“Katta bolalar” mashinasiga pul yig‘amiz
Xalqimizda jentra shunchaki harakatlanish vositasi emas — shu rusumdagi avtomobil birinchi marta 2013-yilda chiqarilgan, lekin aynan 2022-yilda u xit darajada sotilib, “Katta bolalar”ni ajratib turuvchi belgiga aylangan.
2024-yilning yanvar oyidan boshlab katta bolalarning hayotida o'nglab bo'lmas hodisa yuz berdi — UzAuto Motors Chevrolet Gentra mashinalarini ishlab chiqarishni to'xtatishi haqida e’lon qildi, Gentra uchun ehtiyot qismlari tayyorlash bilan shug'ullangan zavodlar esa zamonaviy rusumlar bilan ishlashga yo'naltirildi.
Ikkinchi qo'l jentralarning narxi qancha?
Endi salondan yangi chiqqan mashinani sotib olib bo'lmaydi — shu yilning 26 iyulida kompaniya oxirgi jentrani oq yo'l bilan kuzatdi. Lekin qo'lni siltab ketishga hali erta, axir bunday yangilik birinchi marta chiqayotgani yo'q.
Hozir onlayn- va oflayn-platformalarda ham takliflar yetarlicha. Masalan, avtoelon.uzda 2010-yilda ishlab chiqarilgan 3-pozitsiyali jentrani 7 000 yevroga topish mumkin. Albatta, mashina yangi emas, lekin birinchi marta sotib olishga juda yaxshi variant.
Avtoelon.uz saytidagi 2010-yilgi 3-pozitsiyali Chevrolet Gentra narxi. Foto: avtoelon.uz
olx.uz qidiruv maydonchasiga “jentra” deb yozsangiz, qiziqarliroq takliflar ham topiladi — 2020-yilda chiqarilgan mashinani ijaraga olish va keyinchalik sotib olish sizga 17 480 yevroga tushadi — boshida 5000 dollar, keyin esa ikki yil davomida oyma-oy 500 dollardan to'lab borasiz. Agar kuryer yoki taksi haydovchisi bo'lib ishlasangiz, bu taklif sizga juda mos: ham pul ishlab topasiz, ham ishlagan pulingizdan ijara haqini to'lab borasiz.
olx.uz saytidagi Chevrolet Gentra eloni. Foto: olx.uz
Dangasalar uchun ham taklif tayyor — Samarqandlik qizga uylansangiz jentrani sovg'aga oling 😆 Yangilik kecha chiqmagan, lekin taklif hali ham jonli bo'lishi mumkin.
Tarmoqda tarqalgan videodan lavha. Muallif: youtube.com/@xabardoruz_official
Pul yig'a olamanmi yoki yo'q?
Albatta yig'a olasiz. Ammo bunga qancha vaqt ketishi daromad va xarajatlaringizga bog'liq. Pul yig'ish yo'l-yo'rig'ini ko'rsatamiz:
Bozorni o'rganing. Mashina bozorda aylaning, onlayn-platformalarni ko'rib chiqing, do'stlaringiz va tanishlaringizdan so'rab-surishtiring, narxlar va mashinalar sifatini solishtiring. Misol uchun, siz o'nlab mashinalarni ko'rib chiqdingiz va o'zingiz uchun 10 000 dollar yig'ishni maqsad qilib qo'ydingiz. Keyin-chi, nima qilasiz?
Byudjetingizni hisob-kitob qiling. Hisobingizga faqat doim aniq keladigan daromadlaringizni qo'shing. Masalan, mavsumiy qo'shimcha ishlar, eski narsalar sotuvi yoki do'stingiz qaytarishi kerak bo'lgan qarzi doimiy daromad manbai hisoblanmaydi — yo bo'ladi, yo bo'lmaydi. Misol uchun, siz oyiga doim 1000 dollar pul topasiz, shu puldan 30% — 300 dollardan yig'ib borishga harakat qilsangiz 10 000 dollarni 34 oy ichida yig'ishingiz mumkin. Yana inflyatsiya va kutilmagan xarajatlarni ham hisobga oling, shuning uchun pul yig'ishni 36 oygacha deb mo'ljallang.
Kutilmagan xarajatlaringizni rejalashtiring. Sizga g'alati tuyilishi mumkin, lekin shunday ham bo'lib turadi: siz kirim-chiqimlaringizni mayda-chuydasigacha hisobladingiz, lekin kutilmagan xarajatlar haqida esa unutib qo'ydingiz. Doim “B plan”ingiz bo'lgani yaxshi, masalan AVO kredit kartasi ko'rinishida: agar kutilmaganda ayolingizning tishi og'rib qolsa yoki o'g'lingiz sho'xlik qilib, derazani sindirib qo'ysa — kredit kartadan foydalanishingiz va imtiyozli davr mobaynida — 45 kungacha foizsiz qaytarishingiz mumkin.
Pulni aql bilan tejang. Orzuingiz ortidan quvib, sizga quvonch keltiradigan hamma narsadan voz kechib yubormang. Lekin keshbek yig'ish, savdo markazlarida chegirma va aksiyalardan unumli foydalanishni boshlash — bu, moliyaviy savodxonlik. Xaridlaringiz uchun ko'proq karta bilan, masalan AVO kartasi bilan to'lov qiling, Soliq ilovasida cheklaringizni skanerlang va barcha xaridlaringizdan qo'shimcha 1%dan yig'ib boring. Hozirdan shunday qilishni boshlasangiz, intizomingiz va hisob-kitoblarda orttirgan tajribangizga tayanib kelajakda ikkita-uchta mashinalik ham bo'lishingiz mumkin.
Shu formula yordamida qancha pul yig'a olishingizni chamalab ko'rishingiz mumkin. Agar daromadingiz kamlik qilsa — pul yig'ish muddatini uzaytirishingiz yoki mashina olishning boshqa yo'llarini izlab ko'rishingiz mumkin. Agar ko'proq pul topsangiz — xarajatlaringizni o'ylab-o'lchab rejalashtiring. Misol uchun, ishda yuqoriroq lavozimga ko'tarilsangiz ham uydagi “komfort”ingiz darajasini o'zgartirmay, daromadingizning ko'proq qismini to'plab borishingiz mumkin.
Pul yig'ish VS kredit: qaysi biri yaxshi?
Mustaqil pul yig'ish: bu, albatta, eng tejamli variant. Bankka ortiqcha pul to'lab yurmaysiz, qarzingiz bo'lmaydi, tinch-hotirjam uxlaysiz. Lekin pul yig'ish jarayoni juda uzoq va odamni ezib yuboradi. Agar hayotda xatto mayda narsalar uchun ham pul yig'olmagan bo'lsangiz, bu vazifa sizga qiyinlik qilishi mumkin.
Oylikkacha pul yetmayaptimi?
AVO platinum kredit kartasidan foydalaning va pullarni 45 kungacha 0% bilan qaytaring
Kredit olish: agar hoziroq toychoqni minib yurishni istasangiz, kredit — eng zo'r variant. Ha, bankka ko'proq pul to'laysiz, foizi ham kichkina emas, yana kredit tarixingiz ham yaxshi bo'lishi kerak. Lekin mashinani tezgina olasiz, kreditni esa sekin-asta to'lab boraverasiz. Muhimi — qarz botqog'iga botib qolmaslik uchun pullaringizni to'g'ri taqsimlay olsangiz bo'ldi.
Keyinchalik sotib olish imkoniyati bilan ijaraga olish: kimlargadir shu variant ko'proq yoqishi mumkin — ko'pincha taksi haydovchilari, kuryer va shu kabi mashinada pul topadiganlarga juda qo'l keladi. Bunda birinchi to'lov ham unchalik katta emas, odatda foizlar pastroq, shartlar esa qulayroq bo'ladi.
O'zi pul yig'ishga qaror qilganlar uchun bir nechta layfhaklar
- Pul yig'ishni avtomatlashtiring: oylik olishingiz bilan uning bir qismi pul yig'adigan alohida hisobingizga avtomat tarzda o'tkaziladigan qiling. Shunda pulingizni bilmasdan ishlatib qo'ymaysiz.
- Xarajatlaringizni optimallashtiring: oylik xarajatlaringizni ko'rib chiqing va ortiqchasini olib tashlang. Masalan, qahvaxonadagi tushliklarni uy ovqatiga almashtiring, bolangiz uchun esa planshetdagi pullik o'yinlar o'rniga uzoq muddatli obuna oling.
- Qo'shimcha daromad: ko'proq pul ishlash yo'llarini izlang — ishxonangizda qo'shimcha ish, qurilish sohasiga kichik investitsiyalar, qo'shni bolalarga kompyuter grafikasi yoki boshqa yo'nalishlarda dars berish bilan shug'ullaning. Har bir so'm uchun joy topiladi.
- Ko'pxarj xaridlarda tejamli bo'ling: uy ijarasi yoki kredit kabi katta xarajatlaringizni yana bir ko'rib chiqing. Balki, kommunal to'lovlarni kamaytirish yoki yangi texnika xaridini biroz eski, shu bilan birga ishonchlisiga almashtirishning imkoni topilar.
Maqolani o'qib, moliyaviy instrumentlar va qimmatli xaridlar haqida o'ylashni boshlagan bo'lsangiz, haqiqiy sheryurak ekansiz: buning uchun jentrangiz bo'lishi, yo bo'lmasligi muhim emas. 💪
