Markaziy isitish tizimidan voz kechish mumkinmi?

Toshkentda qish mavsumi yaqinlashgani sari markaziy isitish tizimi dolzarb masalaga aylanadi. Har yili tizimning vaqtida yoqilmasligi yoki radiatorlarning yetarlicha isitmasligi bo‘yicha foydalanuvchilardan shikoyatlar kelib tushadi. Tariflar oshganiga qaramay, xizmat sifati o‘zgarmagani ham e’tirozlarga sabab bo‘lmoqda. Ko‘pchilik markaziy isitish tizimidan voz kechib, mablag‘larini konditsioner yoki elektr isitkichlarga yo‘naltirishni o‘ylamoqda. Quyida foydalanuvchilarning tajribalariga asoslanib, markaziy isitish tizimidan voz kechish mumkinmi, yo‘qmi, muhokama qilamiz.