Kredit tarixingizni boshqalardan qanday yopish mumkin?
2024-yil 20-iyundan boshlab, KATM ma'lumotlarni himoya qilishni kuchaytirish maqsadida yangi «FREEZE» xizmatini test rejimida ishga tushirdi. Endi bu xizmat orqali jismoniy shaxslar o'zlarining kredit tarixi bo'yicha ma'lumot olishni KATMdan roziligisiz taqiqlashlari mumkin bo'ladi.
"FREEZE" xizmati jismoniy shaxslarning shaxsiy ma'lumotlarini himoya qilishda muhim qadam hisoblanadi. Bu xizmat yordamida shaxsiy kredit tarixini nojo'ya foydalanishdan himoya qilish mumkin bo'ladi.
Xizmatni faollashtirish: Xizmatni faollashtirish uchun avvalo KATM veb-saytiga tashrif buyurib, ro'yxatdan o'tish lozim. Ro'yxatdan o'tish jarayoni oddiy va tez amalga oshiriladi.
Freeze xizmatini yoqish sahifasi. Foto: portal.infokredit.uz
"FREEZE" xizmatini yoqish: Ro'yxatdan o'tgandan so'ng, "FREEZE" xizmatini faollashtirish mumkin bo'ladi. Ushbu xizmatni yoqqanda SMS xabarnomani yoqish uchun telefon raqamini kiritishingiz kerak bo’ladi. Ushbu xizmatni yoqqanda, SMS xabarnomani olish uchun telefon raqamini kiritish talab etiladi. Foydalanuvchi faqat shu telefon raqami orqali servisga kira oladi. Agar telefon raqamini o‘zgartirish kerak bo‘lsa, yangi raqamni servisda yangilash zarur.
"FREEZE" xizmati yoqilganidan so‘ng, foydalanuvchi o‘zi haqidagi kredit hisobotini taqdim etishga rozilik berishni rad etish imkoniyatini oladi. Bu esa qo‘shimcha xavfsizlikni taqdim etadi.
Freeze xizmatidan foydalanish to'lovi
2024-yil oxirigacha ushbu xizmatdan bepul foydalanish mumkin. Bu davr mobaynida xizmatni sinab ko‘rish va uning afzalliklarini his qilish imkoniyati mavjud. 2025-yil 1-yanvardan boshlab, ushbu xizmat 0,03-karrali Bazaviy hisoblash miqdori (BHM) miqdorida, QQSsiz, haq evaziga ko‘rsatiladi.
