Germaniyada ish: O‘zbekiston fuqarolari uchun yangi imkoniyatlar

Germaniya so‘nggi yillarda xorijdan, jumladan, O‘zbekiston fuqarolaridan malakali ishchi kuchini jalb qilishga alohida e’tibor qaratmoqda. Buning asosiy sababi – mamlakatda ishchi kuchi yetishmovchiligi, bu esa iqtisodiyotning turli sohalariga ta’sir qilmoqda. Masalan, Germaniyada hozirda 70 000 yuk mashinasi haydovchisiga ehtiyoj bor. Bunday sharoitda ish beruvchilar chet eldan xodim qidirishga majbur.