O‘zbekistonda iPhone 16 qanday sotib olish mumkin?
iPhone 16 telefonini qayerdan sotib olish mumkin?
O‘zbekistonda iPhone 16 telefonini rasmiy hamkorlardan sotib olish mumkin, bular: iSpace, Beeline, CA.store, Mediapark va Radius. Ushbu do‘konlar Apple kompaiyasining asl mahsulotlarini kafolat bilan taklif qiladi. Rasmiy do‘konlardan xarid qilingan telefonlar global texnik xizmatidan foydalanish imkonini beradi va doimiy yangilanishlar bilan ta’minlanadi.
Ba'zi foydalanuvchilar arzonroq narxda telefon olish uchun OLX kabi e’lonlar saytlariga yoki rasmiy bo‘lmagan do‘konlarga murojaat qilishadi. Biroq, bunday qurilmalarning kafolati yo‘q va ular rasmiy xizmatlardan foydalana olmasligi mumkin. Shuningdek, bu telefonlar asl bo‘lmasligi yoki avval ishlatilgan va qayta tiklangan bo‘lishi ehtimoli ham mavjud. Shuning uchun bunday qurilmalarni xarid qilishda ehtiyotkorlik talab etiladi.
iPhone 16 telefonini tekshirish
Yangi iPhone 16 telefonini sotib olayotganda, uning rasmiy va original ekanligini aniqlash uchun quyidagi usullardan foydalaning:
1. Qadoqdagi kodni tekshiring
Qutining orqa tomonida 8 xonali kod bo‘ladi. O‘zbekiston bozoriga rasmiy keltirilgan qurilmalarda ushbu kodning oxirgi uchta belgisi HX/A yoki ZD/A bo‘lishi kerak. Bu kod telefonning mamlakat ichiga rasmiy ravishda olib kirilganini va uning barcha funksiyalari to‘g‘ri ishlashini tasdiqlaydi.
2. Kafolatni tekshiring
Qutining pastki qismidagi seriya raqamini Apple kompaniyasining maxsus saytida tekshirib, telefonning O‘zbekistonda kafolatga ega ekanligini aniqlashingiz mumkin. Agar kafolat mavjud bo‘lsa, demak, qurilma rasmiy sotuvchilardan olingan.
3. Qurilmaning asl holatini tekshiring
Apple kompaniyasining rasmiy veb-saytida seriya raqamini kiritib, qurilmaning yangi yoki avval ishlatilganligini tekshirishingiz mumkin.
O‘zbekistonda iPhone 16 narxlari
O‘zbekistonda iPhone 16 narxlari sotib olinadigan joyga qarab sezilarli farq qilishi mumkin. Masalan, turli savdo platformalarida telefonning narxlari quyidagicha:
iSpace:
- iPhone 16 narxi – 15 400 000 so‘mdan boshlanadi;
Uzum platformasida:
- iPhone 16 narxi – 15 520 000 so‘mdan boshlanadi;
Norasmiy yo‘llar yoki boshqa onlayn platformalar:
- Logistika firmalari orqali AQShdan buyurtma qilingan holda iPhone 16 narxi – 911,9 AQSh dollaridan boshlanadi;
Valyutalar konverteri
Turli e’lonlar saytlarida va boshqa do‘konlarda esa narxlar mos ravishda o‘zgarib turadi. Masalan, Olx saytida iPhone telefonining narxi 1200 dollardan boshlanadi:
- iPhone 16 narxi – 1200 AQSh dollaridan boshlanadi;
- iPhone 16 Pro narxi – 1700 AQSh dollaridan boshlanadi;
- iPhone 16 Pro Max narxi – 2050 AQSh dollaridan boshlanadi.
