradi va jigar ensefalopatiyasi bo‘lgan odamlarga biroz yengillik beradi. 

Lekin bu moddalarning foydasi to‘g‘risidagi dalillar juda zaif. Oddiy qilib aytganda, ornitin preparatlari, ehtimol, jigar kasalligini oldini oladi va na davolaydi, lekin buni hali beri hech kim tasdiqlamagan.

Faol moddasi L- ornitin va L- aspartat bo‘lgan jigar uchun dorilarning narxlari:

"Geptral" preparati

Faol modda: ademetionin. Ishlab chiqaruvchilarning fikriga ko‘ra, bu faol modda  jigarni davolaydigan va kayfiyatni ko‘taradigan universal moddadir. Ademetionin depressiya holatlarida foydalanish uchun tavsiya etiladi.

Ademetionin hozirda klinik sinovlarda juda faol o‘rganilmoqda. Ba’zi hayvonlar ustida o‘tkazilgan tajribalar, shuningdek, kichik insoniy tadqiqotlar ushbu moddaning surunkali  jigar kasalliklarida foydali bo‘lishi mumkinligini ko‘rsatadi. 

Biroq, uni samarali dori deb hisoblash uchun hali erta: ademetioninning xavfsizligi va samaradorligi ishonchli klinik sinovlar orqali tasdiqlanishi kerak.

Faol moddasi ademetionin bo‘lgan jigar uchun dorilarning narxlari:

"Karsil", "Radoksil" preparatlari

Faol modda: sut qushqo‘nmas o‘simligi ekstrakti. Sut qushqo‘nmas mevalarida silimarin  moddasi mavjud. Ishlab chiqaruvchilarning ta’kidlashiga ko‘ra, bu modda jigar hujayralarini tiklaydigan va viruslarlarning hujayralar ichiga kirishiga to‘sqinlik qiladigan xususiyatlarga ega.

Sut qushqo‘nmasni toksik gepatit, surunkali gepatit va sirrozda qabul qilish tavsiya etiladi. Ammo tadqiqotlar shuni ko‘rsatadiki, silimarin gepatit C ni davolashda yordam bermaydi. Silimarinning samaradorligi  sirroz holatida ham o‘rganilgan, lekin natijalar noaniqligi sababli moddaning foydasi tasdiqlanmagan. Toksik gepatitda hech kim bu vositaning samaradorligini o‘rganmagan.

Faol moddasi silimarin bo‘lgan jigar uchun dorilarning narxlari:

Xulosa

Ba’zi jigar uchun qo‘llaniladigan dori-darmonlar to‘liq klinik sinovdan o‘tkazilmagan. Shuning uchun ularni shifokor retseptisiz ishlatish sog‘liq uchun xavflidir. Sizning sog‘lig‘ingiz sizning eng qimmatli boyligingizdir, shuning uchun doimo shifokor tavsiyalariga amal qiling va dori-darmonlarni mas’uliyat bilan qabul qiling. Shuningdek, preparatning narxi dozasiga bog‘liq ekaniga ham ahamiyat bering va sotib olishdan oldin dorilarning dozirovkasini tekshiring.